اي ايهم افضل صيانة الهوندا او الرد كاب ؟؟

بسم الله الرحمن الرحيم

اخواني ... حاب استشيركم بشي ..؟؟

انا املك سيارة هوندا اكورد موديل 2006 الحين بتوصل 100000 كيلو متر

وحاب اسوي لها صيانه من الي

فاشرايكم هل اسوي الصيانة عن هوندا ولا محلات رد كاب

في واحد من الشباب مدح لي رد كاب وقال صيانتهم حلوه وعندهم كشف بالكمبيوتر

وانا قد جربت صيانه الهوندا من العشرة الالاف الى الاربعين وبصراحه احس ما عندهم سالفه

ما يسون شي للسيارة

واتوقع انه السعر متقارب مو ذااك الفرق الكبير ؟؟

ما ادري في احد عنده معلومات تقدر تفيديني او في محلات تنصحوني فيها اسوي الصيانه عندهم

احسن من الرد كاب او الوكالة

ياليت نصائحكم ولكم شكري مقدمااا

تحياتي

غير الوكاله لاتدور

سؤال فيه رد كاب بالرياض ولا لا

رد كاب موجود بالرياض وجده والدمام والخبر والاحساء .. وما أدري اذا فيه غيرهم بعد ..

لكن أنا أشوف ان رد كاب نصااااااااب بالأسعار والوكاله أرخص منها بواجد .. عشان كذا أنا أنصحك بالوكاله ..

الشي الثاني : المثل يقول أعط الخبز خبازه .. فالوكاله أعلم بكل صغيره وكبيره بسياراتهم ..

زي ماقال اخوي اكورداوي >>> غير الوكالة لاتدور :d

أكورداوي <<<<يا كوووويس:cool:

صراحه انا جربت ردكاب صيانتهم ماتجي مثل صيانة الوكاله>>>>>>>>>>>صدق من فال غير الوكاله لاتدور..

مرحبا
كيف الحال انشاء الله طيبين
عندي سؤال إذا تسمحون لي
كم تكلف صيانة الوكالة مع العلم ان الموتر ماشي حوالي 90.000
مع الشكر

888888888888888

350شغل يد صيانه من الصدام للصدام

قطع الغيار عليك

^^^^^^
لا هم مايقولون من الصدام للصدام يقولون من المصد الى المصد..

ههههههه يبي يضيق صدره..

بس السعر اللي فوق اظنه للمداومين على الصيانه اما اللي منقطع عنهم او مايسوي صيانه بتزود عليه 50 ريال

والله اعلم

مشكور شباب
من ناحيتي منقطع عن الصيانة من 30.000
والسيارة مكروفة كرف
اكورد 2007 ما كملة سنتين وصلت 90.000
تحياتي

زين ما تعرفون ورشة في الرياض شغلها مضمون في الصيانة :d

ابشركم قالو لي :mad:600 دخول بس من المصد للمصد