استفسار بخصوص كيبل aux

السلام عليكم
شباب ابغى اسألكم وين القى كيبل مخرج aux في اي محل بالرياض
واكون شاكر لكم

تحصله بمحلات الالكترونيات .. وبمحلات الكمبيوترات اخوي .. لانه بالاساس يجي مع سماعات الكمبيوتر بحيث طرف السكل يوصل بكرت الصوت بالجهاز والطرف الثاني بالسماعات ..

في هالمحلين ممكن تحصله ..


محلات الالكترونيات . ومحلات الكمبيوترات .. ويمكن فيه محلات ثانيهـ الله أعلم ..

^^ كلام مضبوط وسعره هالكيبل ما يتعدى 5 ريال (اكورد 2008 وفوق )^^

ممكن وضع صوره له لاني سمعت ان فيه عده انواع

تلاقيه كمان في اكسترا انا فاكر لمن كنت ادور عليه سألت عندهم قالولي احنا نجيبه لكن حاليا مخلص هذا الكلام قبل 9 شهور يمكن :d

وبالنسبه للسلك اللي اعرف انه في نوعين نوع صوت عادي ونوع صوت استريو اللي ينفع عشان الاي بود الاستريو وراح تلاقي نفس الحديده اللي تشبكها في الاي بود او في السياره يكون عليها خطين سودا مو خط واحد

يعني بالضبط نفس الحديده حقت سماعات الاي بود فيها خطين لكن بالابيض طبعا وهناك لان السلك اسود فراح تلاقيها بالاسود

الله يعطيكم العافيه كلكم ماقصرتو
بس ياشباب ياليت احد يعطيني محل معين يقولي اسمه
وانا ابغى اشبك من مخرج الaux إلى جوالي n95
مشكورين ماقصرتو

يبوي دور بالمحلات اللي كتبت لك ..

الواحد موب يبي الشي جاهز لعند باب بيتهم .. دور واختار .. والله حالهـ وقسم ..

قلنا لك محل اكترونيات قلت ابي محل معين .. الحين يقال لك تختلف الحين هي المحلات عن بعض .. شلون تبينا نسمي لك محل وانا ماندري وينك فيه .. بالرياض بأي حي .. ياخي دور ولا انك تدور حاجتك شي صعب ؟؟ :)


حياكـ اللهـ ..

الوصلة تشتغل على كل الجوالات

لا تعليق No Comment

لاني ماودي اكبر الموضوع وهو صغير وعلى العموم اسفين طال عمرك :)
واليوم بفر محلات الالكترونيات الي بالرياض محل محل :)
واذا شريتها بجي اكتب بالموضوع اسم المحل وعنوانه يمكن غيري يستفيد لمن يسوي بحث :)

فمان الله