بعد سنة الا شهرين من استخدام "92.500" لأكوردته 2008 .. كيف كان انطباعه ؟

بسم الله

لايخفى على الجميع ان محدثكم من اصحاب الدفعة الاولى ممن فكوا الاكورد 2008 مباشره بعد نزولها

وبعد قرابة العام من الاستخدام ومن مبدأ الاقدمية ارى ان من حقكم علي ان اعطيكم كامل انطباعي عن الاكورد الجديدة وكيف مر هذا العام معي "بشينة وزينة "

ومن حقكم علي ايضا ان اوصل انطباعي بدون اي تحيز للاكورد او محاولة للتنفير منها ..وبكل امانة ومصداقية



اولا المشاكل المصنعية .. واللتي بحمد الله لم تقابلني اي منها ولم اذهب للوكالة قط سوى للكشف العادي وتغيير الزيت والسيفون فقط ماعدى مرة " الفصحى مرهقة .. لذلك اعذروني ابقلب عامي :d " اللي هي رحت اشتكي لهم المكيف انه مايبرد بسرعة وفي الاخير اكتشفت ان جميع موديلات الاكورد كانت مثل مستوى التكييف اللي عندي وهو الحقيقة ماينفعك كثير في عز الحر ولأتذكر اني كنت استخدم الفورد قبل الاكورد وتكييف الفورد فريزر .. وغير هذا مافي اي مشكله الا بعض الاشياء البسيطة مرة وابذكرها بآخر الموضوع

ثانيا القيادة .. واللي اقدر اقول انها نقطة القوة والسر الاكبر في الاكورد .. سواقتها ماتمل وحتى جعلكم في الصورة المواتر اللي اسوقها لأخواني والوالد وهي عباره عن كابرس وفياقرا وآرمادا ومازدا CX9 وصني وهايلوكس ولاندكروزر بالاضافة للفورد حقتي سابقا اقول وبكل صراحة مالقيت سياره تمتعني في سواقتها مثل الاكورد .. ممتعة بحق واحس فيه ترابط عاطفي معين مااقدر اوصفه بيني وبين الاكورد لاركبتها احس اني وصله من ضمن الموتر .. ثباااات لايعلى عليه

ثالثا النشاط .. محبط الحقيقة يعني نشاطها اقل من اللازم بالنسبة لسياره موديل 2008 .. مع اني انسان من النوع الرايق بالحيل واحب السواقة بهدوء الا انه تجيني حالات ابي ادعس بالموتر .. ابيه يعطي .. بس ماااش السياره عزمها ضعيف مايمديك تدعس الا وتبدى تحن .. وبالقيادة الرياضية صوت المكينة عالي .. على الاقل بالنسبة لي مادري عشان موتري اللي قبل 8 سلندر ؟ بس الاكيد ان اللي يقدر على الاكورد 6 سلندر لايفوتها

و هنا قد يطلع واحد ذهين و يلزخن بسؤال و يقول: دام الموتر بطه وراك تشريه ؟
و في الحالة هذي راح البخه برد يمشي مليون و أقول له: وش دخلك ؟ :d



رابعا الراحة .. طبعا بالفورد سابقا وكلكم تعرفون مراتب الفورد .. صحيح انك تغوص فيها من كثر ماهي لينة لكن هل هالشي هو عامل راحة حقيقي ؟ .. الحقيقة اني لقيت مراتب الاكورد اريح لأني كنت بمراتب الفكتوريا اغوص ولا ارتاح في القيادة كأنها مراتب مكتب بعكس الاكورد اللي اتت تنسجم مع طبيعة مهمتها مع انها قاسية شوي لكنها طبية وعن نفسي سافرت فيها 3 سفرات من النوع الثقيل ابو 1000 كيلو ولا اشتكى ظهري .. بالنسبة لعزل الهوا فلابأس به واما التعليق فهو اكثر من رائع .. بحق الاكورد موتر جيد للخطوط لكن موب افضل من الكابرس :)

الزبدة .. لماذا شريت الاكورد .. السبب : انا شريت راحة بالي .. موتر لك وللزمن .. سياره ماتعرف فيها الا زيت وبنزين :)




مقتطفات مصورة :

http://img359.imageshack.us/img359/9...9041670yq7.jpg

فادتني كثيرا جدا جدا جدا وصلة الايبود هذه وانصح بها بشــــــــــــــــــــــــــــــــــدة

واللي ماعندة يركبها بأي ثمن بأي ثمن !!


http://img526.imageshack.us/img526/6...9041667fh9.jpg

ايبود مايجي حجمة قد اصبعين من اصابعي خلاني استغني بشكل كامل عن المسجل .. وماتعرف قيمته الا لاجربته

يبي يريحك كثيييييييييييييير







http://img211.imageshack.us/img211/3...9041657jd9.jpg

الشنطة 75% منها مصنوعة من الفيبر !

مشكلتها حساسة جدا والصورة الماثلة امامكم لو تدققون فيا تلقون مخشة بسيطة تدرون منين ؟

من ظفري !




http://img514.imageshack.us/img514/7...9041658py1.jpg

هنا توضيح اكثر لمادة الفيبر في الشنطه وكيف هي راكبة على صفيحة الالمنيوم .. طبعا هالشي اعتبره عيب !




http://img512.imageshack.us/img512/9...9041659oe8.jpg

العيب المصنعي الوحيد في موتري هو في هالمقبض اللي يفتح الشنطة من داخلها .. طبعا خربان عندي وعجزن اوديه للوكاله



http://img160.imageshack.us/img160/1...9041660xz5.jpg

اعجبني في الاستبنة انها جنط 17 مثل الاربعة مهوب اسود وهذي نقطة اعجبتني لأنها ماهي موجودة بأي سيارة .. ويمكن تستغربون لو اقول لكم ان جنط الاستبنة للفياقرا اسود :)



http://img160.imageshack.us/img160/5...9041661gs8.jpg

هذي قطع النيكل اللي اخذتها من كوكوكورد وبي يونك .. عز الله انهن مثل التلحيم .. ماارتخن ولا اشهبن ولا تقشعن

كأني توي مركبهن ماشاء الله واللي يفكر يشري مثلهن اقول له يجزم وماعليه خوف







مع تحيات اخوكم

http://img401.imageshack.us/img401/4...9041668li9.jpg

واللي مانظف السيارة من يوم فكها من الوكالة .. يالله تخلف عليه :rolleyes:

ماشالله

بصراحهـ الاكورد 2008 ماعلهيا كلام


والله يعطيك خيرها ويكفيك شرها


بالنسبه للأستبنه كثير سيارات الاستبنه تجي جنط ...


وفيه سيارات ماتجي معهم ستبنه اصلاً !!

بس عندي استفسار :: الاكورد 08 و07 نفس المراتب ؟

لاني امسك عليها خطوط مهب مريحه مدري من المرتبه مدري من ظهري:d
الله يعطيك العافيه

Any question


;)

ما شاء الله

الله يوفقك

السلام عليكمْ ،،

حيا الله ابراهيمْ ،

اخبارك ، عسآك مرتاح اِن شاء الله ، ؟!

والله بصراحة تقرير راااايقْ ،

بس ناقصك التصوير الصح وتصغير الصور وتصير اكوسْ واحدْ ،

* يبي لي انزل درس كيفيّة تصغير الصورْ ، ^^

شسمه ؛ كل اللي قلته نفس اللي عنديْ ،

اي والله ما تعرف يا غير الزيت والبانزينْ ،

الحمد لله أني أخذت أكوردْ ولا استعجلت واخذت لي سيارة ثانيةْ ،

مع عيوبها ألا أنها تستاهل واللهْ ، ^^

شاكر لك ومقدّرْ ،

حمستني أكتب انطباعيْ :d

فقير حظ .. ايه فيه فرق بالحجم والتصميم

كاكاشي .. ماعليك زود .. واما اني ابتفنن بالتصوير وابصغر والصور وحركات الرايقيييين بقوووة هذي بعيده عني كل البعد

الموضوع كله على بعضه مااخذ مني ربع ساعة على كلامك يبي ياخذ 3 ساعات .. لا بعد هذا و نفسي شينه توهم حاذفين لي موضوع :d

ماشاء الله تبارك الله
الله يطول من عمرها ويعطيك من خيرها ويكفيك شرها
بخصوص ايبود هل يقبل صيغة غير mp3 ؟ هل الصوت صااافي ؟

بسم اللة الرحمن الرحيم كل سنة وانت طيب اخي الكريم اخ بس لو اجلت الموضوع للعيد بتكون احلى عيدية لاعضاء المنتدى .. :cool:
الصورة الثانية السلك في ايش شابكة تحية طيبة ..

اقتباس:

---

المشاركة الأصلية كتبت بواسطة برفسور الأكورد

ماشاء الله تبارك الله

الله يطول من عمرها ويعطيك من خيرها ويكفيك شرها
بخصوص ايبود هل يقبل صيغة غير Mp3 ؟ هل الصوت صااافي ؟

---

الصوت طبعا على حسب اللي تحمله من النت اذا كان صافي طلع لك صافي

مثل السيديات بالضبط

ايبود تبع شركة آبل مايقبل غير الام بي ثري .. مشغلات سوني تقبل ام بي ثري وفور

اقتباس:

---

المشاركة الأصلية كتبت بواسطة كبرياء فارس

بسم اللة الرحمن الرحيم كل سنة وانت طيب اخي الكريم اخ بس لو اجلت الموضوع للعيد بتكون احلى عيدية لاعضاء المنتدى .. :cool:
الصورة الثانية السلك في ايش شابكة تحية طيبة ..

---

وانت طيب والعيد ان شاء نجيب موضوع احسن من هذا

الصورة الثانية شابكة في ايبود 2 ميقا .. يحمل اكثر من 350 ملف صوتي

ما شاء الله تبارك الرحمن
تقرير رائع واكيد المتردد بعد ما يقرا كلامك رايح يجزم
الله يحفظلك موترك وعقبال عشرين سنة

اقتباس:

---

اقول وبكل صراحة مالقيت سياره تمتعني في سواقتها مثل الاكورد .. ممتعة بحق واحس فيه ترابط عاطفي معين مااقدر اوصفه بيني وبين الاكورد لاركبتها احس اني وصله من ضمن الموتر ..

---

بكلامك هذا انت تقريبا وصفت شعوري تجاه قيادة الاكورد .... مع ذلك أحس أن هالكلام ما يوصف الشعور كاااااامل .... ارتباط غريب حسي وجسدي بيني وبين هالسيارة ....:rolleyes:

على العموم ... انطباعك كان بشكل عام ايجابي ... والايجابي اكثر انك نقلته لنا هنا علشان يشوفوا الناس المشككين كيييييييييف الهوندا

سلاااااااااااام..

ماشاء الله تبارك الله

تقرير أكثر من رائع

بس في عندي تعليق بسيط على هذي الصورة





http://img512.imageshack.us/img512/9...9041659oe8.jpg


هذا ياخوي مايفتح الشنطة من الداخل

هذا يسدح:d المقاعد الخلفية (يطويها) عشان يسير عندك مساحة أكبر

اقتباس:

---

هذا ياخوي مايفتح الشنطة من الداخل

هذا يسدح:d المقاعد الخلفية (يطويها) عشان يسير عندك مساحة أكبر

---

هههههههههههههههههههههههههههههههههههههههههه

اولله الفشيله اجل مهوب خطأ صناعيي :d


لي عوده لاستفساراتكم جاء الفطور

على طاري الفيبر ترا عندي BMW الحوت

الشنطه فيبر نفس الاكورد يعني مهوب عيب مصنعي

وعلى طاري الاستبنه انا كان عندي كامري سابقا والاستبنه نفس الجنوط الاربع

والى بالشنطه الى تسحبه هاذا يفتح مقاعد الخلفيه يعني مافيه ولا عيب هههههههه:p

بصراحه تقريرك بطل ياغالي ويعطيك العافيه من جد ..


الاكورد موتر لك وللزمن .. ومن ناحيه المكيف اكيد موترك جلد :d

<< حاس بمعاناتك :( ..


كل يوم بالجامعه انواع الحر .. صحيح عزل حراري والله فرقت عن اول بس مااش .. جلد يعني اووم الحرارهـ :d .. وغير كذا المكيف مايبرد بصررعه اذا الموتر من داخل حار .. لكن اذا بارد الموتر او بظل انوااع البروده ماشاء الله :d ..


يعطيك الف عافيه على هيك تقرير .. تسلم يمناك

من أول ما قريت العنوان وحسيت إنه موضوع شيق .. :cool:

عموماً نفس انطباعاتي الله يقزاك خير ... :rolleyes:

...


تدري احس إنه انت انا . . . :d

اهنيك على الموضوع :cool:

الظاهر اول دفعه شروا الأكورد هم اللي بعد شهرين بيكملون سنه :d


وصله الآي بود شريتها بـ 2 ريال بس :d وشبكتها على الآي بود , بصراحه متعبه شوي ! مثلا عندك 150 مقطع

تبي تدور على المقطع الفلاني لازم تغير من نفس الآي بود , يعني ازرار المسجل والأزرار اللي بالدركسون كلها تصير مالها فايدة

والشاشة ما يطلع فيها اي بيانات للمقاطع !

أحياناً يخلص المشوار اللي رايح له وانت بس قاعد(ن) تفرفر بـ الآي بود تدور على مقطع :d

انا اعتبر هذا عيب الوصلة
اللي يبي يشتري آي بود يلحق على جرير عندهم عرض 2 قيقا بـ 309 ريال
كم قيمه شاحن الآي بود !

شكراً ابراهيم

يعطيك العافية خوي

ودي تشر علي ... أنا ناوي على سبشل 4 سلندر ،،،، بس محتار 2009 ولا 2008
لا هنت ويعطيك العافية .:cool:

افري ثنق اعجبني ... بس فيه حاقه .. وحده بس .. << شوي صح .. :d

النشاط .. ممممممم .. وتقول لي عشان معك 8 سلندر قبل ..

الاكورد 2008 الفل ابو جنوط 500 كيلو << مجرب يشيل ..
يقوم عالفورد 8 سلندر السياحي ابو شكمانين ... :d << مجرب ..

وو بس بس .. ما فيش حاقه تاني .. :d


نسيت ..

عداك العيب
:rolleyes:

مشااء الله تبارك الله الله يعطيك خيرها ويكفيك شرها
وعقبال 100 سنة :d

ما شاء الله تبارك الله

يعطيــك من خيرها ويكفيك من شرهـآ

والحقيقه كفيت ووفيت تقريرك غايه في الروعه والشَفافيــه

:cool:

اقتباس:

---

المشاركة الأصلية كتبت بواسطة اكوردياني

ما شاء الله تبارك الرحمن

تقرير رائع واكيد المتردد بعد ما يقرا كلامك رايح يجزم

الله يحفظلك موترك وعقبال عشرين سنة

---

ويحفظك .. والأكورد ماتحتاج شهادة من احد

وعقب عشرين سنه فاكين اللاندكروزر الله لايعقب شر ان شاء الله .. البزران مايشيلهم مع ام العيال الا الجيب :d

اقتباس:

---

المشاركة الأصلية كتبت بواسطة accordation

بكلامك هذا انت تقريبا وصفت شعوري تجاه قيادة الاكورد .... مع ذلك أحس أن هالكلام ما يوصف الشعور كاااااامل .... ارتباط غريب حسي وجسدي بيني وبين هالسيارة ....:rolleyes:

على العموم ... انطباعك كان بشكل عام ايجابي ... والايجابي اكثر انك نقلته لنا هنا علشان يشوفوا الناس المشككين كيييييييييف الهوندا

سلاااااااااااام..

---

شف اقرب وصف تعرف الرجل الحديدي لااتحدوا .. هذا هو شعوري

هاه بشر عساي وصفت شعورك كامل :d

اقتباس:

---

المشاركة الأصلية كتبت بواسطة zeyad

على طاري الفيبر ترا عندي BMW الحوت

الشنطه فيبر نفس الاكورد يعني مهوب عيب مصنعي

وعلى طاري الاستبنه انا كان عندي كامري سابقا والاستبنه نفس الجنوط الاربع

والى بالشنطه الى تسحبه هاذا يفتح مقاعد الخلفيه يعني مافيه ولا عيب هههههههه:p

---

ماقلت انه عيب مصنعي .. لكن شخصيا انا اعتبره عيب ..

الفيبر يفيد في عملية تصميم الشنطة .. لكنها تتأثر بسرعة مع الزمن .. سريعة التمخش والبهتان

اتمنى وصلت الفكرة

اقتباس:

---

المشاركة الأصلية كتبت بواسطة A C C O R D 0 8

بصراحه تقريرك بطل ياغالي ويعطيك العافيه من جد ..

الاكورد موتر لك وللزمن .. ومن ناحيه المكيف اكيد موترك جلد :d

<< حاس بمعاناتك :( ..

كل يوم بالجامعه انواع الحر .. صحيح عزل حراري والله فرقت عن اول بس مااش .. جلد يعني اووم الحرارهـ :d .. وغير كذا المكيف مايبرد بصررعه اذا الموتر من داخل حار .. لكن اذا بارد الموتر او بظل انوااع البروده ماشاء الله :d ..

يعطيك الف عافيه على هيك تقرير .. تسلم يمناك

---

الحق اقوله ان مكيفها مااعجبني .. من بد السيارات تكييفها موب ذاك الزود

اشين شي لاطلعت من الدوام .. وموترك تصقع فيه الشمس ..

ومثلك طقينا عازل حراري خفف من مشكلة التكييف ..

اقتباس:

---

المشاركة الأصلية كتبت بواسطة ح ك ن 666

ما شاء الله تبارك الله

يعطيــك من خيرها ويكفيك من شرهـآ

والحقيقه كفيت ووفيت تقريرك غايه في الروعه والشَفافيــه

:cool:

---

اقتباس:

---

المشاركة الأصلية كتبت بواسطة ح ك ن 666

---

ايه .. حنا نطبق الشفافية احسن من هيئة سوق المال :d

اقتباس:

---

المشاركة الأصلية كتبت بواسطة Dr.accord_2.4

مشااء الله تبارك الله الله يعطيك خيرها ويكفيك شرها

وعقبال 100 سنة :d

---

عقب 100 سنة الله يرزقنا الجنة .. وياك قل امين

اقتباس:

---

المشاركة الأصلية كتبت بواسطة مجرد رأي

من أول ما قريت العنوان وحسيت إنه موضوع شيق .. :cool:

عموماً نفس انطباعاتي الله يقزاك خير ... :rolleyes:

...


تدري احس إنه انت انا . . . :d

---

من مبطي وانا اقول لك انه انت هو انا

اقتباس:

---

المشاركة الأصلية كتبت بواسطة أبو سليمان

اهنيك على الموضوع :cool:

الظاهر اول دفعه شروا الأكورد هم اللي بعد شهرين بيكملون سنه :d


وصله الآي بود شريتها بـ 2 ريال بس :d وشبكتها على الآي بود , بصراحه متعبه شوي ! مثلا عندك 150 مقطع

تبي تدور على المقطع الفلاني لازم تغير من نفس الآي بود , يعني ازرار المسجل والأزرار اللي بالدركسون كلها تصير مالها فايدة

والشاشة ما يطلع فيها اي بيانات للمقاطع !

أحياناً يخلص المشوار اللي رايح له وانت بس قاعد(ن) تفرفر بـ الآي بود تدور على مقطع :d

انا اعتبر هذا عيب الوصلة
اللي يبي يشتري آي بود يلحق على جرير عندهم عرض 2 قيقا بـ 309 ريال
كم قيمه شاحن الآي بود !

شكراً ابراهيم

---

ايــه .. حنا الشيبان

يخوي ماحد الله .. اشر لك ايبود ابو شاشة .. ولا يمنع تلزقه بالدركسون اذا عاجبك التحكم من خلاله :d

الشاحن حق السياره سألت عنه بجرير فوق الثمانين سعره .. وهذي عادتها شركة ابل .. يضربون بأسعار الاكسسوارات عيال اللذينا !

اقتباس:

---

المشاركة الأصلية كتبت بواسطة القناعة كنز

يعطيك العافية خوي

ودي تشر علي ... أنا ناوي على سبشل 4 سلندر ،،،، بس محتار 2009 ولا 2008
لا هنت ويعطيك العافية .:cool:

---

الفرق الوحيد بين 08 و09 .. نظام vsa حق الثبات اثناء المنعطفات وللمعلومية زادوا اسعار الاكورد 4 الاف عشان اضافوا هالخاصية فقط

اذا يهمك النظام خذ 2009

اقتباس:

---

المشاركة الأصلية كتبت بواسطة civic 98

افري ثنق اعجبني ... بس فيه حاقه .. وحده بس .. << شوي صح .. :d

النشاط .. ممممممم .. وتقول لي عشان معك 8 سلندر قبل ..

الاكورد 2008 الفل ابو جنوط 500 كيلو << مجرب يشيل ..
يقوم عالفورد 8 سلندر السياحي ابو شكمانين ... :d << مجرب ..

وو بس بس .. ما فيش حاقه تاني .. :d

نسيت ..

عداك العيب

:rolleyes:

---

الفورد يابعدي والله لو تناقز الاكورد من اليوم لما باتسر ماجابت الفور بالخطوط .. صحيح مدحنا الاكورد بس تبقى الثمانية ثمانية والاربعه اربعة :d

يمكن الاكورد تقوم من 0 الين 20 وبعدها ماتشوف الا غبار الفرت .. اقول يمكن :d

اقتباس:

---

المشاركة الأصلية كتبت بواسطة 92.500

الفورد يابعدي والله لو تناقز الاكورد من اليوم لما باتسر ماجابت الفور بالخطوط .. صحيح مدحنا الاكورد بس تبقى الثمانية ثمانية والاربعة اربعة :d

يمكن الاكورد تقوم من 0 الين 20 وبعدها ماتشوف الا غبار الفرت .. اقول يمكن :d
[/center]

---

^^^^^^^
أنا أشهد ههههههه :d:d

ما شاء الله ...

الله يدوم عليك و علينا ...