أيهما أفضل للبيع أكورد سبشل ، أو أكورد L4 فل كامل ؟؟

سلام إخواني عشّاق الأكورد ... هنا أستشيركم .. وين الأكثر محافظةً على سعرها عند البيع ..

الأكورد 4 سلندر وسط المواصفات ( فحة + جنوط عادية + مخمل )
أو
الأكورد 4 سلندر كامل المواصفات فل كامل ..

وشكرًا لكم .. :)

طبعا الفل كامل
لكن بشرط يجب ان تكون السيارتين نفس مستوى النظافة

تحياتي

^^^^^^^^^^^^^^^^

مثل ما تفضل مشرفنا العزيز

بصراحه ولايزعلون الشباب الي تفضلوا بالرد قبلي .. أنا أشوف عكس الكلام هذا ,,

ليش ؟

أنت شوف أكثر الطلب على الوسط وأكثر الأكورداوت الي نشوفها بالشوارع عادة وسط وهذا يدل على ان الطلب عليها أكثر من الفل وزيادة الطلب تؤدي لارتفاع السعر .. لكن لوتشتري الفل .. شوف كم واحد بيجيك يطلبها منك أكيد أقل من الطلب على الفئه الوسط ..

وهذا نظرتي وهذي قناعتي وتحتمل الصواب والخطأ لكن استخير ربك وان شاء الله ماتخيب ,,;)

^^^
والله كلامي زي ماقال اخوي أكورداوي :cool:

طيب انا ما اعتقد انك بتجيب سبشل نظيفه مع فل كامل نفس النظافه وتصير نفس السعر
<< انت قلت كثره الطلب ترفع السعر

اذا نفس مستوى النظافه بتكون الفل اعلى سعر من السبشل والسياحي

^^^
أكورداوي يقصد >>> ان السبيشل عليها طلب أكثر من الفل .

صح السبيشل عليها طلب اكثر

الله يوفقكم جميعكم

تحياتي..

انا اشوف ان السبشل (نص المواصفات) مايطيح من سعرها الحقيقي واجد
ولكن الفل ينزل من سعرها الحقيقي كثير

^^^^^^^^^^^^^^^^

كلام سليم ..:cool:

لان الفرق بين السبشل والفل حدود 9 الآف ..

والفرق عند البيع مايتجاوز 4 الآف ..:rolleyes:

مرحبا اخوي ...

انا عن رأيي بصراحه اشوف ان الاكورد بجميع فئاتها مرغوبه سواء كان سبيشل ولا نص فل (( بدون جلد )) ولا فل كامل ،، انا عن نفسي بايع هوندتين قبل كذا كلها اكورد الاولى 2005 نصف فل لونها اسود والثانيه 2007 فل كامل لؤلؤيه وكلها طبعاً اربعه سلندر ،، ما تتخيل قد ايش اجتمعوا عليها العالم وكلهم صاملين بالشراء ... اخوي الهوندا الحين صارت مرغوبه اكثر من التويوتا وانزل المعارض وشف بنفسك ... وزي ما تفضلوا الاخوان اللي ردوا قبلي ان الفل كامل اكيد بيكون سعره اغلى من السبيشل ولا النص فل ..

يسلمو حبيب البي على الموضوع ... تحياتي لالك ،،،

سعر السبيشل 2007جديد 73 الف مستعمل 53-58 الف ريال <<على وقتها
سعر الفل2007 جديد88 الف مستعمل 65-70 الف ريال <<على وقتها

تقريبا الخسارة قريبة جدا
وبالنسبة لرد اكورداوي انا اتوقع سبب كثرة الاكورد السبيشل هو سعرها وكثرت العروض عليها من الوكيل في السابق


تحياتي

والله شوف يا حبيبي انا اقول الي يمسك اكثر ولا يطيح هو السبيشل اقولكم ليش
اولا : السبيشل والفل كامل ( كلاهما اكورد في بيعة المستعمل يعني الفل اذا طاحت اربعه السبيشل بتطيح الفين ) وهذا كل نظرة العالم والشريطيه
ثانيا : ان اخذناها بالمنظور حقكم اللي بيشتري له فل مستعمله اتوقع يشتري له سبيشل جديده احسن له
ثالثا وهو الاهم : في عموووم السيارات في المملكه ما عمر الكماليات رفعت سعر موتر ( لكن ربما تكون تسرع عملية البيعه وترغبها اكثر ) :)
اتمنا انك استفدت مني حبيبي :d وعلى فكره موتري فل كامل ولكن لازم نقول الحق