اقرأ شروط الضمان (( لايروح عليك الضمان))

السلام علكيم ورحمة الله وبركاته

اخواني الاعضاء

كنت امس عند مركز صيانة هوندا (فرع خريص) عندي مشكلت الدركسون متشقق فوق على اليسار ولمبة المسجل الكاسيت لونها احمر والدرج يبيله وزن وكم شغله كذا على الضمان

رحت بغير كل هذي الاشياء على الضمان قالي دخلها فحص الـ 40 الف ونغيرها على الضمان او انك تدفع حقها ( مجموعها 200 ريال) ونصلحها لك غير شغل اليد

رحت لمسؤول العملاء الي قاعد بالزاويه بعد المحاسب وتكلمت معه اول شي سألني انت منتظم بالفحص قلت انا سويت فحص الالف والعشرة الاف بس قالي اجل راح عليك الضمان اي شي يخرب انت تتحمل لأنك ماانتظمت بالصيانه الدوريه ... وذكرلي على سبيل المثال ... (( كيف اعرف ان الكهرب عندك ماجاه شي من فحص العشره الى الان))
وذكر انه بيفحص كهربة السياره كلها ...

اتمنى من الاخوان اصحاب 2008 الي سياراتهم جديدهـ وفيها ضمان ينتبهون لهذا الشيئ
علشان اذا خرب شيئ يتحمله الضمان

انا رحت الوكاله فحماتي منتهيه

طلبوا مني تغيير الهوبات الاماميه غيرتها بـ 600

يوم عطوني القديمه وطلعت رحت لـ 3 ورش كلهم يقولون انها جديده ويبيلها خرط بس

وشكراً

أنا أرى أن حركة الصيانة ذي مع انها من صالح السيارة ولاكنها في نفس الوقت إستغلال للعميل بالزامة بإجراء الصيانات كلها وإلا يذهب حقك في الضمان ولاننسا أن كل صيانة تتطلب مبلغ مالي معين أرى انهو مبالغ فية أكثر من المسحق يعني ما أتوقع ان أحد فاضي لهم كل ما مشت سيارتة خمسة ألاف كيلو يروح ويتمرمط عندهم ويكع مبلغ هو أولا به من هذول ومن صيانتهم
ومن ناحية ثانية ترى أغلب العملا يحرص على الصيانات المبكرة يعني تقريبا بين الألف إلى الأربعين أو ينقز فيها وبعدها نادر جدا تحصل أحد يهتم
وأنا اشوف ان الواحد يواضب على الصيانات الأولية فقط كافي
لأن السيارة في تلك المرحلة في حالة شبة إختبار وتحتاج إلى إلى المتابعة من قبل المصنع ولاتوضع بشكل كلي على الزبون......... هذا والله اعلم وجزاك الله خير

واو

من جد مسخره :mad:

هذا يسموه ضمان هذا يسموه الطل في عينهم

المفروض الضمان ما له شغل بهذي شغلات ولا حاجة

في دول ثانية مستعدين من الضمان يفكوا لك سيارة جديده وليس تعديل

لكن وش نقول خلها على ربنا

ومشكور اخوي فقير على الإنتباه

وتقبل تحياتي

اقتباس:

---

المشاركة الأصلية كتبت بواسطة abo Hanade

أنا أرى أن حركة الصيانة ذي مع انها من صالح السيارة ولاكنها في نفس الوقت إستغلال للعميل بالزامة بإجراء الصيانات كلها وإلا يذهب حقك في الضمان ولاننسا أن كل صيانة تتطلب مبلغ مالي معين أرى انهو مبالغ فية أكثر من المسحق يعني ما أتوقع ان أحد فاضي لهم كل ما مشت سيارتة خمسة ألاف كيلو يروح ويتمرمط عندهم ويكع مبلغ هو أولا به من هذول ومن صيانتهم
ومن ناحية ثانية ترى أغلب العملا يحرص على الصيانات المبكرة يعني تقريبا بين الألف إلى الأربعين أو ينقز فيها وبعدها نادر جدا تحصل أحد يهتم
وأنا اشوف ان الواحد يواضب على الصيانات الأولية فقط كافي
لأن السيارة في تلك المرحلة في حالة شبة إختبار وتحتاج إلى إلى المتابعة من قبل المصنع ولاتوضع بشكل كلي على الزبون......... هذا والله اعلم وجزاك الله خير

---

كلام سليم 100 %

السلام عليكم
اخوي لو فعلا انه المشاكل اللي انت تواجهها على الضمان راح يسوونها على الضمان وغصب عنهم ومالها صلاح في الصيانة ولا يلزمني بالصيانة حتى لو مانت ملتزم
ارفع سماعة على مدير الصيانة بالمملكة وهذا رقمة 026621500
واطلبه شخصيا واشرح له الوضع بكل هدوء وابشر بالخير ان شالله
وسلامتكم

طيب اوكي اعطوني المايك

انا ابي اتكلم من واقع تجربة

حبيبي من قلك انك لازم تواضب على الصيانه ---- ماادري اذا كان في فرق بين فرع وآخر هذا والله أعلم
انا دافع فلوس وضماني الـــ 60 الف بعد كذا مالهم شغل في:rolleyes:

انا دخلت سيارتي على صيانة 1000 ولــ 5000 بس

لما وصلت السياره مايقارب 20 الف كان الدركسون مشقق رحت للصيانة قلتلهم الجلد تشقق قلي دخلها صيانة 20 الف ويصلحونها
قلتله لا ابيكم تغيرولي الطاره ماابي اسوي الصيانة =====> صرفته قلتله اجيكم بعدين:d
قلي اوكي خليتها عندهم موقفه في اليوم الثاني الظهر لما جيت استلم السياره طلع مغيروها
قالولي القطعه مااهي موجوده في قطع الغيار رحت حجرت للهندي قلتله يالله نمشي انا وياك قطع الغيار ولا حصلنا القطعه رحت
قلتله مو شغلي غيرها الحين وفي نفس اليوم غيروها

لما وصلت سيارتي 37 سوووووووووويت حادث طبعا السياره اخذت شهر ونص في الورشه
اول ماطلعتا كان عندي صوت رجه وازعاج لما اضرب البريك قلت ممكن فحمات مريتلي كم ورشه وقلولي ماينفع خرط وثاني شي عندك الهوب اللي على اليسار ( مكان الصدمه ) مشعوووووووور يعني كسر بسيط
رحت اسعر الهوبات طلعت الواحد 260 تقريباً
قلت خلني اجرب مالي الا الوكاله
رحت ودقيت عليهم
الو........... السلام عليكم
الموظف : وعليكم السلام
قلتله حبيت استفسر الهوبات يشملها الضمان قلي اي يشملها الضمان
رحت وديت السياره وانا خايف انهم يقولي السياره جاتها صدمه والا يتصلون علي اليوم اللي بعده يقولي تعال استلم السياره لما كلموني قلولي ايش رايك نحجزلك لصيانة 40 الف قلتله لا مشكوووور ماتقصرون ماابي:d
طبعا لما وصلت السياره 57 نويت اسوي صيانة 60 الف قبل مايخلص الضمان وانا اصلاً بحياتي ماسويت الا صيانة 1000 ولـ5000
دخلت السياره وخليتهم يغيرولي كراسي المكينه والبورررررررري لان البوري كان خربان عندي

وهذي القصه من طقطق لسلام عليكم

ابي اعطيكم اياها من الآخر
المشكله واحد من اثنين
يامن الفرع يعني فرع عن فرع يختلف
ولا يبيلك تنشبلهم ========> وانا ارجح هاذي

على طاري الهوبات العضو المؤسس دحوم مره قابلته وقلي غير الهوبات على حسابه انا انصدمت قلتله انا توي مغيرها على الضمان اعطيته الفاتوره وورقة الصيانه حقت تغير الهوبات وقلي ابي اروووووح اراجعهم وماادري ايش سوا

بطل القصة: اتز مي
الموقع : وكالة عبدالله هاشم فرع الدمام

تحياتي للجميع

الصراحه ابو النصب :mad: اول مره اسمع انه يوم اطوف الفحص يروح الضمان

انا السياره عندي دخلتها ال 1000 وال 5000 وال 20000 بس خخخخخ .. واوديها الورشه يوم شي يخترب فيها

بريكات .. يعني اشياء ميكانيكيه ..

السياره عليها ضمان ال 1500000 او 3 سنوات والضمان ع كل شي فيها ..

^^^^^^^^^^^^

تصحيح معلومه لـ 2007 ونازل 60000 او ثلاث سنوات

2008 - 100000 او خمس سنوات

فقير الحظ ,,, خذ العلم من accord 2007

ياجماعة الخير هذا موب كلامي كلام مدير قسم الصيانه ... قالياه بالحرف الواحد وحبيت انقله لكم ...

وسالفت تغير الهوبات على الضمان صح كانت موجوده اول وكان هذا النظام ماشي لكن الحين تغير وهذا كلام المهندس احمد الطيب فرع خريص ...

بس والله حرام ادفع 550 ريال على لمبة مسجل ووزن درج وتغير دركسون على الضمان

بس ياليتني وديتها فرع الدمام ... :(

واعيد واكرر لكم

قالي المدير : يا تدفع حق القطع وشغل اليد يا تدخلها فحص الـ 40الف نصلحها لك!!!

فقير الحظ ... أقول ريح بآلك يابعدي .. ولآتنضغظ .. وترا مشآكلك بسيطة .. / حبيبي بالنسبة للمبة الكآسيت ( اللي قلبت حمراء .. ) وأكثر الأعضاء مايدرون عن هالشيء هذا إنها ( لها لونين .. ) لو قلبت في يوم من الأيام خافوا : ( يحسبونه عطل !! ) هههه
حبيبي أنت ماعندك علم إنك ممكن تغير أنوار الديكور اللي بسيارتك كلها للون الأحمر .؟ وبما يخصها ( الكآسيت ) أكيد يغيرر .. ولو تركز معي راح تشوف إن كلامي صحيح .. ، الحين روح للكآسيت .. ( والزر اللي عليه اللي يطلع الشريط ) / أضغــــــــــــط عليه بإستمرار .. راح تشوف لونه يقلب ( للأخضــــررر مرة آخرى َََ!!! ) , وبالنسبة للدرج وللدركسون .. متى مافكرت تدخل سيارتك للفحص .. راح يعدلونها لك .. :d

لاتشيـــل هم أكثر من اللازم يآبعدي وتتعب نفسيــــتكَ .. :) أمور بسطيه ..!

شف طال عمرك...

اذا بغيت نصلح شي على الضمان فظ عمرك يوم كامل :d

وصبحهم من الساعه 7 وانشبلهم :d

عادي لو تكي عندهم الى الساعه 4 العصر ما عندك اي مشكله :d

بس اهم شي انك ماتتهور مره مره ...تعالهم بالمسايس

اذا قفلت ورهم العين الحمرا ....

انا ناوي على كم شغله على الضمان ابروحلهم مواصل وافصل على مخهم :d



تذكر :

- لاترفع صوك من البدايه

- خلك اخلاق بالبدايه وكل شي بيجيك ان شاء الله

- ضبط المهندس ;)

- اذا خربت ادخل على مدير الصيانه :cool:


------


اتذكر سالفه صارت لواحد من الي اعرفهم

جاك ابو الشباب وطلع سي بي ار مدري وشو المهم انه بـ 70 الف او حولها مدري :o

المهم مستلم الدباب ويطلع من الوكاله الا وطفا عليه الدباب :eek:

رجعه لهم وقالوا بنشحن البطاريه :confused:

شحنوها ونفس الحاله :mad:

خلى الدباب عندهم ثلاث ايام على كلامهم يصلحونه :mad:

ويوم استلمه وطفا :mad:

ابو الشباب قفلت معه ...

الزبده ان الرجال دبر رقم عبدالله هاشم :eek::eek::eek:

واتصل عليه وقاله السالفه كيت وكيت وانا الغلطان الي مخلي سزوكي وخذت من هوندا :rolleyes:

قاله خلاص بكرا بيدقون عليك تروح تستلم جديد ..:rolleyes: لاتدق علي هم بيكلمونك

ومن بكرا الصبح ويدق الفرع الي بطرق المدينه :mad:

وانواع الاعتذارات والتصاريف ...وراح استلم دباب جديد معه كم هديه وقلم وكوب وشنطه :cool:

مافيه وقت ابو الشباب راح لعبدالله هاشم :rolleyes:


سلام

يا رجال خذ وخل من القصص:mad::mad::mad:

وفي النهاية ياتطلع بنتيجة :d

ولا

خيبة في الوجة :(




وفي كل الأحوال أبــــــ:)ــــــــــــــــتسم للحياة تـــــــــــــــ:dــــــــــــضحكلك

Try to take it easy:cool: