اكورد اسود ولؤلؤي2008

مرحبا ياشباب وش الاخبار انشالله مرتاحين ماابي اطول عليكم
انا معي هوندا اكورد 2008 لؤلؤي وانا ودي باسود
اولا وش رايكم بالونين هاذي الاسود احسن ولا لؤلؤي
ثانيااا انا لقيت اكورد اسود فل كامل مخمل 4 سلندر سعرها 85000 ماشيه 15000 بمعارض بالشفاء السياره جديده مدري ليش بيبيعها
المهم قلت ابي ابدلك انا معي نفس المواصفات بس الي معي لؤلؤي ماشي 13000 قال ابخذها 80000 وتدفع الفرق
مع انها نفس المواصفات بس الفرق اللون وانا ماشي اقل
السؤال الاخير كم تسوي سيارتي ؟ ارجوكم ابي نصيحه ابقى على الؤلؤي ولا اخذ الاسود
اكيد بتقولو ليش مااخذت من الاول والله حست المعرض كلها والوكاله قالو مافي اسود ابد اله 6 سلندر والسبشل وا تنتظر الى 2009 واخذت الؤلؤي ابي رايكم ضروري

اللؤلؤلي لون حلو

وبعدين السيارة على يدك اذا انت ماخذها وكالة افضل لأنك ماتدري عن السيارات الثانية

الأسود حلو لكن يبيله عناية وغسيل بشكل يومي وبعد فتره البدي يوضح فيه اثار الغسيل ويحتاج تلميع أكثر من اللؤلؤي

خلك على موترك واقنع والله يبارك لك فيه ان شاءالله

خلك على اللؤلؤي احلى:cool:

ياحلو خلك على اللؤلؤي تراه احسن

انا معك ان الاسود شكله رووووعه لاكن هذا من يوم تطلعه من الوكاله لاكن بعد فتره وش يسير ............. طبعاً هذا بدون عنايه

وفيه شي ثاني بالرياض ما يصلح الاسود لأنيه يجيب لك الحراره بقوه

نصيحه من اخ لأخوه خلك على اللؤلؤي

السلام عليكمْ ،،

هلا فيك اخوي ،،

صحيح على 08 و 09 الأحلى الأسود عليها ،،

لكن هذا ما يخليك تبيع موترك عشان تأخذ اللون الأسودْ ،،

لو أن قال لك راس براس أو بيزيدك هو 500 أو 1000 ،،

وخاصة أن سيارتِك ماشيه أقلْ ،،

نصيحه لك لا تبيعها ،،

إلا في حاله وحده انها تجيب لك 85 أو أعلىْ ،،

بالتوفيق لكْ ،،

انا سيارتي 08 اسود فل كامل جلد- 4 ابي احد يبدلني بلؤلؤي مخمل طبعا ماشية 23000 وزي العسل ومعتني فيها اشد عناية او ودي ادري كم تسوي

ااوكي مشكور يالغالي بس اذا بتبادلني راح تزودني واذا سيارتك نظيفه مره مره ولا خدش رد علىعلشان نتفاهم

اقتباس:

---

المشاركة الأصلية كتبت بواسطة WLWL

انا سيارتي 08 اسود فل كامل جلد- 4 ابي احد يبدلني بلؤلؤي مخمل طبعا ماشية 23000 وزي العسل ومعتني فيها اشد عناية او ودي ادري كم تسوي

---

ااوكي مشكور يالغالي بس اذا بتبادلني راح تزودني واذا سيارتك نظيفه مره مره ولا خدش رد علىعلشان نتفاهم:o

مشكورين جمعا بس ابي اقتنع اكثر انا حاب الاسود وحاب الؤلؤي بس الاسود اكثر ابي حل ابي اقتنع

انا معك ان الاسود روعه على الاكورد الجديده

بس اللي اعرفه ان اللؤلؤي مطلوب بكثره واغلى من الالوان الاخرى
كيف تبي تبادل بالاسود وتزيده بعد وانت ماشي اقل ولون سيارتك هو الاغلى والافضل والمطلوب في السوق

انا معي فل اسود 2008 وماشي 60 ومستحييييييل ابدل احد :) ردور لك اسود نظيف اكشخ

المعروف في مجتمعنا الحبيب انو اللؤلؤي اغلى من باقي الالوان في سعر البيع ..

والأقل رغبة خصوصا بالرياض الأسود .. مستحيل تبدله وتزيده 5 الاف المفروض انو هوا الي يزودك :rolleyes:

حتى أنا يعجبني الأسود لكن الجو مايساعد :d

طيب انا عندي اكورد بيج فل كامل مخمل بجناح وحساسات وكاله وماشيه 15 الف ..

ميييييين يبدل باللون الأبيض اللؤلؤي ؟؟

يلا لاتبخسوا سيارتي :d

خييييييييييييير

لا ما يطيح سعر الهوندا للدرجة هذي

وخل اللؤلؤي معك بس احسن لك

لان الاسود تبي عيوبها على طول

والله صار الدعوه تبادل سياراتْ ،، :d

أنا ناوي أبيعها عقب تقريباً 7 شهور ،،

وانتظر الى رمضان واشتري 2010 ،،

<~ يقال له بطرانْ ،، :p

مشكورين يالغالين خلاص اببقى على لؤلؤي اطلق لون

ايه خلك على الؤلؤي
انا اخذت لؤلؤي 2009 عشان ماحصلت 2008 لؤلؤي

تبيع سيارتك عشان لوووووون بالعكس اللؤلؤي افضل لوووون لاتتسرع

السلام عليكم اخوي انا معي فل اوبشن اسود 2008 انا معاك انه رهيب وحلو اذا كان نظيف ويلمع لاكن ما يسوى انك تغير سيارتك الي اول شخص استعملها انت والله حرام وخصوصاً ان الاكورد 2008 احلى الألوان ( اسود , لؤلؤي , فيراني ) يعني لون سيارتك جميل
انا عندي لك حل احسن بدال ما تدفع 5 الاف فرق اصبغ سيارتك في الوكاله لاحظ في الوكاله وكذا مو خسران شي اذا كنت مصمم ........
الله يوفقك