اخيرآ بطارية Ac Delco للأكورد 70 أمبير ( توجد اضافات مهمه لبعض البطاريات )

السلام عليكم يالربع

وصباح الخير - البارح قفلت معي الا اطلع بطارية تركب على الاكورد وتكون 70 أمبير ووينك يالدمام وقبل الحوسة قلت خلني امر الوكالة وأشوف قطع الغيار وش عندهم ..

جيتهم الساعة 10 بالليل وقلت لهم ابي بطارية ، سألني وش سيارتك قلت له أكورد V6 قال لي دقيقة أشوف الصيانة

سألهم وعطوه الرقم للبطارية وقالي انتظر شوي ، قلت ماعليه بنتظر ماعندي مشكلة ..

شوي الا رازين البطارية وأشوف الا هي Ac Delco قلت له ياخوي البارح اخذنا وحده 70 أمبير ولا ركبت عندنا طلعت البطارية كبيره شوي وماتكفيها القاعدة وبعدين ركبنا 55 أمبير

قال لي لا هذه تركب والشباب بالصيانة يقولون تركب .. قلت طيب اذا ماتركب ارجعها ؟؟ قال لي لا هذه قطع أستهلاكية تاخذها ماترجعها .. قلت تدري

السيارة موجودة وخلني افك البطارية وأشوف مطابقة ولا لا .. والله يعيني على الرطوبة

عاد خويكم ماعنده وقت فكيت البطارية القديمة وطابقناها وطلعت نفس الحجم

حجم البطارية ورقمها المطلوب للأكورد هو

70D23LMF

طبعآ اللي جربتها قبل كانت بحجم أكبر وعلى مااعتقد تكون ماهي 23 الظاهر أكبر

المهم سعرها 355 ريال وبعد الخصم 337 ريال

صورة الفاتورة

http://www.hondaarabia.com/club/atta...1&d=1253250481

صورة البطارية بالكرتون مع صبعي الكريم

http://www.hondaarabia.com/club/atta...1&d=1253250481

البطارية الجديدة مع انها مغبره

http://www.hondaarabia.com/club/atta...1&d=1253250481

البطارية القديمة قبل فكها

http://www.hondaarabia.com/club/atta...1&d=1253250481

البطارية الجديدة بعد التركيب

http://www.hondaarabia.com/club/atta...1&d=1253250481

البطارية بشكل أوضح مع الرقم والحجم المناسب للأكورد

http://www.hondaarabia.com/club/atta...1&d=1253250481

طبعآ سبب تغيير البطارية كان في بعض الملاحظات على السيارة وقت التشغيل

ولمعلومات أكثر على هالرابط

http://hondaarabia.com/club/showthread.php?t=12892

مهم جدآ

للسته سلندر 70 أمبير - رقم البطارية 70D23LMF

للأربعة سلندر 60 أمبير - رقم البطارية NS60LSMF

ملاحظة : بطارية الأكورد + 2008 V6 حجمها 80 أمبير وليس 70 أمبير ورقمها 80D26LMF

تسلم يمينك الله يعطيك العافية :cool:..

الله يسلمك ويعافيك ان شاء الله

هل يوجد منها 60 امبير للاكورد 4 سلندر 2007

أخوي هل انت متأكد من انها هي المناسبة ...

خالي معه V6 2007 وركب نفس هذي .. بس على طول خربت .. :(

وفيه استفسار .. بطارية هوندا الأصلية وشي .. ؟؟ .. الوكالة .. :)

اقتباس:

---

المشاركة الأصلية كتبت بواسطة civic 98

وفيه استفسار .. بطارية هوندا الأصلية وشي .. ؟؟ .. الوكالة .. :)

---

اخوي ..أنا بزماني مطلع سيفيك 2001 وكانت فيها بطارية يواسا اليابانية ..يبدو إن شركة هوندا لاتصنع بطاريات خاصة بها بل تتعاقد مع شركات أخرى رائدة في هذا المجال

لدي 3 أسئلة لأخي المباشر :

1 : لماذا تشتري بطارية Ac Delco من وكالة هوندا ؟؟؟ أعتقد أن سعرها في الوكالة أغلى ماأدري هل سعرها في المراكز المعتمدة لشركة Ac Delco أغلى من سعرها في وكالة هوندا ؟؟ وكمان ليش مابتشتريها من البناشر ؟؟؟ أبغى أستفيد منك

2 : سؤالي عن ورقة الضمان التي تأتي مع البطارية والموضحة بالصورة في الأسفل ..هل قامت الوكالة بتعبئتها لك للضمان ؟؟ وهل أعطيك ضمان على البطارية ؟؟وهل هو في الفاتورة أم يستخدمون نفس ورقة الضمان تبع Ac Delco ؟؟؟

3 : عند شراء بطارية Ac Delco من البناشر أو أحد مراكز البيع المعتمدة هل يجب تعبئة الموظف لبطاقة الضمان وختمها بختم المحل أم هي مجرد ورقة لاتنفع ولاتضر ؟؟

أرجو إجابة كل سؤال على حده عن طريق الإقتباس ولايمنع من مشاركة الأخوة أصحاب الخبرة والتجربة لكن بعد إجابة الأخ المباشر
http://hondaarabia.com/club/attachme...1&d=1220924873

أخي المباشر : مانوع البطارية القديمة لسيارتك ؟؟ يواسا ؟؟

http://hondaarabia.com/club/attachme...1&d=1220924873

غلطان اخوي تشتري بطارية من الوكالة ..

اذا بغيت شي روح للوكيل المباشر .. وش دخل وكالة هوندا ببطاريات AC delco ؟؟؟

فيه وكيل AC Delco مقابل وكالة هوندا على طريق الكباري وهو الجميح .. وفيه عند دوار الشبيلي في الخبر مركز خاص لـ AC Delco وكذلك في موزعين AC Delco في صناعية الدمام وكذلك في شارع التويوتا ((الملك سعود)) ولا ننسى وكيلهم كذلك وهو اوتو مول بجانب محلات V Cool ..

كل ديلين ها المحلات وما دورت الا ابعد مكان واغلى مكان ؟؟ انا اخذت بطارية نفس بطاريتك من موزع بـ 270 ريال اذا ما خاب ظني ..

السلام أنا عندي سؤال أنا معي 4 سلندر تركب عليها 70 امبير

ملاحظة لا تغفلها

البطارية القديمة وين توديها ؟؟؟؟؟:confused::confused::confused:

الآن يشترونها أصحاب البناشر من 40ريال ومن 30 ريال و ربحان فيها أكيد

لا تتركها له أبداً قل له بكم تشتريها؟؟؟

يا أخ واحد

50 أمبير تقريباً وعندك القديمه شوفها

اقتباس:

---

المشاركة الأصلية كتبت بواسطة hmh023

هل يوجد منها 60 امبير للاكورد 4 سلندر 2007

---

والله ماعندي خبر لكن اكيد الخبراء يفيدونك

اقتباس:

---

المشاركة الأصلية كتبت بواسطة civic 98

أخوي هل انت متأكد من انها هي المناسبة ...

خالي معه V6 2007 وركب نفس هذي .. بس على طول خربت .. :(

وفيه استفسار .. بطارية هوندا الأصلية وشي .. ؟؟ .. الوكالة .. :)

---

ان شاءالله انها مناسبة

اقتباس:

---

المشاركة الأصلية كتبت بواسطة خلف

اخوي ..أنا بزماني مطلع سيفيك 2001 وكانت فيها بطارية يواسا اليابانية ..يبدو إن شركة هوندا لاتصنع بطاريات خاصة بها بل تتعاقد مع شركات أخرى رائدة في هذا المجال

---

شكلها كذا طال عمرك

اقتباس:

---

المشاركة الأصلية كتبت بواسطة خلف

لدي 3 أسئلة لأخي المباشر :

1 : لماذا تشتري بطارية Ac Delco من وكالة هوندا ؟؟؟ أعتقد أن سعرها في الوكالة أغلى ماأدري هل سعرها في المراكز المعتمدة لشركة Ac Delco أغلى من سعرها في وكالة هوندا ؟؟ وكمان ليش مابتشتريها من البناشر ؟؟؟ أبغى أستفيد منك

---

هذا طال عمرك سعر الوكالة أغلى من الوكيل والبناشر ماعندهم نفس الحجم واللي عندهم كبيره شوي

وشريتها من الوكالة لأني جيتهم وفي بالي اني بحصل بطارية يابانية ولا شي بس انصدمت يوم شفتها Ac Delco

والمشكلة الثانية انا جاي للدمام من رأس تنورة وعندنا ماحصلت الا 55 أمبير

وجيتي للدمام كانت شغل وماكان عندي وقت اروح للوكيل وأحوس بالدمام وقلت خلاص مادام حصلتها خلني اخذها واتوكل على الله

اقتباس:

---

2 : سؤالي عن ورقة الضمان التي تأتي مع البطارية والموضحة بالصورة في الأسفل ..هل قامت الوكالة بتعبئتها لك للضمان ؟؟ وهل أعطيك ضمان على البطارية ؟؟وهل هو في الفاتورة أم يستخدمون نفس ورقة الضمان تبع Ac Delco ؟؟؟

---

أبشرك الوكالة ماعبت الضمان ويقولون الضمان دبسه مع الفاتورة واذا صار فيها شي عندك الفاتورة

اقتباس:

---

3 : عند شراء بطارية Ac Delco من البناشر أو أحد مراكز البيع المعتمدة هل يجب تعبئة الموظف لبطاقة الضمان وختمها بختم المحل أم هي مجرد ورقة لاتنفع ولاتضر ؟؟

أرجو إجابة كل سؤال على حده عن طريق الإقتباس ولايمنع من مشاركة الأخوة أصحاب الخبرة والتجربة لكن بعد إجابة الأخ المباشر

---

تعبئة الضمان بالمحلات والبناشر تعبئة عادية تكون مكان شراء البطارية وتاريخ الشراء وغيره

لكن بدون ختم المحل وماتدري والله هالورقة تنفع وقت الجد ولا يصرفونك

اقتباس:

---

المشاركة الأصلية كتبت بواسطة خلف

أخي المباشر : مانوع البطارية القديمة لسيارتك ؟؟ يواسا ؟؟

---

والله مادققت فيها لكن بشوفها عند رجال بعتها عليه وارد لك خبر ان شاءالله

اقتباس:

---

المشاركة الأصلية كتبت بواسطة الهادف

غلطان اخوي تشتري بطارية من الوكالة ..

---

اقتباس:

---

المشاركة الأصلية كتبت بواسطة الهادف

اذا بغيت شي روح للوكيل المباشر .. وش دخل وكالة هوندا ببطاريات AC delco ؟؟؟

فيه وكيل AC Delco مقابل وكالة هوندا على طريق الكباري وهو الجميح .. وفيه عند دوار الشبيلي في الخبر مركز خاص لـ AC Delco وكذلك في موزعين AC Delco في صناعية الدمام وكذلك في شارع التويوتا ((الملك سعود)) ولا ننسى وكيلهم كذلك وهو اوتو مول بجانب محلات V Cool ..

كل ديلين ها المحلات وما دورت الا ابعد مكان واغلى مكان ؟؟ انا اخذت بطارية نفس بطاريتك من موزع بـ 270 ريال اذا ما خاب ظني ..

---

والله ياخوي مثل ماقلت قبل كنت جاي شغل للدمام وقلت أكسب الوقت وأشوف وكالة هوندا وش عندهم ويوم حصلتها عندهم قلت خلني اخذها وأتوكل على الله

وبعدين لو اني رايح للوكيل كان ماعرفت اي حجم مناسب للسيارة ويركب عليها

لأنهم في صيانة هوندا قالوا هذه اللي نركبها للأكورد دائمآ بسبب اني تناشبت وياهم وانا اسألهم متأكدين انها تركب

والحين بعد ماعرفنا الرقم المناسب خلاص اللي بيشتري على طول يروح للوكيل ويطلبها بالرقم

لأني أشوف كثير يسألون عن البطارية وماهم محصلينها ويقولون تطلع كبيرة

ومادري هذا معناه ان الوكيل مايدري وش الحجم المناسب للهوندا؟؟

اقتباس:

---

المشاركة الأصلية كتبت بواسطة wahd

السلام أنا عندي سؤال أنا معي 4 سلندر تركب عليها 70 امبير

---

أكيد تركب ان شاءالله بس يقولك للــ 4 سلندر 60 أمبير والـ 6 سلندر 70 أمبير

اقتباس:

---

المشاركة الأصلية كتبت بواسطة mo8ager

ملاحظة لا تغفلها

---

اقتباس:

---

المشاركة الأصلية كتبت بواسطة mo8ager

البطارية القديمة وين توديها ؟؟؟؟؟:confused::confused::confused:

الآن يشترونها أصحاب البناشر من 40ريال ومن 30 ريال و ربحان فيها أكيد

لا تتركها له أبداً قل له بكم تشتريها؟؟؟

---

أبشرك بعتها بـ 50 ريال بعد ماهو أربعين والحمدلله علمت اللي شراها انها نص عمر يعني ممكن ماتطول وياه قالي ماعليه ولا اني اشتريها ب 250 وأكثر والرجال على قد حاله

ولاتخاف ياطويل العمر ماخليتها لأحد لأني ركبت البطارية بنفسي بمواقف الوكالة بالدمام

اقتباس:

---

المشاركة الأصلية كتبت بواسطة wahd

السلام أنا عندي سؤال أنا معي 4 سلندر تركب عليها 70 امبير

---

ركب 55 أمبير او 60 ماعندك مشكلة

70 عادي بس يمكن تكون أكثر من حاجتها

انا قبل يومين غيرت البطاريه ب190 ريال

بس اربعه سلندر ومدري كم ام امبير

اقتباس:

---

المشاركة الأصلية كتبت بواسطة خلف

أخي المباشر : مانوع البطارية القديمة لسيارتك ؟؟ يواسا ؟؟

---

تفضل يالغالي هذا نوع البطارية القديمة

http://www.hondaarabia.com/club/atta...1&d=1253248871

طيب يالغالي ممكن سوال انت كيف عرفة ان البطاريه خربانه
لاني انا السياره معي الان لها سنتين ماغيرة البطريه مدري اغيرها ولا لا
وكيف اعرف هل البطريه زينه ولا يبيلها تغير

اقتباس:

---

المشاركة الأصلية كتبت بواسطة و ص ص السعوديه 9 7 2

طيب يالغالي ممكن سوال انت كيف عرفة ان البطاريه خربانه
لاني انا السياره معي الان لها سنتين ماغيرة البطريه مدري اغيرها ولا لا
وكيف اعرف هل البطريه زينه ولا يبيلها تغير

---

خلي كهربائي يشيك عليها ..

اقتباس:

---

وفيه استفسار .. بطارية هوندا الأصلية وشي .. ؟؟ .. الوكالة .. :)

---

^^^^^^^^^^^^^^^^^^^^^^^^^^^^^^^^^^^^^^


يعني كان على الأقل كتبت ما أدري .. :d

اقتباس:

---

المشاركة الأصلية كتبت بواسطة و ص ص السعوديه 9 7 2

طيب يالغالي ممكن سوال انت كيف عرفة ان البطاريه خربانه

لاني انا السياره معي الان لها سنتين ماغيرة البطريه مدري اغيرها ولا لا
وكيف اعرف هل البطريه زينه ولا يبيلها تغير

---

مثل ما قال الهادف
وانا عادة اسمع صوت التشغيل بالصباح مخنوق وماهو سلس
يعني يدق السلف اكثر من المعتاد

اقتباس:

---

المشاركة الأصلية كتبت بواسطة و ص ص السعوديه 9 7 2

طيب يالغالي ممكن سوال انت كيف عرفة ان البطاريه خربانه

لاني انا السياره معي الان لها سنتين ماغيرة البطريه مدري اغيرها ولا لا
وكيف اعرف هل البطريه زينه ولا يبيلها تغير

---

كيف لي أن أعرف أن البطارية جيدة أم لا؟
العمر الإفتراضي للبطاريات هو 4 إلى 5 سنوات. في المناطق الحارة قد يقل عمر البطارية إلى سنتين فقط. شكل الصفائح داخل البطارية يعطيك انطباعا عن حالة البطارية. حينما يتراكم الكبريت على هذه الصفائح بسبب التفاعل المستمر داخل البطارية فإن البطارية تكون عندئذ غير قابلة للتعبئة وتحتاج إلى تغيير

فحص البطارية:
يمكن فحص حالة البطارية ولكن هذا يحتاج إلى متخصص

إذا كانت البطارية تفضى باستمرار، هل يعني هذا أنها بحاجة إلى تغيير؟
ربما نعم. وربما لا.. لا بد من فحص البطارية عند مختص. ربما تكون البطارية سليمة ولكن هناك شيء ما يستهلك كهرباء البطارية

هناك طريقة لمعرفة ما إذا كان نظام الشحن يعمل بالشكل المطلوب. شغل السيارة ثم شغل الأنوار الأمامية! إذا كان ضوء المصابيح خافتا فإن ذلك يعني أن نظام الشحن لا يعمل بالشكل المطلوب أو لا يعمل إطلاقا. إذا كانت إنارة المصابيح تقوى مع ضغط دواسة البنزين فإن ذلك يعني أن نظام الشحن يعمل ولكن ليس كما يجب. إذا كانت شدة الإنارة لا تتغير مع ضغط دواسة البنزين فذلك يعني أن نظام الشحن يعمل بطريقة سليمة
يمكن أيضا فحص البطارية بالفولتميتر. حينما تشتغل السيارة يجب أن يقفز عداد القراءة إلى 14.5 أو أكثر. إذا لم تتغير القراءة عند التشغيل فمعنى ذلك أن هناك مشكلة في نظام الشحن.

إذا كانت البطارية و نظام الشحن يعملان بطريقة سليمة فلم يتبق إلا نظام الكهرباء. فحص نظام الكهرباء يستغرق وقتا طويلا وأفضل شيء هو الإستعانة بفني مختص. يبق أن نقول حظا سعيدا ونتمنى أن يجد الكهربائي العلة...

اقتباس:

---

المشاركة الأصلية كتبت بواسطة civic 98

^^^^^^^^^^^^^^^^^^^^^^^^^^^^^^^^^^^^^^

يعني كان على الأقل كتبت ما أدري .. :d

---

فوق فوق عالي السحب .. خخخخخخخ

قصدي بالرد فوق رقم 16 :d

طيب عداكم العيب وين أحصلها هذي .. ؟؟ :confused:

بطاريات فلندا افضل شئ وترك عنك ايس دليكو

اناا غيرت ايس دلكو .. بي 175 ... بس مني متاكد ns60(lsmf) 0
اما البطارية حقت الوكالة كانت بناسونيك ..