الفزعة..تكفووووووووووووووووووووووووووون

أخواني عيال ابو هاشم..كل عام ونتم بخير..


افزعوا بالله ..اخوي عنده هوند اكورد2001 صار عليه حادث بالدايري الشرقي وراحت الخلفية بالكامل الرفارف اليمين واليسار والاصطبات والدبة والزجاج الخلفي ..ويمكن تكسرت فيها الاذرعة والمساعدات لأن الكفر اللي ورى مايل..
مع ان الخطا على راعي التريلة بس المرور قال روح للصناعية وثمنها..وانا ما اعرف سعر قطع الغيار وكالة..بالله اللي عنده خبر يعلمن..

تكفووووووووووووون ..خبروني..:(:(:(

اول شي الحمد الله على السلامه والحمد الله انها جت في الفلوس ولا في النفوس شف يالغالي
رح للمرور وخذ منهم ورقه حقة التقدير حق شيخ المعارض وبعدها رح قدر الصدمه عند شيخ المعارض وبعدها ارجع للمرور يعطونك ورقه لتامين ورح وخذ فلوسك وخلصنا والله يعينك على التامين بس اذا كان تامينك حلووو فراح ترتاح وماراح تتعب معهم

ومايحتاج تتعب نفسك وتسعر قطع الغيار لان مثل مافهمته من كلامك ان الطرف الثاني هو الغلطان يعني كبر الوساده

واذا كنت مصر تعرف اسعار قطع الغيار اتصل على وكالة هوندا واطلب قطع الغيار وهم راح يقولولك السعر مع الخصم

الحمد لله على السلامه
والحل الاكيد ما فيه الا انك تدق على الوكاله

روح للورش وشوف القطع المطلوبه اول واكتبها وروح الوكاله خذ تسعيره القطع وودها لشيخ المعارض ويسعر لك

لان موديل السياره 2001 يعني تقييم ورش مو وكاله :)

ياشبـــــــــــــــــــــــــــــاب...

الله يبارك فيكم ويوفقكم..


مشكورين ماقصرتوا..وبيض الله وجيهكم..واحد واحد..


السيارة راحت تشليـــــــــــــــــــــــــــــــــــــح..الوالد رفض يصلحها يقول انه بيدور سيارة ثانية..والحمد لله ان اخوي واختي الصغيرة ماجاهم شي..نسيت أمي كانت معهم:d..




والحمد لله على قضائه وقدره..وان شاء الله ان الوالد يشري له أكورد ..أتمنى مع انه يدور له فورد ..وأخوي حاب يجربها وانا لي يومين وانا ازن على راسه اقول له تكفى خلك مثلي..راح ادور لك ستة سلندر مثلي..تكفى..ولكن الأخ رفض..مسكت معه على فورد..

اهم شي انه يشري له موتر نظيف..




بعد هم مشكورين ..وماقصرتوا..

اسمح علي على المداخله الفورد حلوه بس شكلها غبار غبار ماله امل يتغير الضاهر

ولا فيه ذره تميز لانه قديم الشكل بس موتر رهيب ماعليه كلام ولو يشتري جراند ماركيز ازين ملوين مره

الحمدلله على سلامتكم ياخوي

و الحمدلله على كل حال

:cool:

الحمد لله على السلامه :)

اقتباس:

---

المشاركة الأصلية كتبت بواسطة zeyad

اسمح علي على المداخله الفورد حلوه بس شكلها غبار غبار ماله امل يتغير الضاهر

ولا فيه ذره تميز لانه قديم الشكل بس موتر رهيب ماعليه كلام ولو يشتري جراند ماركيز ازين ملوين مره

---

الفورد حلوة أول سنتين..بس مع الاستخدام السيئ ماتكمل سنة..أزين مافيه تكييفه..وبس..لامكينة ..ولاعزم..لأن الفورد أمريكي مصمم على أجواء امريكا..ومايتحمل الحرارة حقت السعودية فمابالك بالرياض اللي توصل حرارتها بالصيف الى أكثر من 50 والأحوال الجوية يخرطون عليك يجيك حسن كراني أو عبداللطيف العيوني يقول درجة الحرارة العظمى في الرياض 40وهو متأكد انه لو طلع سيجارة وحطها برى من غير مايولعها تولعت من نفسها..قال أحوال جوية قال..
على العموم مشكور أخوي وماقصرت..