بسم الله الرحمن الرحيم
أهليـن شباب منتدانا >الحمد الله مافيه بنات والا بتشوف التواقيع كلها شباصات:cheer: والا الردود باللون البنكي :lolipop:هع هع
بمـا إن لي علاقـه الأعضاء ومنسق تجمعات واكثر شخص يختلط مع الاعضاء الكرام منذو مبطـي ولعيـون اعضائنا الكرام والمشرفين الي فضحناهم:p قبل قبل الاختراق الله يرحمها من ايام اليوم بقص لكم قصـة إنحراف شـاب سعـودي :dوهو احد اعضاء المنتدى ويمكن يكون مشرف ويمكن يكون (احمر) ;)
اهم شي فيه مشاركه من قبل طاقم المنتدى ككل..^_^
المـوضوع تـرى فيـه إنحراف واجد علمتـكم يعني الصغـار يطلعـون (المقصد الطلاب :pهع هع)
ابطال القصه 1- موسى (slam tic) :cool:
2-عبدالله (يامطنش):eek:
3-مصعب (كوكو كورد):confused:
هذا واحد الله يسلـمكم إسمـه ( موســـــى ) عايش في حـي من أحيـاء الرياض الي لك عليـها , ماعنده ماعند جدتـي دلخ بالدرجـه الأولـى ماعنده إلا 3 أهداف بالحيـاة ..والهدف الرابع طلع تسلل
النـوم والأكـل والسربتـه
والنك نيم بالبلوللووث (هدفي بالحياة طلع تسلل)
بيتهم مافيه بنـات ولا قد عمره شـاف بنات ماعنده إلا أمـه الي وجههـا هي والقمر واحد (الله يخلي لكم اوبهاتكم وامهاتكم)
.................................................. ...
يوميـات من حيـاة حيـاة موسى :
الأبو : موسى يالتيس الأربش وديـت الغنـم يتنفهـون بالبراد
موسى: الحيـن يبه أنا ماتنفهت تبي أطلع غنمـك يتنفهون
الأبو: ياويلي لاتحط راسـك براس الغـنم هاذولي منهم فلـوس وأنت وش وراك ياوليدي
موسى: خلاص إن شالله العصـر بطلع أنا وعبدالله نمشيـهم
.................................................
في جلسته مع أخويـاه :
مصعب : الحيـن إنت ياموسى مـتى بتكمـل المتوسطـه ؟
موسى : إنت مصدق إني بكملها أصلن المدير قالي هي آخر سنـه إن مانجحت فيهـا تنقلع
عبدالله : موسى أقول طنش وعيش حيـاتك لايهمـك هالمعصوووب من راح الثنوي وهو مصدق عمـره :beee:
موسى : اصلا عاجبتـني المتوسطه أحس إنها ونـاسه تخيل مانلقى لنـا مدرسه تقبلنا بحيـنا تبيني أروح أتمشور إيه هيـن :A6rb.Com_65:
عبدالله: عاد هذا الشي الوحيد الي مافكـرت فيه , من جد يمكن مانلقى لنـا نقل << فاهمين النقل غلط :rofl:
.................................................
في البيـت :
الوالده : قم ياموسى تغدى ترى الغداء بيبرد
موسى: وش طابخه لنـا يمـه
الوالده : أبد مرقوق وجريش ورز من عقب أمس حميته لكم:fridge:
موسى : زين يمـه وملابسي غسلتيها ترى كل الطلاب في المدرسه مايبون يجلسون جنبي يقولون ريحتك كانها سيب مستوصف :Jumpy:
الوالده : تعبر فيـها إلى نهاية الشهر وأغسل ملابسكم مره وحده :c018:
موسى : الله يطولنا بعمرس يمـه
..................................................
وطبعـآ موسى مثـالي لحـد الآن , ماعنده شغل الشباب وخرابيـطهم من المدرسه للبيت ومن البيت للمسجـد بس عنده مشكـلة الدلاخه وأمـه أقنعته إن الدلاخه مو عيب ولاحرام :aa_eeeh:
وفـي يوم من ومن غيـر سـابق إنذار رجـع للبيـت ..
لقـى إمه حاطه رجـل على رجـل وسـافه الخصله على جنـب وحـاطه روج وكـــــــــــااااشخه .. موسى يحسب إمه تعبت وجاها قل صـح ..
موسى: يمه سلامات وش فيك عسى منتيب تعبـانه بس ؟
الأم: مادريت وش صـارّ ياموسى < بتشديد الراء مسويه دلع :nailpolish:
موسى: لا والله توني جـاي ليه وش صـاير ؟؟
الأم : أبد والله "ماي سن" جبنا شغالـه للبيـت >>اتعب ع اللغه :a106:
موسى : ياااااااااااااااااولد ,, والله لاأروح أعلم كل الحـاره إن صار عندنا شغاله
..............................................
العيـال : من جدك موسى جبتـو شغاله والله إنكم كووش ياولد :cool:
موسى : إيه وش تحسب أمي تقول إن الصحـون تسبب لهـا حساسيه عاد أبوي قال مالك إلا يجيب الشغاله لحد عندك:d
مصعب: نبي نشوفها ياموسى تكفـى:o
موسى: هييه أنت تحسب إني منب رجـال ولا عندي غيّـره أقول وخـر بس ولاأسمعك تقول هالكلام لاأجي أتوطـا ببطنك .:mad:
.............................................
موسى داخل البيـت وصوته يلعلع : ياااشغاااااااااله ياااااشغااااااااااااااله ياااااااااااااشغاااااااااااااااااااله:a046:
الشغاله جت وهي مفهيه ماتدري وش السالفه وكل وجهها تعابيره تقول كلمـه وحده : وش يحس به ذاا ؟؟
موسى وقف مكـانه مو مصدق الي قدامه ملاك ولاإنسـان أول مره يشوف بنت وجهـاآ لوجه لاوخصوصا بجمـالها تحركت فيه مشـاعر غريبه أول مره يحس فيـها حس إن قلبه بيطلع من مكـانه ويجي بحظنـها من الشوق واللهـفه
شوفو الجمال :
7
7
7
7
الشغاله : إنتا إبقى أنا ؟؟؟:a116:
موسى ضاعت علوومه يوم سمـع صوتها ماعاد قدر ينطق ولا كلمـه صار يناظرها بإعجـاب وبـس ..
الشغاله راحت عنه قالت أكيد هذا مجنون وجـاي يتميلح عليـها ...:dots(1):
.......................................
الأم دخلت على موسى وهو مصنّم مايدري وش يعبـر وش يقول لاأمه عن الجمـال الي تو شـافه ,,
الأم : موسى أمسك هالفلوس رح جب خبـز ولبن من البقاله وخله قليل الدسم لاأني من اليوم خلاص قررت أنحف
موسى : وعيونه على المطبخ يمه وش إسم الشغاله ؟؟
الأم : إييه الشغاله الجديده ماغيرها << مسويه بنت عـز ومتعوده على الشغالات , تقول إن إسمـها ( كاريـنا )
موسى مستغرق بالتفكيـر : والله يإنها كرّنت قلبي بعد هالكـارينـا فديت الهند وأهلها
الأم : يالله أنقز بعمرك وقم جب الي قلت لك وخل عنك كارينا
.......................................
موسى حس إنه ضايع من بعد ماشاف كاريـنا خلاص حبـها الولـد ويبيهـا ..
عبدالله : ياولد نحنو هنـا , ولانسيت عمرك وشفت نفسك من يوم ماجت الشغاله
موسى : لاتقول عنها شغاله إسمها كارينـا أخاف تسمعك وتزعـل
عبدالله: ياهووه بالحبيبّيب الي يخاف على مشـاعر شغالتهم , أقول تراها شغاله عاد لاتصدق عمـرك
موسى حس إنه لو بيتكلـم أكثر مع عبدالله بيتطاق معه خلاه ومـشى ..
.......................................
من عقبهـا وموسى ضايع ماعاد في باله شي إلا كـاريـنا صار يتخيلها في كـل وجه .. يحبها حب صادق أكثر من الخيـال .. جلس يدور حـل للي هو فيـه,,
إلى متى يشوفهـا وقلبه يتقطـع لازم يلقـى له حـل , ومافيه إلا حـل واحد إنه يصارحهـا بالحب الكـبير الي في قلبـه ,,,
موسى دخل بيتهم ولقى مافيه أحد وحس إنها الفرصه المنـاسبه إنه يصارحـها بحبـه لهـا بعيـد عن عبدالله ومصعب وأمـه وأبوه وكـل العذال ...
موسى : كـاريـنا << بلهجه كلهـا ألم وصوت يقطـع القلب
كـارينـا : إيس أبقى بابا
موسى : شوفي أنا ماعرف أتكلم هندي زيس << فاهم الهندي غلط ,,, بس بقولس إنتي مرتبطـه ؟؟
كـارينا : ترتبطه ؟ لا مافي إعرف بس سوي رز وملوكيّه
موسى : كارينـا حبيبتي خلي عنس سوالف الطبخ الحين وقولي لي إنتي قد حبيتي قبلي أحد << واثق الولد
كاريـنا : بابا أنا في سووغل كسسير لازم روح سوي سوغل انا أبقا إطلع أنا تئبان <<خربة اللغه من جد
موسى : ياحياتي والله تعبانه كل الشغل عليـس مالوومس لو قلتي تبين تطلعيـن أنا مستعد أطلعس وأمشيس وأوديس كل الي تبيـن
كـارينا : سوكراآ بابا أنا فيه روح قسل هووش
موسى : كاريـنا أحبس ,, موهبد < معلمه هندي البقاله :d
كاريـنا : بابا إنتا فازي يالله بس رووهي أنا مسغول إنتا في مجنوون
** راحت كاريـنا وأخذت قلب موسى معـها .. حطمت قلبـه بكلمـاتها القاسيه عليـه مو مصدق حبيبته أول حب بحياته يتكلم عليه وتقول عنه مجنون
طلع موسى وكل الألم في قلـبه مالقى قدامه غيـر عبدالله (شوف من لقى قدامه خخخخ) يشكي له هم الليـالي والحب الي بقلبه مايدري وين يوديـه ..
عبدالله : ترى إنت غلطان المفروض ماقلت لها على طول أحبـس ترى انت مخفـه تلقاها تقول وش ذا الخروف
موسى : وش اسوي ماقدرت استحمل لازم اقولـها أحبـها ياعبدالله أحبـها أحبـهاااااا
عبدالله ضاق صدره من حال خويـه قال لازم أطلعه من العذاب الي هـو فيـه لازم ألقى طريقـه أنسيه كارينـا وطوايفـها ... عبدالله ناظر حال خويـه .......
الثوب أصفر , العيـون مغمصه << مدري من لاعب عليه وقال له إن الحب يخلي العيون كذا , الرجلين شهب وسود بفعل الازفلت الي بالحـاره , الشعر خشـن وطاير , والخشم كبير ومليـان حبوب ,,
ويقول في باله بعذرها كـارينـا فيك
عبدالله : قم ياموسى قم تكشخ بوديـك مكـان كـله بنات بينسونك كاريـنا والي جاب كـاريـنا
موسى : تتوقع أنسـاها ياعبدالله
عبدالله : قم تكشخ وأوريك , تعال بيتنا عند أخوي مفلـــح(اي واحد اسمه مفلح دايم يصير مهبول) لبس حلو توه شاريه , وبنمر الحلاق نعدلك ونحلق عش الدجاج الي فوق راسك , وبنمر بقالة أبو سعيدان نجيب لك ليفه نوخر هالشهابه
موسى : مشيـنااا
.............................................
يتبع..:dانتظرونا..
