عرض للطباعة
السلام عليكم
ياشباب انا ولله الحمد جمعت ليي قرشين وحبيت انظم لحزب الهوندا
فقعدت ادور بالمعارض ولقيت لي سيارة
::::::::::::::::::::
هوندا اكورد مديل 2006 فل اربعة سلندر جلد اللون لؤلؤي ماشي 92 الف كم بأكياس وكالتها
الموتر يبيله تلقيط على الخفيف جدا ومافيه شماميخ والجامة " الزجاجة " الامامية يبي لها تغيير
وطالبين فيها 65 الف واحتمال راعيه ينزل
الزبدة : ويش رايكم بالسعر ؟! وعلى كم اسعار 2006
وكم سعر الزجاجة الامامية وكالة ؟
ولكم اخلص التحيات
65 كثير مرره
حقهــآ في حدود الـ 55
وعليكم السلامْ ،،
هلا فيك أخويْ ،،
واحد من ربعي عِنده أكورد 2006
سياحي قير عاديْ ،،
ماشيه 91 ألفْ ،،
بـ 45 ألف ببيعها ،،
إذا لك خاطر فيهاْ ،،
عزيزي السعر جداً غالي ماتسوى 65 ألف لأنه الممشى كثيير بالنسبه للسعر هذي تسوى اكثر شي زي ماقال ابو فيصل 55 او 52
شكرا لك اخوي ابو فيصل واكورد 07 ان شاء الله بكرة رايح للمعارض واذا بيبيع السيارة بـ 55 الف راح اشتريها
~~~~~~~
اخوي kakashi-san للأسف ودي بالفل لان الهوندا حلاتها بالفل :cool:
،،،،،،، ولي عنده هوندا للبيع فل لا يتردد عالخاص ’ تحياتي
هلا فيك أخويْ ،،
تو من كم يوم واحد من الأعضاء عرض علينا سيارة أكورد فل كامل موديل 07
نظيفة جداً وماشيه 32 ألف ومركب عليها جنوط الفل لـ 08
وبـ 63 ألفْ ،،
السعر اللي طالبينه غالي مرةْ ،،
وإذا من بدايتها زجاجته مكسورة وما أدري أيشْ ،،
فـ لا تحرج نفسك وياهْ ،،
نصيحه لكْ دوّر في المعارض لين تقول بسْ ،،
أنا أنغشيت في كابريس فقط لأنه دخل راسي من الشكل الخارجيْ ،،
وإن شاء الله بتقلى أكورد أحلى منها و 07 وبسعر منآسبْ لكْ ،،
-----------
وإذا بعت سيارتك بـ 55 ألف ووصلت الميزانية عندك 85 ألفْ ،،
اشتري 08 من هالموضوعْ ~
بيع اكورد 2008 فل كامل 4 سلندر
أو
هوندا اكورد 2007 .. للبيـــع
أو
أكورد 2006 فل كامل.......
لك أرق تحيّهْ ،،
تسلم اخوي kakashi-san على المعروضات
وتراني متابع منتدى البيع والشراء اول بأول
وانا رحت المعارض الخميس الي هو امس وحصلت لي هوندا اكورد 2007 فل مخمل ذهبي ممشاها في الثمانين ونظيف الموتر وطالبين فيها 60 الف وراح احاول انزل معاه
,, تحياتي
عزم ورثبات وهدوء vsa حاول تدور لك هوندا سته سلندر 2006 او 2007 حيث يوجد بها نظام
حبيبي jet حتى الاربعة سلندر فيها في اس اي واذا على ستة سلندر ما يتحصلوا يالله تحصل اربعة
~~~~~~~~~~~~~~
عالعموم نرجع للاكورد حقتنا ، رحت المعارض وحصلت هوندا 2007 فل اربعة جلد ممشاها 70 الف كم ابيض لؤلؤي الموتر نظيف بس جاينها ضربة بالرفرف الامامي وصلحه راعيها وكالة وفواتيره موجودة يبغاها بـ 62 الف ... ويش رايكم ؟!