كسروا قزاز سيارتي الله لا يوفقهم( استفسار عن سعرها بالوكاله)

السلام عليكم ورحمة الله وبركاته

كيفكم اخواني الاعضاء عسآإكم طيبين

قدر الله علي ولعبت مباراة أمس في اكاديمية برشلونه بالرياض وطلعت لفيت القزاز الجانبي للراكب مكسور وسارقين جوالين ومبلغ 700 ريال قمت احوس عند السيارهـ واشوف العالم كلها تشتكي من سرقة سياراتهم قلت اجل مهوب انا اللي لحالي اللي مستقصد الله لا يوفقهم المهم مالكم بالطويله انا عندي استفسارين

الاول عن سعر الزجاج الجانبي الامامي في الوكاله وهل احصله على طول وكيف نظام دوامهم بخريص وهل يخلصونها بسرعه والا فيها لطعه ورح وتعال

الثاني انا مشيت من الموقع بدون ابلغ عن شي مثلي مثل غيري لان ماعندك احد يرجع حقوقك بس هياط ع الفاضي يعني مايمديني استفيد من التأمين والا كيف

الله يعطيكم العافيه وشاكر ردودكم مقدما

طبعا سيارتي اكورد 2008

الله لايوفقهم :mad:

الله يعينك اخوي لاكن القزاز موغالي على ما توقع :rolleyes:

ويفضل انك تروح الصبح يوم السبت الساعه 9

لاكن عن مواعيدهم باظبط ما ادري :o

اقول ياغالي لوانت مأمن على السياره روح للتأمين وشوف ايش يسير معاك لانهم ممكن يعوضوك على الاضرار الي حصلت بالسياره لان خالي حصل معاه تقريبا نفس الاضرار بس مو سرقه لعب بزوره زي مايقولو تكسير مريات وكسرو الانتن وتلفيات مختلفه التأمين اتحملها

الحمد لله على السلامه اللي جت على كذا

القزاز سعره بالوكاله 500 ريال او اكثر شوي

بس انت مامن على السياره يعني وقف باي مكان وجب قزاز السياره من مكان الكسر وحطه على الارض واتصل على المرور

يجيك ويكتب لك تقرير عن السرقه وتوديه للتامين ويقولون لك رح للوكاله قدر سعر القطع مع التركيب عشان التعويض

ملاحظه : لا تقول للمرور ان السياره انسرقت (الاغراض اللي فيها ) عشان ما يبلشونك س / ج ورفع بصمات على الفاضي لانك ما تستفيد منهم الا التقرير عشان التامين :d

الله لايوفقهم حراميه

هذا رقم هوندا خريص

اتصل عليهم واستفسر

014454646

تحويله

452

الله يعطيكم العافيه شباب ماقصرتوا وبيني وبينكم ماحب شغل شركات التأمين ورح وتعال وحوسه خصوصا اذا صارت الاضرار مقدور عليها

بكرهـ ان شاءالله بروح الوكاله الصباح واشوف وش يقولون لاني مستعجل ع السياره ماابيها تطول كذا

بس اخر سؤال لو اجيب ورقة من المرور واصلحها على حسابي بالوكاله هل التأمين يعوضني والا لازم يشوفون السياره بوضعها لاني لو اجلس اطاردهم يبيلي يومين وانا مازينت القزازه

ليتك مارحت لأن قبل كم سنه كان فيه مبارة في ملعب استاذ الملك فهد وللأسف كنت حاضرها ويوم طلعت لقيت السيارة مفتوحه مسروق كل اللي فيها,,, وفيه اكثر من سيارة مسروقة ودقيت على الشرطه وبلغت وبعد كم يوم أعلنوا بالجريده انهم مسكوا الحرامية عن طريق كاميرات المراقبة وقالوا اللي عنده اغراض مسروق يجي ياخذها بس انا مارحت لأن اللي سرقوه مني من الممنوعات :d

<< قصدي باروكه وقناع وحركات بركات <<< ايام المبزرة :d

اقتباس:

---

ملاحظه : لا تقول للمرور ان السياره انسرقت (الاغراض اللي فيها ) عشان ما يبلشونك س / ج ورفع بصمات على الفاضي لانك ما تستفيد منهم الا التقرير عشان التامين

---

نصيحة بمحلها والله

لانك ما راح تستفيد شي بس وجع راس على الفاضي:p

للذلك لا تقلولهم شي عن المفقودات

خخخخخخخخخخ:d

الله يعينك:p

الله يوفقهم سعره 650 يمكن

:( الله يكون في عونكــــــــــــــــــــــــــــــــ ياأخوي........................

اقتباس:

---

المشاركة الأصلية كتبت بواسطة الــمــســافــر

ملاحظه : لا تقول للمرور ان السياره انسرقت (الاغراض اللي فيها ) عشان ما يبلشونك س / ج ورفع بصمات على الفاضي لانك ما تستفيد منهم الا التقرير عشان التامين :d

---

عاد تخيل عندنا بالسعودية بيشوفون البصمات


اشوا انهم بيقولون لك طيب وش تبينا نسويلك ,,, وش المطلوب ,,, سو بلاغ وانتظر اتصال <<< اذا حجت البقرة على قرونها

اقتباس:

---

المشاركة الأصلية كتبت بواسطة AL5FY

ليتك مارحت لأن قبل كم سنه كان فيه مبارة في ملعب استاذ الملك فهد وللأسف كنت حاضرها ويوم طلعت لقيت السيارة مفتوحه مسروق كل اللي فيها,,, وفيه اكثر من سيارة مسروقة ودقيت على الشرطه وبلغت وبعد كم يوم أعلنوا بالجريده انهم مسكوا الحرامية عن طريق كاميرات المراقبة وقالوا اللي عنده اغراض مسروق يجي ياخذها بس انا مارحت لأن اللي سرقوه مني من الممنوعات :d

<< قصدي باروكه وقناع وحركات بركات <<< ايام المبزرة :d

---

يارجال انا يوم قالوا لي اكاديمية برشلونه ماصدقت قلت مشينا واثاري الدعووه حووووش وحاطين فيه كم ملعب حتى مواقف مافيه والمنطقه مظلمه حوول مرور الشمال مخرج 6 لا كاميرات مراقبه ولا شي زين اللي صفت على كذا الحمدلله بس شرهتك على اللي يروح مرهـ ثانيه ولو بلغت كان جاك العريف معيض يدور بصمات مسوي كونان واخر شي ع الفاضي اسالني انا مجربهم نعنبوهم اذا بزران ولا يصيدونهم شلون لو قضية كبيرهـ

اللي يقول جيب تقرير من المرور علشان التأمين
انا اقولك ماراح تستفيد شي لان النأمين علشان يصلح لك القزاز بيدفعك حول 1000 ريال (يختلف المبلغ من شركة لاخرى )
والمبلغ هذا فتح ملف في التامين
يعني التأمين فائدته فقط للحوادث الكبيره او الحوادث اللي تكلفتها اكثر من 1500 ريال لاقدر الله



تحياتي

^^^^^

وشركة التأمين على ما أعتقد للحوادث مهوب للسرقة

الله يكون في عونكــــــــــــــــــــــــــــــــ ياأخوي وكان بلغت يمكن تستفيد لو بعد سنة ولو كلن أسكت عن حقة ضاعت إحقوقنا.......

اخوي اذا انت مامن على السياره تامين شامل فانت شووف كم تبي تكلفك وعااد انت قررر حتى لوو انك مامن لازم تدفع تحمل حادث عااد انت مدري كم حاطه هوو في 1000 وفي 500 هذي لازم تدفعهاا وهم يكملوو الباقي وتتسجل في الجهاز حادث وبعد ثلااث حوادث ما يصلحوو سيارتك <<<خبره حوادث وتامين:d عااد انت شووف اذا السالفه ما تكلفك واجد فصلحها انت وخل التامين للي اكبر من ذي

شباب اليوم رحت الوكاله وركبت القزازه قيمتها 404 ريال بعد الخصم وشغل يد 250 يعني المجموع 654 ريال وخذت وقت تقريبا ساعتين


اشكر كل من شارك في الموضوع واعطاني رأيه اللي بالتأكيد يهمني

لا خلى ولا عدم يااعضاء نادي محبي هوندا

^^^^^^^^
الحمد لله على السلامه ومبروكـ تصليح الملكه

والله ياغالي انت الخسران الوحيد اذا قلت ان شكرة التأمين حوسه وبلشه هي المستفيده كلم التأمين وقولهم وش صار عليك وبلغ الدوريه وريح بالك وخلهم يغيرونه ببلاش

<<<<ثلاث كلامات اقوولها (اسمع كلام المسافر):cool:

معوض بخير اخوي

انا صار لي نفس المشكله للاسف

رحت للوكاله وغيرتها مع التركيب 770 ريال

دخلتها الساعه 10 الصبح وخلصت الساعه 4 العصر .

اقتباس:

---

المشاركة الأصلية كتبت بواسطة AL5FY

ليتك مارحت لأن قبل كم سنه كان فيه مبارة في ملعب استاذ الملك فهد وللأسف كنت حاضرها ويوم طلعت لقيت السيارة مفتوحه مسروق كل اللي فيها,,, وفيه اكثر من سيارة مسروقة ودقيت على الشرطه وبلغت وبعد كم يوم أعلنوا بالجريده انهم مسكوا الحرامية عن طريق كاميرات المراقبة وقالوا اللي عنده اغراض مسروق يجي ياخذها بس انا مارحت لأن اللي سرقوه مني من الممنوعات :d

<< قصدي باروكه وقناع وحركات بركات <<< ايام المبزرة :d

---

الظاهر إنهم ما نادو على المتضررين إلا عشان يكفشونك انت وممنوعاتك .. خخخخخخخخخ:d:d

اخوي عبدوش ..

الله يعينك وما بقى عندي تعليق بعد الشباب الله يبارك فيك وفيهم ..

اقتباس:

---

المشاركة الأصلية كتبت بواسطة 000 عبدوووش 000

شباب اليوم رحت الوكاله وركبت القزازه قيمتها 404 ريال بعد الخصم وشغل يد 250 يعني المجموع 654 ريال وخذت وقت تقريبا ساعتين

اشكر كل من شارك في الموضوع واعطاني رأيه اللي بالتأكيد يهمني

لا خلى ولا عدم يااعضاء نادي محبي هوندا

---

يغلق الموضوع