Honda Pilot 2009 ...هل تستحق الشراء!!!!

اخوانى الاعزاء
ما الافضل فى نظركم 2008 او 2009 وما الاسباب؟؟
هل صحيح ان الموديلات من 2008 وتحت تصرف بنزين لانى سالت ويقولوا تصرف مع صغر حجم السيارة(.وصرفيته كثيرة على جيب صغير زي كذا يعني انا اذا مسكت خط الرياض عليه اعبيه مرتين من الرياض الى الدمام)
هل مكينته ضعيفة؟؟؟؟ وهل السيارة خفيفة فى الطريق؟؟؟؟؟؟؟؟؟؟؟؟؟؟؟
هل هى دفع امامى ولا رباعى؟؟؟
والله ودى اشتريها ولكن محتار فيه عروض الان ولكن يعاب على 2008 لايوجد تكيف خليفى+ صرفية البنزين.. وانا باستخدمها للعمل وللعائلة
الشى الاخر العرض احتمال يكون مغرى فى رمضان ويكون حول 100 الف ريال!!
اما 2009 اخاف يطيروها مثل اكاديا فوق 150 الف ريال!
هل هى عملية؟؟
اريد ان اشتريها وبتكون السيارة الاولى و الاساسية للعمل والاهل والسفر
من قد جربها او عنده خلفية عن إم آر-فى هوندا
تصلح للكرف للعمل ولكل شى
هل هى قوية ؟؟؟
ما مواصفاتها !! وهل هى ثابته على الخط؟؟؟؟
وهل بها مواصفات السلامة من ناحية الامطار والثبات والانعطفات
وجزاكم الله الف خير
اخوكم ابو راكان

http://img510.imageshack.us/img510/7329/p1nv2.png

ناظر شكله .. والله ياهو قبيح << يبي يجي ابا المهند الحين ويجلده

لكن سبحان الله .. لولا الاذواق لبارت السلع

ويابو فلان " يوزرك يوزر واحد مسيّر :) " اذا كنت مقتنع في الجيب ولاتهمك آراء الناس فيه فأنصحك بشرائة

الحقيقة الجيب من هوندا .. يعني قمة العملية والمتانة وهذا يصلح للعائله والكرف

الموتر من ناحية الرساوة فهو راسي جدا .. حتى تحس انك راكب سياره سيدان مهوب جيب

نجي للعزم .. هو زين للمدينه نشيط ماعليه .. وخابر قوته الحصانية بمحاري الـ250 وحوليها وهذي قوه حليله

لكن اذا تفكر ببران وطعوس فهو يعطي لكن مهوب هاك الزود يعني تدخل البر تدور لك محل وتبرك .. اما لو انك راعي مطاعس فشل الموتر من بالك

السياره فيها دفع رباعي مافيها كلام .. بس مادري هو مستمر ولالا

عموما الكلام اعلاه عن الـ 2008 وتحت وماعندي قكره عن الجديد

لكن هذا موقع يفيدك هن الـ 2009 : http://automobiles.honda.com/pilot/

بالتوفيق .. ولو اني ارى انك تشوف غيره :d

شكلها حلو بس مدام انه عندك ميزانيه 100 الف انصحك تاخذ تويوتا فورشنر وفل هذا بدون الخصم لان الهوندا معروفه بسياراتها الصغيره بس وبما انك مارح تطلع فيها بران ولاشي فالقرار راجع لك لاني انا ماني متعصب لا للهوند ولا لتيوتا
هههههههههههه
والتيوتا قيادتها في الظهر صراحه متعبه يعني ماهي بارده مكيفاتها بارده بس ماتوصل لتيوتا معروف مكيفاتها
ومواصفاتها يا اخي بس تراني اميل لتيوتا اكثر بس كشكل الهوندا افضل احلى يعني الكامري والاكورد
الكامري شكلها عادي صحيح الانحنائات حلوه بس اذ عندك الاكورد وتوك مطلعه من المغسله و رافع ذيك التنده
تقول راكب بي ام دبليو من كثر الشباب ما تطالع يا اخي الفخامه في الشكل

^^^
فوشنر على قوولتك !! تدري صنع وين !! قبل لاتنصح الرجال :p
بغض النظر انناا بنادي محبي الهوندا !! وانته تسألنى عن هوندا !! :)
الفورشنر بلد الصنع تبعها اندنيسا !! :eek:تخيل !!:eek: وبعدين مو هيه الفل ب100 الف
نحنا اشترينا وحده جنوط المنيوم سي دي بدون فتحه مخمل ولامثبت ولاشي ب94 الف !!
للمعلومات .. انا من الامارات والمواصفات تختلف !! ;)
مع احتراامي الشدييد للعضو الي فووقي ان شااء الله ماكون غلطت عليك !! :)

المهم
نرجع للموضوع !!
http://hondaarabia.com/club/showthread.php?t=12586
هذا الاخ يبغا يبيع ام آر فيه !! بإمكاانك مراسلته اذا كنت تبحث عن اي معلومه :)

تحيااتي :rolleyes:

في السعوديه الفل مافيه فتحه اخوي
بعدين موعلى مكان الصنع انت شاري تويوتا مو اندونيسي ولا ياباني
بس الفرق انه اليد العامله اغلى
وانا وبما انك تقول صناعه اندونيس فولا مره شفت احد تشكى منها
بعدي السياره شكلها شبابي

انا سيارتي هوندا ام ار في 2004 والي يقوولك تصرف بنزين هو غلطان 100% لانه يوصلك من الدماام الى الرياض بسرعه بين 120 و 140 وفيه تحت النص بشوي وعلى المكيينه والله قوية لاني امشي وار الجمس بشوي من الصفر الى 140 وبعدها ترووح الهناادي:cool: و الرساوه 100% وسواقته زي السيدان وعندك النظام الصوتي هو الافضل في هوندا من واقع تجربه ..
والله فيه شوي سلبيات زي التكييف مافيه خلفي الا الي تحت عند الرجلين و الشنطه صغيره نوعا ما وعندك اذا دعست للاخير يطلع صووت زي التصفير وهذا ماله حل مع الاسف:mad:

وانا اقوول اصبر اليين ينزل الجدييد وبعديين قارن بينهم ;)

AHA

لو ماتختلف الصناعات وكان الاختلاف فقط في الايدي العامله .. كان أنا في عداد المفقودين الحين <-- ماتلقاني ماخذ هوندا :d

لاحظ الكامري .. وقارن بين 2002 و 2003 .. فرق شاسع في الصبر والقوه .. والسبب .. تغير مكان الصناعه فقط ..

الاختلاف لا يفسد للود قضيه :rolleyes:

و انت تاخذها وتمشي والسفتي يم السته كل شي تحا فظ عليه يظل

شكرا لكم وماقصرتم جميع الشباب اللي شاركوا في الردود .. لانه ما خاب من استخار ثم استشار الطيبين امثالكم .. وجزاك الله خير وجميع الاخوه ..
شكرا لكم وللاخوه الذين شاركوا في تهيأتي نفسيا لاقتناء هذه السياره بكلامهم الجميل عن السياره والجميع يمدح فيها وهذا الشيء اقنعني كثيرا بها .. بس لدي عدة اسئله لو تكرمتم:
1-ما الفائدة من وضع القير فى الطبلون؟؟؟ ليه غيروا فى وضعيته فى الدراكسون مثل الموديلات من2008 وتحت كان افضل!! ولا ادرى ما الفائدة من الوضعية الجديدة ليس للسلامة او اعطاء مساحة اكبر احس ان المهندس اللى صمم وضعية القير موسوس وضاربه فيوزة
2-والله ياخوان انى محتار بين بايلوت 2009 والاكاديا ؟؟ ولكن متخوف من الامريكى من تجارب سابقة ( خربات + جودة الديكورات سيئة + صرفية البنزين عالية +ثقيل طينة وزنه كبير )
3-ما افضل الالوان على البايلوت 2009؟؟؟؟؟؟؟؟؟؟
4- هل البايلوت دفع مستمر اودفع ثنائى ؟؟
5-بما تصنف البايلوت 2009 من فئة هل هى من نوع الكروس اوفر يعنى سيارة مدينة فقط وليست للبر يعنى للاستعراض فقط ام من نوع suv للمدينة والبر؟؟؟؟؟؟؟؟؟
ان شاءالله بنتظر حتى تنزل بعد العيد ولكن ارغب بمزيد من المعلومات عنها
وجزاكم الله الف خير
اخوكم ابو راكان

سوالك الاول على القير والصراحه احسن انهم غيرووه لان الموديلاات القديمه اذا نزلت القير في d1 يسير بين القير وركبت السواق تقريبا 1 سم :confused: وهاذي مشكله بذات في الطرق الغير مستويه..

ثانيا : انه ثنائي مش ربااعي

واي استفسارات ثانيه احنا حاضرين :cool::cool:

القير في الطبلون عشان المساحه والرحابه