عرض للطباعة
سلام عليكم..
الاحظ سيارتي لاجيت اشغلها صوت السلف مبين انه يالله يتحركيعني يالله يشغل السياره .. صوته زي صوت تشغيل السيارة بعز البرد تحس يالله تشتغل
وبعد ايام لا جيت اشغل ما تشتغل .. نور العدادات يبدا يفصل ويرجع ( زي البطارية لا صارت فاضيه) وما تشتغل السيارة الا بعد ما اتركها لوقت بسيط وارجع اشغل .. ((مع العلم البطارية ما كملت 4/5 شهور))
تشتغل بسرعه تحس من صوت السلف يتحرك بسرعه ..
وهالحال له حوالي شهر .. كل اسبوعين يتكرر هالموقف
فيدووونا .. ولكم خالص التحيه
اخوي وحيد اتوقع ( وبنسبة 90 % :rolleyes: ) ان مشكلتك في السلف
الوكاله الان عندهم اصلاح للسلف بيكلفك تقريبآ 600 ريال قيمة القطع وشغل اليد 300 ريال
ولو بتغيره بجديد حيكلفك كثير ( سعر السلف تقريبآ 2500 ريال :( )
وفيه احتمال بسيط يكون من الدنمو حق التعبئه ( حتى هذا غالي بـ 2800 ريال :mad: )
دينمو الاكورد مايخرب بسرعه .... بس اوقات اذا كان فيه تهريب زيت من دودة الدركسون
الزيت يدمر الدينمو .... عاد انت شيك على الاثنين وان شاء الله يكون الخلل من السلف مو من الدنمو .
قبل كل شي لا تخسر نفسك .. جرب بطارية ثانية .. ترا مو شرط المدة للبطارية ..
الله يعينك
^^^
قبل ما تشتري بطارية ثانية تأكد ان الدينمو شغال لانه اذا ما كان شغال بتجلس تغيير بطاريات كل 3 شهور
بعد التاكد من البطاريه .. تاكد من فحمات السلف ... انا قد صارت لي ... اذا الموتر تاخر ماشتغل>>متعود ع الكرف
يبدا يخون في التشغيله .. وفي الاخير غيرت الدقمه من التشليح بـ 70 ريال وشغل يد 30 ريال
وخسارة السطحه 60 ريال ... يعني ماله داعي تصير مثلي توك طالع من الدوام في خريص(الله يالدنيا ايام حلوه ياخريص) والساعه 2 الظهر ... وفجأه ماتشتغل...
من الان شيك وشوف قبل لاتغامر وتاكل هوا ...
شيك على الدينمو ....بعدين.... البطاريه..... بعدين شوف السلف او فحمات السلف....
اقتباس:
المشاركة الأصلية كتبت بواسطة وحيد الجزيرة
وعليكم السلام ورحمه الله وبركاته
صار لي نفس مشكلتك ،،،،وطلعت المشكلة من السلف (الدقمه والفحمه) ،،،
علشان كذا الحق على نفسك وودها للورشه قبل لاتطفى عليك وتشيلها بصطحه وانواع القروشه
مشكورين والله يعطيكم العافيه على تجاوبكم ..سؤال اخير .. بكم القى الدقمه وفحمات السلف
أخوي العزيز ..
قبل كل شي .. السيّاره انتهى ضمانها ؟؟
لو سيارتك مانتهى ضمانها لا تلمس فيها شي أبداً ..
روح ودها للوكاله وهم يعرفوا شغلهم ..
لكن لوكان الضمان انتهى ..
اللي أتوقّعه إنّ المشكله في كهربة السياره ..
إمّا من البطاريه نفسها ..
او من دينمو السياره ..
لا تغيّر أي حاجه قبل ماتتأكد منها ..
قطع الهوندا غاليه ..
تأكّد قبل عشان ماتخسر ..
وبإذن الله نشوفك ترجع للموضوع وتقول لنا سيّارتي صااااارت تمام ..
:rolleyes:
حاول تاخذ سلف من التشليح بتحصله بحدود ال500 ريال ،،،بس انت وشطارتك في التدوير ،،،واذا كانت سيارتك اكورد 2003او 2004 او 2005 حاول تركب سلف 2006 لان فيه اختلاف بسيط في ايش بالضبط مدري بس احسن من حق موديل 2005 ونازل طبعا يركب وهذا كلام راعي تشليح متخصص بهوندا
الله يقطعها من سيارات