عرض للطباعة
بسم الله الرحمن الرحيمالسلام عليكم ورحمة الله وبركاته
أن شاء الله بعد أسبوعين أبغا اطلع سيارة بصراحه والله محتار بين الاكورد والاريون كلهم فل كامل V6 وعندي كم سؤال ؟؟؟؟؟
(1) أول شيء القوة ؟؟؟ <<< ياليت بمقطع :)
(2) الرساوه والعزل الصوتي والهدوء والراحة ؟؟؟؟؟ <<< أهم شيء عندي :rolleyes:
(3) العيوب وما ادراك ما العيوب ؟؟؟
(4) المكيف أيهم أفضل ؟؟؟؟؟؟؟؟؟
أرجوووووووكم بدون تعصب بدون تعصب لأن الموضوع هذا تحديد مصير والله تحديد مصير
,,, مع تحياتي للجميع ,,,
اول حاجة حياك الله بيننا ، وإن شاء الله ماتشوف منا إلا كل مفيد وجديد في عالم السيارات ، بالنسبة لحيرتك اول حاجة ركز وش تبغى في السيارة بالضبط ورتبك اولوياتك وحدد اهدافك والغرض من شراء هذي السيارة بالذات .
1- بحكم اللي شفته امام عيني انا اشوف الاويون تتمتع بقوة محرك من الدرجة الممتازة 3.5لتر و268حصان بـ6تغييرات اوتو وتعجبك قومة وخط ، عكس الاكورد اللي تعجبك في الخط فقط اكثر من القومة سواء مع 6سلندر او 4سلندر وحكمي هذا خاصة الـ6سلندر بعد مشاهدتي لمقطع واستشارة ناس جربوا معاها ، إذا المحرك لصالح الاويون بلا تفكير .
2- الرساوة بلامنافس لصالح الاكورد واكيد راح تزداد الرساوة مع نظام Vsa الموجود في 6سلندر واللي اكتشفت مؤخرا انه يزيد من ثقل السيارة + الثبات على المنعطفات حتى عند انحناء السيارة المباغت بفضل هذا النظام يقوم بتعديل السيارة في مسارها الطبيعي ، العزل الصوتي ( سالف مره كنت عند اشارة موقف وكان بجنبي صاحب لكزس صوت الموسيقى على العالي وكنت منزل الزجاج الايمن بمجرد رفعي للزجاج تفاجا صديقي بقوة العزل في السيارة لدرجة ان الصوت خف 80%) ، الهدوء لايمكن وصفه خصوصا ان الاكورد تتمتع بتماسك في ديكوراتها الداخلية مصدرة بذالك اعلى درجات الهدوء والرومانسية اتكلم على السرعات المتوسطة ، اما على السرعات العالية فيختلف الوضع ويكون بسبب إما العواصف الرملية او الرياح القوية والمصطدمة مباشرة بهيكل السيارة فيختلف الهدوء من سرعة إلى سرعة ومن وضع إلى وضع لكن الهدوء بشكل عام في الاكورد رائع مقارنة بمنافسيها من السيارات الأخرى ، الراحة بمجرد الركوب إلى مقصورة الاكورد ومن النظرة الاولى للمقود وتشطيبات الديكور الداخلية ينتابك شعور من الراحة والسعادة في آن معاً فالفخامة والكرم داخل هذي الجوهرة الغنية عن التعريف تدخلك في عالم من المتعة اللامتناهية ايضاً المقاعد الجلدية الطبيعة والطبية للعمود الفقري ذات التصميم الآخذ والملمس الرائع ، بالنسبة للاويون ممكن تكون هادية لكن كعزل صوتي مااعتقد وايضا كثبات مستحيل والراحة لن تكون مثل الاكورد ، إذا كانت الاوريون اميرة فالاكورد ملكة .
العيوب : إذا كانت من مالكي 2009 فأتوقع ان العيوب تغطت بالكامل إن شاء الله وخذ بعين الإعتبار ان العيوب لابد ان تكون في جميع السيارات وهناك عيبين بسيطين في 2008 واكثر الاعضاء حلها عن طريق الوكالة فصانعوا السيارة بشر وليسوا ملائكة ، الاويون يشتكون اصحابها من تفكك وطقطة الديكور اثناء المشي بالسيارة .
المكيف : 6سلندر تأتي بزيادة فتحتين مركبة في التكاية الأمامية من الخلف يعني المقصورة راح تكون ثلج ، ومكيف الاكورد مايحتاج ممتاز فيكيف بزيادة هذي الفتحتين نيالك ، بالنسبة للاوريون الله اعلم لكن هناك ذم على مكيف الكامري الجديدة فأكيد ان هناك ايضاً مشكلة في مكيف الاوريون بما انها الاخت الكبرى للكامري .
اخوي انا جالس اكلمك بدون ادنى تعصب لاي سيارة وانا نفسي انك تدفع المبلغ في سيارة تستاهل كل ريال يندفع لها من جيبك الخاص ، وعلى فكرة هناك خبراء قارنوا امان وثبات وراحة الاكورد بالسيارات الاوربية مثل البي ام والمرسيدس ، وايضاً انا اعرف واحد معاه الفئة الخامسة يحلف بالله يقول ثبات الاكورد والراحة اللي فيها تشابه إلى حد كبير سيارتي .
هذا مالدي واي استفسار احنا حاضرين ،،،،
والف مبروووووووك مقدماً سواء للاكورد او للاوريون .
تحياتي لك اخوي ،،،
اخوك دحوم ،،،، ;)
^^^^^
ما أتوقع تلقى كلام أحسن من كذا :cool:
الصراحة أخوي دحوم ما قصر وأنا معه في كل كلمة وأنت لك حرية الأختيار والتفكير وألف مبروك مقدما على الأكورد أو الأوريون ....
وانت لو تدقق بعد بالكامري حقة السودان واليمين الي هي 6 سلندر بتشوفها نفس مواصفات الاوريون والشكل بالملي مايختلف الا الاسطبات الخلفه والاماميه وصارت اوريون :)
فعشان كذا كل شي لصالح الاكورد ونفس الشي اخوي كان محتار زيك ورسى ع الاكورد ان شاء الله 6سلندر فل :cool:
ياخوي الله يهديك ايش حادك على الكامري قصدي الاوريون
واحد خويي مسكين متعقد كلما شافه واحد مبروووك الكامري :(
غير السياره ماهي معروفه وخراباته كثيره من اول ظهورها
وانا فريت في منتديات تويوتا العربية وكلهم يمدحوا فيها
لكن تعال الواقع
بغيت مره اشتري من واحد اريون عارضها كان بجريدة الوسيلة
الرجال من جد منقهر بدال مايعطيني مزاياها اعطاني عيوبها وجزاه الله خير
انحشت بعدها من جد عن الاوريون
واخذنا الاكورد الحمدلله سياره ياباني 100%
لكن في الاول والاخير استخير نحن راي فقط
لكن القناعه في الاول والاخير لك
شئ طبيعي تكتب الموضوع في منتدى هوندا
الكل راح يتعصب للهوندا أكورد
بصراحة أنا عندي أوريون 2008 للإمانة السيارة ممتازة وما اشتكيت من شئ
غير صوت في الديكور خفيف حتى لو شغلت المسجل ما تسمع صوت الديكور ومع ذلك
أخذت السيارة للوكالة وتم الإصلاح ولله الحمد
إذا تبغى القوة ترى الأوريون بشهادة الكل أقوى من الأكورد
أما عن العزل الصوتي أنا أشوف أن العزل في الاوريون أفضل من الكامري v4 لــكن ما أعرفه بالنسبة للأكورد .
الرساوة أعتقد الأكورد بحكم التعليق القاسي لــكن بفرق بسيط وإذا الأكورد فيها نظام vsa فــ الأوريون فيها vsc
نفس النظام الموجود في اللكزس وتعليق الأوريون نفس تعليق اللكزس es
أما عن الراحة فــ أعتقد الأوريون لأن تعليقها أفضل من ناحية الراحة من الأكورد
أما عن المكيف
صراحة تويوتا ما عليها أي كلام من ناحية التكييف من الكرسيدا وحتى الأفالون
و أنا مجرب مكيف الأوريون وممتاز بس أهتم بتنظيف الفلتر بإنتظام وراح تشوف بنفسك :cool:
سلامي ...
صاحب الأحزان
اخوي صاحب الأحزان الارويون تتفوق على الاكورد بالسرعه فقط
لكن قوه لاااااااا الاكورد اقوى بكثييييير
رساوة الاكورد
راحه الاكورد
مكينة وقوه وقير وبدي الاكورد
وشهادة الكل اكثرهم على تويوتا فاكيد بيشهدوا للاوريون وشهادتهم على بال ايام تويوتا وبس
ايام ماكانت التويوتا تويوتا
مو تويوتا الحين
ممكن اعرف وين الاوريون في موقع تويوتا الرسمي ؟؟
ومع انك من محبي وعشاق تويوتا :)
الا انه اهلا وسهلا بك اخ وعزيز وغالي بين اخوانك ملاك الاكورد :cool:
حياك الله أخوي ( gameover) و أشكرك على تعاملك الرائع
بالنسبة لسؤالك عـن الأوريون و أين هي فــ الأوريون أسمها كذا في أستراليا
أما في باقي الدول فهي camry v6 وهذا الشئ مش عيب أبداً أن تكون camry
على سبيل المثال هوندا mr-v الجيب العائلي أسمه mr-v عندنا فقط
أما في أمريكا أسمه pilot
الأن حديثاً صار يجينا pilot أما هو من زمان معروف بهذا الأسم في الخارج
ومع ذلك ما أحد قلل من شأن السيارة بالعكس سيارة لها أحترامها مع أنها تجميع أمريكي
ولا تحسب بكلامي السابق أني متعصب للأوريون لا والله أني أحترم جميع المنافسين
وخاصة الأكورد
والله موضوع يحيير ,,
بس مثل ماقال اخوي دحوم الرساوه خذلك اكورد والله اكلمك عن الشكل 2007 خويي معه بي ام الفئه الخامسه وساق الاكورد والله يقول ماحسيت بفرق كبير بالرساوه بالخط << لاحظ الي معي سبشل مو فل كامل وسبق اني طيحتها ولعبت فيها ,, بس والله الاوريون موتر قوووووي فعلاً وانصحك فيه بدل الاكورد ياخي قطع رخيصه جداً بالنسبه للأكورد ومتوفره لدا الوكاله ,, صيانتهم اريح ويخوي الي يقول الاكورد ارسى ومدري ايش انا اذا شريت الموتر ما ابفكر اذا مشيت عليه 240 وش بيصير وضع الموتر اكلمك عن الاستعمال الطبيعي يعني الموتر ممشاه حلو وشكله روعه صراحهـ
ولاتنسا تستخير ,,
:cool:وبصراحة والله كفيت ووفيت بصراااااحة اقنعتني بالاكورد ماشاء علييك اسلوبك رائع في الطرح أهنيك ;);)اقتباس:
المشاركة الأصلية كتبت بواسطة دحوم
وابغا أقولك على شغلة أنا اليوم الصباح رحت لعبودي هشومي ورحت لعبداللطيف جميل بصراحة أول ما جلست في الاريون من جوا عادية مرررة :(:( بس الطبلون عاجبني ومن برى تقدر تقول مومرة بطااالة وبعدين رحت لعبودي
أول ماجلست في الاكورد والله ثم والله احساااااس موطبيعي ياجماعة تحس نفسك راكب سيارة داخليتها مشاء الله تبارك الله أحس من الاريون مليوووون مرة <<< بقي وشوي وتسير زي اللكزس ههههه :d:d ومن برى لا تعليييق :eek::eek:
وفي شيء ثاني سويت تست درايفر لكلا السيارتين الي شايفة أن الاكورد راااااسية مره لكن الاريون بعد 190 تسير تنطنط زي اليايات الرياضية ألي شفتوه أن الاكورد عيبها القير مافيها تعديل الى يدوي صراحة الاريون قوية وأقوى من الاكورد بس مو ارسى منها <<<< أهم شيء عندي الهدوء والراحة والرساوة في الخط :)
:cool: وأنا قررت أطلع أكورد انشاء الله :cool:
::: وأشكرك يا أخ دحوم مرة ثانية لانك أنت الي أقنعتني فيها :::
اقتباس:
المشاركة الأصلية كتبت بواسطة abu Khaled
والله من جد
اقتباس:
المشاركة الأصلية كتبت بواسطة ن ع ر السعودية 0005
الله يبارك فيك
:cool:أشكر الجمييييع الي نحوني وأعطوني ارائهم:cool:
:d وأبغاكم تعطوني نصائح أول ما أطلع السيارة :d
إن شاء الله ماراح تندم لإختيارك الاكورد ، وصدقني كل اللي معاهم سيارات تويوتا بمختلف فئاتها حتى اللكزس مستحيل يعيب ويذم في الاكورد ، الاكورد ماشاء الله تبارك الرحمن سيارة ترضيك من جميع النواحي ثبات+أمان عالي+ هدوء+راحة+فخامة ورحابة+وقوة محرك مرضية + صلابة هيكل+ جمال المقصوة الداخلية وجمال وتميز التصميم الخارجي المذهل + حتى اثناء البيع لها جمهورها وعشاقها من الشباب ، فألف مبرووووووك مقدماً ، وبالنسبة للمواصفات صحيح ان مواصفات الاكورد محدودة لكن هناك شاشتين نازلة لــ2008-2009 بها جميع المواصفات التي تجاري الاوريون والازيرا من مواصفات جديدة وعالمية لأول مرة ، وبمجرد تفكيرك ان هذي السيارة صنعت في اليابان والمنافسين مثل الاوريون استراليا والالتيما امريكا والازيرا كوريا سوف تحس بتميز الايدي العاملة ليس هذا فحسب الايدي هذي كفيلة بأن تبقى سيارتك لك وللزمن وللامد البعيد المعدود بالسنين فهنياً لك الاختيار وصدقني مع الاكورد مافيه ادنى احتيار .
بس مقارنة بالسعر الأوريون ...95 اما الكورد ب115 وين عايشين..
يارجل الأوريون تمام..
اقتباس:
المشاركة الأصلية كتبت بواسطة سواد اكورد
الاوريون تجي نوعين يأستاذ :)
الأوريون تجي ثلاث أنواع : touring - grande without navigation - grande with navigation
أسعار الأوريون
فل من دون شاشة 100,000 الف موديل 2009
الأكورد أنا أعرف موديل 2008 v6 فل كامل بــ 112 الـف ريال
اقتباس:
المشاركة الأصلية كتبت بواسطة صاحب الأحزان
الي اتكلم عنه انا الـ touring - grande
بغض النظر عن الشاشه هذا اكسسوار عادي بس النوعين الاساسين touring - grande :)
والله لو انا مكانك كان اخذت اكورد