اكبر مشكله بالاكوورد 2007

السلام عليكم شباب
كيفكم
انا دائماً وبشكل يومي ادخل منتداكم الكبير باعضائه الملوك في هذي المملكه
بس يوم عن يوم يزيد اعجابي بقدراتكم لين ايقنت على طرح مشكلتي
موضوعي مئساوي في قمة الرعب << فيلم هو
جد اكلمكم احداث قصتي اغرب من ما يحدث بالافلام
واذا فيه شي صار وماحد مصدقه اثبت لكم

قصتي مع الهوندا اكوورد قصة كوارث
قصه يمكن للبعض منكم يقل عشقه للاكوورد

انا سلمكم الله السنه الي راحت زي هذا الوقت اشتريت اكوورد 2007
وتصوروا ماكملت اسبوعين لين قدر الله علي بحادث بشع وشنيع ومروع
دخل علي جمس ودخلني بعمود الاناره

جت سلامات لاني كنت ماشي 140 والحمد لله انها جت على كسرت رجل
المهم وديتها عالوكاله
التقرير بعد ثلاث ايام يقولون السياره تكلف 72 الف ريال<< والسياره شاريها ب70 الف
يسكروون وربي
وديتها السواط بالطايف
وكلفت حول 35 الف
واستلمتها بعد 7 شهور والسبب بعض القطع مو موجوده بالسعوديه<< مو معقوله ياهوندا
المهم
اخذتها وبعد اسبوعين طلع لي صوت بالقير
صوت غريب رحت لورشه الو لي ارجع محل ماسويتها
بس يوم طلعت من الورشه السياره فقدت التروس يعني لا اول ولا ثاني ولا عاشر << كانها بالفاضي ((n))

ماني عارف شي الحين ياشباب بس كنت ازود البنزين والار بي ام يوصل 5 يادوب تتحرك السياره
وقفت بجانب الطريق
وطفيت السياره
الا الان ياشباب على كل الي حصل لي وربي هينه المصيبه الاكبر جايه
جبت سطحه ولما جينا بنركبها اشغل الموتر مافي امل يشتغل
ويطلع لي صوت زي صوت مروحه اللاب توب اذا عطيتها سلف

يمين ياشباب لعنت الساعه الي فكرت اشتري اكوورد
وقلت للسطحه حمل وعالبيت
والحين صاير لها كم شهر مرميه بالحوش

بعد هالقصه الطويله والمعاناه
قولو لي وش الحل مابي اوديها لا عند مهندس ولا كهربائي
ابي اشغلها هل من المعقول القير قفل الكمبيوتر حق السياره

الشي الثاني جبت اكثر من كهربائي وفحص السلف وقال مافيه اي مشكله
جبت مكانيكي حرك السير وحصله يدور وقال المكينه سليمه مو مصلبه

عطوني حلولكم
فكرت افصل كل اسلاك القير واشغلها مافي اي نتيجه
وش الحل
وش الحل
بديت اوسوس واقول الحل 5 ليتر بنزين وولاعه بريال احرقها افتك منها
ارجو المساعده السريعه
وقيمة التصليح
لاني على يوم 22 بيجيني حول 7 الاف غير كذا مارح احرك ساكن فيها
اكون شاكر لكم من كل قلبي

الحمد للله على السلامه

يا خوي الحديد بداله حديد

الروح مابدالها روح

المفروض انك ماصلحتها (((( مجرد خبره تكتسبها بعدين إذا احد اسألك

بعها على التشليح وشتر جديد ((((لا كن خلاص صلحتها

تبي نصيحتي بعها والله إن تذبحك بقطع الغيار عاد قطع غيارهوندا ناااااااااااااااااااااار

هذا والله إلى اقدر اقوله لك لأن الهوندا ماتنفع إذا بدت تطلب اول شي قير ثم ...ثم ....ثم....

وانت تدفع بالاف عليها

هذا ماعندي وذا كان فيه شي يفيدون الشباب

سلاـــــــــــــــــــــــــــــــــــــــــــــــ ـــــــــــــــــــــــــــــم

على قولة اخوي ولد ناصر بيعها
المثل يقلك اشتري العبد ولاتربيه

ما اقول الا الله يعينك فكرتني بمأساتي معا الكابرس LTZ بكاني :mad: قاعد اغير كل الي فيه ومافي الا ادفع الين حسابي 000000 واخرتها ما اشتغل ولا مشي ولا احد عارف ايش فيه :confused:
اشتريت راسي وبعته تشليح بعد كل الخسارة واشتريت سيفك 2008 والله يعينني على تكملت اقساطها ...
والله يا اخوي انك تسرعت في تصليحها بس الي انصحك فيه ما دام عندك 7000 ريال بيع السيارة تشليح ولا لأي احد وبفلوسها على المبلغ الي عندك اشتري وحدة ثانية جديدة اقساط ولا اجار منتهي بتمليك على الرغم اني ما انصح فيه وريح راسك والله يعينك على ما ابتلاك فيه ... :cool:

احرقها بولاعه و ارتاح المهم سلامتك يا خوي و الحديد بداله حديد بس شكله

الحادث اللي صارلك قوي مره و الله لو بانوراما بعد ما راح تصلح

الله يعينك اخوي على مصيبتك شوف انا بقولك حكمتي كل موتر تخرب سواء كانت جديده او قديمه شف انت الى تلقالك حل لها مو معقوله شوفلك محل ممتاز او الوكاله اذا صار الوكاله غاليه بس بقيمه يوم هي على الحادث الشنيع اما ماتدري يمكن يطلع خراب بصيط ويحلونه ان شاء الله وانا هذا رائي وان شاء الله يوفق الجميع

الله يعينك ياخوي :( بس لاتلقي باللوم على الأكورد حادثك على قولتك شنيع وكلفك 35 ألف :eek: ريال فلاتتوقع الكثير من السيارة بعدها ويمكن يكون من نفس اللي صلحوا السيارة ماظبطو الشغل والمفترض ترجع لهم :mad:
الله يعينك وييسر امرك :(

انزين ليش ما صاحتها على التأمين ؟! السيارة مب تأمين ذهبي ؟

انا اقولك الشيخه بعها وخذلك وحده غيرها احسن والحين ما شاء طلعو سيارات حلوووووووين من هوندا موديل 2009 ...

الله المستعان ..:rolleyes:

فعلا المفروض إنك ما تصلحها
أجل 72ألف تصليح شكلهم بيصنعوا سيارة جديدة

بيعها وخذلك ملكة جديييدة

يووووووووووه .. :( .. والله حسيت كذا بغبنتك

شين مره يروع .. :eek: .. أنا أقول مصكوكه بعين

ولا هيب اي عين .. شف النضول ودبر نفسك معه

وارجع للي صلحتها عندهم .. وان ما صلحوه ..
طالبهم بالـ35 الف .. وحط فوقهم 47 الف وخذ لك اكورد 2009 .. :cool:

والله يعينك من جد والله غبنه .. والصراحه حالة السيارة من الحادث نفسه .. ولا هوندا لا اله الا الله ..

عندنا هوندا بتكمل 11 سنه ولا فيها غير كل عافية مع اننا نركب قطع تجارية .. :)

شووف يا غاالي

الشبااب ما قصرووا معااك

<<< وانا من رئيي انك تبيعها وتفتك من شرها <<<وكانك على قولتك حاقد على الاكورد <<<غيرها اشتر مثلا كامري ولا التيما<<بس ما فيه احد غصبك على انك تشتري اكورد

<< وغير كذا السياره اي سياره جتها صدمه قويه <<< بعها ولا تصلحها لان تصليحها خساااره عليك

والمشكله الادهى من كذا انك اذا صلحتها <<< ما رااح ترجع زي اول وبرضوا كل يومين طالع لك خرااب

*ملاحظه(ما يجوز انك تلعن الدهر والساعه من الدهر)

والله تأثرت من قصتك وتعبت وزعلت عشانك
اسمع اخوي تبي الشور والراي السديد بيع السيارة
سيارتك فيها عين ما صلت على النبي والعين حق
والاكوارد من جمالها تجيب العين;)

ياعيال رايكم على العين والراس
بس انا اسالكم الحين كيف اشغلها
ابيها تشتغل وش الحل
انا كلمت الورشه الي صلحت عندهم قالوا لي جيبها بس
ابي اوديها ومابي
الفلوس موجوددها وتجي وترووح بس انا انقهرت كل يوم بسطحه من جده للطايف للباحه
قهر وربي قهر
شوركم علي
والي عنده خبره يقولي ليه ماتشتغل السبب من القير ولا :confused:
وانا ابي اجرب افصل القير من الكمبيوتر عشان اشوف منه ولا خلاص هالسياره محد بيقدر يشغلها
كل شي وكااااااله شاريه السياره جديده كل شي فيها جديد واصلي وكاله وش الي صار
ابي اشغلها بس
واذا ببيعها تشليح كم تتوقعون تجيب << تشليح وماشيه 4991 كيلو متر قهر

سلام عليكم ورحمه الله

سلامات وان شاء الله ماتشوف شر

السياره لمن ماتشتغل في كذا سبب
اول سبب الطربمه والبنزين هل البنزين واصل للمكينه ام لا ؟ لاز م تتاكد
ثانيا الدينمو يكون تعبان لكن ماظن مدام تقول كل شي وكاله
انا اشك الخلل في القير تاكد انه محطوط على الn او الp
وحركه وانتا تشغل السوتش

والله يعينك ان شاء الله

اخوي ان شاء الله اناللي صار لك دفعة بلا ....عموما مافيه احد من الاعضاء يقدر يقول لك كيف تشغلهااو وش في السياره لان السياره محد يدري وش علتها ممكن تكون من اشياء بسيطه وممكن تكون كمبيوتر او شيء جامد،،،،


لاكن انا بعطيك نصيحه صلح السياره وخلها معك فتره اذا شفت ان السياره كل يوم بورشه علطول بعها ...

غير البطاريه والف حمدالله على السلامه

الله يعينك

هذا إلي أقدر أقوله

احسن حل

انك تشيلها للوكاله

وتشوف ليش ماتشتغل

وخلهم يكشفون عليها

اذا عرفوا السبب اسحب سيارتك وودها لورشه محترمه وصلحها >>> لان الوكاله نصب :mad:

وبالتوفيق

ولد ناصر
ناصر حمامي
assassin
accord g
تاكسي
عشقي الاول
mr.x
ابو كرم
civicord
بطران
الشيتان
Unlimit
ل م س
accord.v6
wahd
ثلج مشوي
شاكر لكم من كل قلبي:cool:
:(:(:(

الحمد لله على السلامة ياأخوي
والحديد بداله حديد