قبل لاتشتري مفتاح ريموت من الخارج تعال هنا

السلام عليكم ورحمة الله وبركاته

كيف الحال ياشباب >>> الشباب فاز عالاتحاد :rolleyes:

ندخل بالسالفه علطول >>> اللي ماله نفس يقرأ ينزل لاخر الموضوع ويقرأ اللي بالأحمر :p

بالبداية بأحكيلكم قصتي

مفتاح الريموت لأكوردتي 2006 حق الوكالة ضاع >>> طبعا هو نفس مفتاح الأكورد من 2003 إلين الحين 2008

بالبداية وكعادة أي مواطن حبيب مؤدب قلت أكلم الوكالة أشوف السعر

الاخطبوط: السلام عليكم
الـوكــالــة: وعليكم السلام
الاخطبوط: أبغى أسوي مفتاح ريموت جديد كيف الطريقة
الـوكــالــة: تشتري مفتاح من قطع الغيار وتروح تقصه برا وبعدين تجي للصيانة ونبرمجه بـ 100 ريال
الاخطبوط: طيب بكم المفتاح عند قطع الغيار
الـوكــالــة: بـ 1500 ريال >>> ريال ينطح ريال
الاخطبوط: سويت كذا :eek: بعدين قلت شكرا لتعاونكم وإلى اللقاء

بعد ان غسلت يديني من اني ادفع 1600 ريال من غير قص على مفتاح قلت أروح محلات المفاتيح اللي برا :)

بعد لفه طويلة عريضه والأسعار متفاوته بين محل واخر لقيت أرخص محل وصار التالي

الاخطبوط: بكم مفتاح الأكورد عندكم مع القص والبرمجه
محل مفاتيح: بـ 650 ريال
الاخطبوط: شكرا >>>> تحس إني مؤدب دايم شكرا شكرا :d

قلت طيب خلني ياولد بما أن كل الأسعار عندنا مرتفعه حبتين خلني ادور بالانترنت يمكن ألقى شيء طيب وفعلا وجدت شيء أصلي ورخيص وفيه إضافة الزر الأحمر (panic) وصار التالي

الاخطبوط: بكم مفتاح الأكورد أصلي بدون قص
موقع الانترنت: بـ 183,49 ريال فقط لاغير
الاخطبوط: يابلاش هاته >>> واقوم اطلبه ويوصلني للسعودية

المهم بعد ماوصلني المفتاح هذي صورته من الأمام والخلف وصورة الكيس أول ماشتريته

http://hondaarabia.com/club/attachme...1&d=1213191027

http://hondaarabia.com/club/attachme...1&d=1213191027

http://hondaarabia.com/club/attachme...1&d=1213191027

وديته بعدها لمحل المفاتيح أبي أقصه وأبرمجه

الاخطبوط: هذا المفتاح أبيك تقصه وتبرمجه
محل مفاتيح: طيب عندك ثلاث شغلات (قص المفتاح + برمجة الريموت + برمجة المفتاح لتشغيل السيارة)
الاخطبوط: طيب برمج الريموت أول شيء قبل القص

بعد محاولات لبرمجة الريموت لم يتبرمج :(
واذا اخذنا مفتاح جديد من عنده وبرمجناه يتبرمج علطول :mad:

ونفس الموضوع صار مع أكثر من محل وحاولت أيضا بالطريقة الموجوده بالمنتدى أيضا لم تنفع

بعد مراسلة أحد الأعضاء الذين سبق أن اشتروا المفتاح من الانترنت اكتشفت بأن نفس الموضوع صار معاه وان الريموت لايتبرمج ولكن المفتاح يقوم بتشغيل السيارة بدون مشكلة

المهم انا رجعت لمحل المفاتيح وأخذت مفتاح الريموت اللي بـ 650 وريحت راسي :d

زبدة الموضوع كله:
تنبيه للإخوان قبل أن يقوموا بشراء المفتاح (النظام الأمريكي) فأنا أخبرهم بأني إشتريته ولم يعمل الريموت نهائيا وعند أكثر من محل

(عندي طلب : اللي قد طلب المفتاح من الانترنت من قبل واشتغل الريموت معه الرجاء إعلامي بذلك)

يؤيؤيؤيؤ غريبه ... طيب يعني كمبيوتر الأكورد الأمريكي تفرق عن أكورداتنا <<< :d
طيب إسأل الوكالة عن السالفة ذي وشوووف وش يقولون لك ؟

أشكرك عزيزي ع التنبيه

الله يعينك اجل ما اشتغل :(

لاتتهور واجد :d

طيب مافكرت ( تغير كل الشغلات الالكترونية اللي داخلة ) <<<< لو تفكر فيها من زاوية اخرى ... تلاقي ردي ما منة فايدة :)

أفا....:(

يارجال الدينا تجارب.....:)

وأشكرك والله على الموضوع لاني كنت ناوي على المفتاح ..

مشكور على التنبيه يا حسام

بس جربت تغير الشريحة اللي قلت لك عنها من المفتاح القديم الى الجديد ؟

شوف الطريقة هذي من موقع كار دومين
طريقة التحويل من مفتاح الاكيورا TL الى الهوندا اكورد

http://memimage.cardomain.com/member...334_1_full.jpg

http://www.cardomain.com/ride/2584334

والرابط هذا فيه طريقة التحويل كاملة مع البرمجة

http://forums.clubrsx.com/showthread.php?p=11483363#post11483363

جربها على المفتاح اللي عندك وعطنا خبر باللي يصير معك
لاني صراحة ناوي احول على مفتاح الاكيورا TL

من جد كشخة

:cool:

بصراحه كان حوار هادئ وحلو ..

:d

والنهايه : كالعاده مؤلمه .. لكن والله تشكر على انك شاركت الشباب هالتجربه ..

شباب أنا حصلت في محل جنب البيت مفتاح هوندا قص وبرمجة بـ 300 ريال يا بلاش وشغال كله تمام

يعطيك الف عااافيـة يا الاخطبوووووط على الحوار والنقاااش الراااائع بس لو إني ادري انك تبي مفتاااح كان عطيتك اللي معاااااي انا عندي واااحد من الوكااالة لم يتم برمجته إلى الان:d ..

تحيـاتـي لكـ . . .

وعليكم السلام ورحمة الله
اما انا بخصوص تجربتي لما انكسر مفتاح الريموت الأساسي :)

رحت لمحل المفاتيح ولقيت عنده مفتاح هوندا بالريموت قص لي عليه ونقل الشريحه من المفتاح القديم للجديد وسوا له برمجه

وكل شي 100%

التكلفه حدود الـ 250 ريال كاملةً .

محبتي .

يعطيك العافية يالاخطبوط


احس جاك احباط يوم قريت الردود


ياخي كان سألت بالمنتدى شف الشباب جابولك عرض بـ250 ريال ,,,, وش تبي بعد


شكراً على التنبيه

الان ممكن اعرف وش هو الزر الاحمر ..؟

بنتظارك ياحسام

..

HR-Student اعتقد الكمبيوتر هو نفسه لكن ممكن الريموت لان فيه اضافة الزر الأحمر يكون مختلف عن الريموت تبعنا >>> الله اعلم

Netro ايه الله التهور مشكلة تخاف بعدين يجيك المحلل التحكيمي فوده يعطيك كرت أصفر للتهور :d

كوكو كورد بأحاول أدرس الوضع لكن يبيلها فضاوه وروقان وانا وقتي ضيق >>> ياهووه يارجل الاعمال :p

Seraj_9196 ايه والله لاتتهور مثلي الين القى حل بعدين اعلمك وتشتريه وتكسره بالعافيه :)

B Unique حبيبي فريد لي عودة اذا فضيت بأفك المفتاح وانزل صور له هنا لانه الريموت جاي منفصل تماما عن المفتاح وتقدر تمسك الريموت بس لحاله وتبرمجه وهو برا المفتاح ان شاء الله واذا لقينا الحل اتهنى ياباشا بمفتاح الاكيورا :cool:

اكورداوي يامن كنت للأكورد هاوي :d أسعدني مرورك وهذي حالة المسلسلات قصه سعيده ونهاية حزينه ولكن تابعنا في الموسم الثاني من القصه >>> بريزون بريك على غفله :p

كوكو196 حدد موقعك ومكان المحل وتأكد بارك الله فيك انه بريموت لانه المفاتيح اللي بدون ريموت لقيتها بـ 160 ريال

ACCORD 747 الله يسلمك حبيبي ماتقصر حبيبي >>> اذا ضاع مره ثانيه بأجي اخذه منك :d

الأنس يقولون تبوك مدينة الورود غير :) أنا نسيت أقول انه بعد ماقصينا المفتاح وبرمجنا الريموت جينا نبي نبرمج المفتاح لتشغيل السيارة عن طريق الكمبيوتر مارضي يتبرمج
قام راعي المحل اخذ شريحة مفتاح ألتيما وركبه بدل شريحة الأكورد وضبط الوضع :confused: يقول بأنه الأكورد والألتيما وميتسوبيشي(على مااذكر) كلهم نفس الكود (الياباني سوى)

AL5FY لا والله لااحباط ولا يحزنون بالعكس يمكن والله اعلم يصير فيه أمل يشتغل المفتاح ونفتح باب رزق :)

z a n h o r الزر الأحمر حسب ماأعرف انه يقوم بتشغيل الانذار
اذا ترجمت كلمة panic بيطلعلك معناته الخوف او الفزع >>> تعرف فلم panic room :)
يعني يمكن جايه التسميه من ان الزر يخوف اللي حول السيارة :)

وش الجديد بالموضوع يااخطبوطي العزيز :rolleyes:

مشكله الناس اللي تتهور ولا تتصنصح من اللي حوله ,,,,,,

^^^
الحياه تجارب ;)
ممكن تصيب معاك وممكن تخيب :rolleyes:

اتشـ الصراحة لاجديد حتى ابي افك المفتاح عشان أصور الريموت واجيبه هنا مالقيت مفك :d

ككتان مادام كلها 183 ريال ليه مانتهور >>> ياما دخلنا السدحان ولا كارفور عشان أتمشى بس ونطلع بـ 500 ريال وثلاث ارباع اللي تشريه ماله فائدة ويمكن ماتستخدمه الا مره وحده :p

انا شريت مفتاح بممبلغ 130 ريال من ebay وللاسف مثل ماقال اخي العزيز الاخطبوط لم استطع برمجته
اعتقد ان هناك اختلاف في البرمجة بين الامريكي والخليجي (وهنا يبرز سؤال وهو لماذا يلجأ الوكيل الى التغيير في كل شيء تحت المواصفات الخليجية)

تحياتي

تحياتي اخي الاخطبوط وشكرا على موضوعك واضم صوتي اليك
اخي الاخطبوط هل لي ان اسأل ماهو الرقم الموجود على المفتاح الذي اشتريتة ,وما هو الرقم على المفتاح الاصلي؟ هل هما متطابقان؟
الرقم عندي هو
FCC ID :0UCG8D-380H-A
IC:850G-G8D380HA

اقتباس:

---

المشاركة الأصلية كتبت بواسطة raptor

انا شريت مفتاح بممبلغ 130 ريال من ebay وللاسف مثل ماقال اخي العزيز الاخطبوط لم استطع برمجته
اعتقد ان هناك اختلاف في البرمجة بين الامريكي والخليجي (وهنا يبرز سؤال وهو لماذا يلجأ الوكيل الى التغيير في كل شيء تحت المواصفات الخليجية)

تحياتي

تحياتي اخي الاخطبوط وشكرا على موضوعك واضم صوتي اليك

---

الحين عرفت ليه حاط المفتاح في صورتك الشخصية :d

نعم,,,,, ولاحط مش مبرمج ولا مخروط :d;)

اقتباس:

---

المشاركة الأصلية كتبت بواسطة اتــشـــــ

الحين عرفت ليه حاط المفتاح في صورتك الشخصية :d

---

اقتباس:

---

المشاركة الأصلية كتبت بواسطة raptor

نعم,,,,, ولاحط مش مبرمج ولا مخروط :d;)

---

اهم شي لاترميه :d واصبر اليييين الله يفرجها من عنده :)

آآآآآآآآآه يالقهر .. ذكرتني بقصتي مع الوكالة وسالفة الريموت ..

سيارتي ضاع مفتاحها ولا لقيته <لا ياشيخ ..
ورحت الوكالة ابي اشتري مفتااح وشريتــه وقصيت عليه .. وجيت بابرمجه بالوكـالة ..
الا يحاول فيه يمين يسار فوق تحت .. افتح ياسمسم .. ماحولك احد ..
وبعد الكشف والكشيف .. اكتشف الخبير "الله والخبير" كمبيوتر الريموت اللي بداخل السيارة هو العلة والمشكلة الرئيسية .. ولازم يتبدل .. عاد كيف جاه الخراب الله اعلم ..
ومازلنا نترزز بالقرب من ابواب السيارة لنفتحهاا خخخخخخ
والوعد ياعبوودي هاشم تراه طوول

ولسه انتظر يتصلون يقولون جانا الكمبيوتر عشان سيارتك ... وللانتظار بقية آه يالقهر ههه والله عبوودي ذا ماله حل الله يهديه ..صار لي ثلاث شهور وانا صابر عليه ...

مشكوووور أخوي ع التنبيــه ,



ربي يسلمك من كـل شــر ,,

علمونا بالجديد>>>>>>>>متحمس يبي مفتاح الاكيورا...

وش السآلفهـ .. شكل المفآتيح متفقهـ تنحآش وتضيع في وقت وآحد خخخ !!

<< ضآع مفتآحهـ الريموتـ ومتوهق :(

طيب آخطبوطنآ !! وين حصلت اللي بـ 600 وهل هو آصلي زي حق الوكآلهـ !! وكيفهـ معكـ !!

وبالنسبة للآخوآن اللي يقولونـ بـ 250 !! وينهـ فيهـ هذآ !!

ونصيحة اللي يشتري مفتآح جديد يعلقهـ في رقبتهـ ][ ولآضيآع بعد اليومـ ][ خخخخ