مقبض الباب ثقيل ---> اكورد 2008
يا إخوان ....
لاحظت عندي في باب السائق ان مقبض الباب مو سلس زي بقية الأبواب
لما تفتح الباب تحس انه في شي مو ناعم او انك تفتح باب كابرس تسعاوي ( في طقة شوية جامدة )
على عكس بقية الأبواب الخلفية وجهة الراكب ... طالعة ناعمة وتفتح معاك بسرعة وسهولة ( بأصبع واحد فقط تقدر تفتحها )
لما رحت الوكالة في طريق المدينة - جدة قال هذه ممكن تسأل فيها فرع المينا لأن عندهم قسم السمكرة
وقالي كمان في اكثر من واحد اشتكى من هذه المشكلة
قال ممكن يفك الباب ويزيت المقبض وحيخف لكن افضل تشوف قسم السمكرة ايش يعملوا فيها
فـ نبغى نسمع ارائكم وتجاربكم واذا في احد واجهته المشكله وحلها لأني ناوي اسوي صيانة ال 10000 بعد اسبوع ان شاء الله
ولكم جزيل الشكر
