عرض للطباعة
السلام عليكم ورحمة الله وبركاته ..
من العايدين ومن الفايزين قبل الزحمه .. وكل عام وانتم بخير وصحة وسلامه
ابي منكم طريقة مثبت السرعه للأكورد 2009
لاني اليوم طلعت عليها ومشيت 100 وضغطت الزر اللي بالدركسون .. واشتغلت لمبة خضرا بالطبلون لكن السرعه ماتثبتت:confused:
مدري انا ما شغلت المثبت صح ولا ان المثبت مايشتغل :(
وقبل ما اكتب الموضوع بحثت في المنتدى ولكن مالقيت الطريقه حقته .. فأعذروني على كتابه الموضوع
ومع السلامه :D
:)مشاء الله تبارك الله يعطيك خيرها ويكفيك شرها ان شاء الله:)
لا كذا يعني شغلت نظام التثبيت بس ماضغط الزر الثاني علشان تثبيت السرعة عندك الكتالوج فيه شرح بالصور اسهلك :cool:
تحياتي واشواقي لك:d
اخوي المثبت هو 3 ازارير او كبسات او ازرار زي ماتبي سميها :d
اول واحد اللي فوق عريض الكروز اللي هو تشغيل النظام اذا اشتغلت اللمبه الخضرا حقته يعني انت شغلته
وباقي الاثنين اللي تحته اللي على اليسار كانسل عشان تكنسل من اسمه مايحتاج :)
واللي على اليمين فيه ضغطتين من فوق ومن تحت على فوق تزود السرعه وعلى تحت تنقص السرعه هذا اذا كنت مثبت السرعه
وعشان تثبت السرعه لازم يكون الزر اللي فوق كروز شغال وتكون ماشي باي سرعه طبعا فوق ال 40 وتضغط على الزر ابو ضغطتين من تحت ويسير تشتغل لك لمبه خضرا ثانيه في الطبلون جنب حقت كروز ويسير انت كذا مثبت سرعتك ومريح نفسك :d
واعذرني مابينت لك بالتفصيل والكلمات عربي لا عنقليزي ولا شي بس اهم شي تكون فهمت انشالله :)
ومبروك عليك السياره الله يعطيك خيرها ويكفيك كل شرها وشر كل حاسد
تحياتي واشواقي المشتاقه