اربعة مشاكل في واحد ؟؟؟ هوندا سيفيك
السلام عليكم ورحمة الله وبركاته الله يسعد صباحكم ومساكم الله بكل خير ...
حبايب قلبي اعضاء المنتدى وكل من له خبره في المشكلة الي سوف اطرحها ...
في البداية انا ربنا اكرمني واشتريت هوندا سيفك 2008 الي تحت الفل على طول بس لاحضت كذا مشكلة واجهتني وكل ما اروح الشركة يا انه الصوت ما يطلع او يقولو هذا عايدي مهي مشكلة ...؟؟
المشكلة الأولي : لما اغير القير من ال P الى D وامشي شوية اسمع صوت غريب في الأمام من الجهة اليسار يعني تقريباً جهت الجيربوكس ولما رحت الشركة الصوت ما طلع واحاول مهو راضي يطلع المهم فقدت الأمل في انه يطلع وقلي المهندس هذا عادي هذا يكون يا صوت ال زيت في ال Abs او الترس في الجربكس يقول حتى الأكوورد نفس الصوت ؟؟؟؟
المشكلة الثانية : البوري جبلي الضغط والسكر احيانا ما يدق يعني اقعد احاول كذا مرة عشان يدق وفي المحاولة ال الخامسة او السادسة يدق ...يعني احس كذا انه يفصل لمد 5 ثواني ويرجع لأني جربت في كل مرة تصير المشكلة هذي معايا اني احياناً ادق ورى بعض او اني اقعد معلق على مكان البوري .. ونفس الشي الشركة يقولو شيكنا ومالقينا شي ....؟
المشكلة الثالثة : عندي صوت حديد يدق في بعض او شي محلول في الجنب الأيمن قدام جهت الكفر صوت غريب يطلع في المطبات او الحفر اذا كنت لافف يمين او يسار بس نادراً ما يطلع يعني لو ابغاه يطلع ما يطلع الا صدفة ...
المشكلة الثالثة : كل ما اغير الكلبسة حقت البطانة اليمين تطير كذا مرة اغيرها وتطير وبلمناسبة لمحت انه الرفرف كنها مهو مثبت مزبوط لأنه بارز واذا ضغطة من تحت الاقيه يتحرك واحتمال ان المشكلة الي عندي في رقم 3 يكون من هنا بس ليش تطير الكلبسة على الرغم اني مشتريها اصلية ؟؟؟ وللعلم الحمد لله السيارة جديدة وما دقيت فيها ابداً ولله الحمد ..
تقبلو تحياتي واسف على الإطالة ووجع الراس لأني بجد قاعد افكر اني اتنازل عن السيارة وابيعها واشتري سيارة ثانية لأنها بنظام الإيجار المنتهي بتمليك ...
