ممكن افادتي

السلام عليكم
اناعندي مشكله في سيارتي الاكورد 2006
عندي مجمع الفيوز يخرب احيانا
وابي انكم تفيدوني
مع العلم سيارتي مو تتحرك من البايكه
وكمان اقفال الباب ماتفتح هبلت فيني من جد كل يوم خراب
وش السالفه ياشباب
ارجور افادتي

وعليكم السلام ورحمة الله وبركاته

ممكن توضح مشكلتك مع مجمع الفيوزات عشان نعرف نفيدك ؟!
وبالنسبة للابواب اتوقع المشكلة في السنتر لوك لكن ياليت بعد توضح اكثر

هلا والله بامشرفنا

المشكله النور علق علي ماطفي اللي يوم شلت الفيوز وخليته فتره شهر ونفس الكلام
ورحت الكهربائى قال السياره فيها اتماس والسياره ماتتحرك من البيت
والحين وواقفه في البيت


والشئ الثاني
الاقفال الباب ماتفتح معي ورحت الوكاله وغيرته 600 ريال
وبعد 6 شهور رجع نفس الخراب كويس اذا فتح باب واحد

المشكله شباب معي معهم اكورد من مديل 2003 الي 2005 ولا واجهو اي مشاكل الحمد الله
والله افكر ابيعها للصراحه

من ناحية النور فمثل ما قال لك الكهربائي اكيد عندك التماس
كثير من الشباب هنا كانوا يشتكون من نفس المشكلة وحلها كان تغيير علبة الفيوزات

مالك الا تشتري وحده من التشاليح
واضمن لك تاخذها جديدة بس الله يعينك على السعر !!

وبالنسبة للاقفال ترا يمدحون السنتر لوك اللي في محلات الزينة
عندك اكورداوي من الناس اللي جربوها وحتى اللحين ما شاء الله ما اشتكى منها

ميزتها رخيصة وتعمر بعكس حقت الوكالة << الظاهر فيها عيب والله اعلم !!


هذا اللي عندي
وان شاء الله يفيدونك الشباب بتجاربهم

مشرفنا العزيز



لك جزيل الشكر



ودمت بود

اقتباس:

---

وبالنسبة للاقفال ترا يمدحون السنتر لوك اللي في محلات الزينة
عندك اكورداوي من الناس اللي جربوها وحتى اللحين ما شاء الله ما اشتكى منها

---

الف شكر لك اخوي B Unique على الافادة الطيبة لانها مشكلة بسيارة اخوي