علــــــومــ انقــــطاعــي
السلام عليكم ورحمة الله وبركاته ....
كل سنة وانتم طيبون ....
اخبار الشعب شكلكم انبسطتو يوم ماشفتوني >>> يتودد :o
سلامتكم والله لاني فاضي اكتب ولاني رايق لاني في مقهى :p
لكن والله من محبتكم وبصراحة وحشتوني يامال الوحش يالي يوحشكم في مكان يوحش >> يازين المسكات
يامطول الله عمارهم انقطعت عنكم من رمضان الى الان بسبب مشاغل الكد والعيش لجلب لقمة العيش :d
وفي يوم اجازتي >> اول العيد والثاني والثالث مشيت للرياض بسبب زواج اخوي هناك ولروئية الالعاب النارية الجميلة الي تنشاف من فوق سطح عمي وبرضوه نسيبي :d...
وكان ثالث العيد يوافق يوم جمعه وكان في بالي انه مايحسب مع اجازة العيد يعني كان في بالي انه اجازة رسمية ويوم السبت بيكون ضمن اجازة العيد !!! لكن في صباح السبت اتصل علي المشرف يقول وينك ؟؟!! قلت في الرياض وبمشي الحين قال خلاص داوم المسا انت الي ماسك الشغل بس !!:confused: >> يالي وقاحته ونذالته وكلابته ودنوه ادنى الله اجله :mad:
قلت تم ... وامغط من الرياض الى ابها وصلت تقريبا اربعه ونص والدوام يبدا خمسة حكم ... وسلمت على المصري واكمل دوامي وانا في حال يرثى له لا من الثوب المسفط ولا من بقع العصير ولا من الوجه الي يلمع من العرق :mad: ... واتممت الدوام على خير واروح البيت واسلم على الاهل وانااااااام ..... الخ واقوم وانا مثل الحمار احم قصدي الحصان واروح اشغل الكوكو وادور عليها وافطر عند الباب انا والوالده تبي تاخذ علومي لكن ماعرفت كيف اقول بالسالفه :d يسمونها في علم النفس >>> اقامة العلاقه مع الحديث :d...
وداوم وانا في كامل اناقتي وجمالي :p و و و و حلاوتي :d
وعلى هذا الموال الى يومكم ما ارتاح الا يوم الجمعه عسى الله يشغلنا بطاعته ...
وقبل اجيكم للمنتدى حلقت وغسلت السيارة وعطرتها والله ماجيتها من يوم جيت من الرياض ...
وكــ العاده مجهز ثوبي واغراضي للدوام ...
وسلامة قلوبكم ... حبيت ارد لكم بنبذه عن انقطاعي ...
ولعلمكم في شخص هنا جبار ويشهد الله انه وفي !!! برغم انه يسافر في الاسبوع تقريبا من 3 مرات فأكثر لكن ما اشغلته عن المنتدى كما هو معرف بتميزه وفرادته :d اقصد المشرف B Unique ( تف عليك ) ( بسم الله ماشاء الله عليه) ..
وبشوف ردودكم متى ماسنحت لي الفرصه ..
سي يو ...
