سيارتي Vs أكورد كوبيه 2008

بسم الله الرحمن الرحيم

السلام عليكم و رحمة الله و بركاته , و بعد ....

يا شباب هذي قومة صارت بيني و بين أكورد كوبيه 2008 الـ 4 سلندر , الهم إن القومة ما أتصورت من البداية لأنه عبال ما نطلع الكاميرا و خلاص قد مشينا .

بدايتها كانت حرش من إشارة الصواري مول بطريق الملك و وصلنا للإشارة إللي قبل محطة المنار و من هنا كانت قومة أرض , دعسنا مع بعض .

لحد يجي و يقول إن راعي الكوبيه ما كان داعس لأنه لو ما كان داعس ما كان مسك معاي بالطريقة هذي , و بعدين سيارته فحطت في القومة .
أدري إن الـ 2008 قومته ثقيلة لكن المفروض يقرب مني في الخط .

في الحقيقة استغربت من مستوى الكوبيه الجديدة في القومة و ما جربنا دحدرة لكن أتوقع إن بيكون مستواها أفضل , لأني مجرب مع العضو Meedo و ما شالله تبارك الله سيارته بإنتيك و دبة خلفية و دبة رصاص . أطلع عليه أول و ثاني و في الثالث يجيبني و لما أشبك رابع أبدأ أطلع عليه مرة ثانية .
و في مقاومة ليّا مع أكورد 2008 فضي , و كان العضو It's Me معاي و أسألوه قد إيش أعطيك الأكورد 2008 فرق .

أترككم مع مقطع الفيديو و أنتظر آرائكم ....

[ame="http://www.youtube.com/watch?v=3nlM-Kk_0Tk"]http://www.youtube.com/watch?v=3nlM-Kk_0Tk[/ame]

:cool:

حلوه

* ما شاء الله *
.. :) ..

مبروك عليك القومة وهارد لك للكوبيه .... ولا تنسى يا صاحبي ان سيارتك معدله شويتين ولا تنسى بعد ان وزن الـ2008 اكثر من سياراتنا بأكثر من 100 كيلو :eek: ...

تدري يا accord 764 .... لو انت في الشرقية كان جربت معاك لأن باين على سيارتك نشيطة ما شاء الله ... انا عندي انتيك كامل K&N ومركب دبة خلفية ثانية مثل الـv6

:cool::cool::cool:

ما شاء الله تبارك الله
انتا تخوف :rolleyes:

بس الازم تنزل مره تانيه قومه و خط على شان نعرف الفرق صح

تمام عليك صورة المقطع:cool:

مبروووك...........
وعقبال ماتطلع على v6 :confused: .......

وصراحه قومه حلوه...

هلا بالشباب و يا مرحبًا ألف ....

King :
تسلملي على هالمرور و على هالإطلالة الحلوة .

راعي السوناتا :
أشكرك على هالجملة الحلوة إللي كتبتها حبيبي :cool: , و شكرا على مرورك .

محجوب :
هلا بمحجوب , حيّاك حبيبي ...
التعديل إللي على السيارة مثل منت عارف , إنتيك شورت SPW مع K&N فلتر الحجم الكبير , و كنداسة رياضية DNX . و هذا التعديل يعتبر حلو و مؤثر في عزم الأكورد ;) .
بس يعني حتى لو هو زايد في الـ 100 كيلو , ترى إحنا راكبين و هو راكب واحد لحاله يعني أعتقد أن الوزن متكافئ . و الجو في الحقيقة كان مساعدني لأن الهواء كان بارد شويتين و هذا عز الطلب بالنسبة للإنتيك :d .

اقتباس:

---

تدري يا accord 764 .... لو انت في الشرقية كان جربت معاك لأن باين على سيارتك نشيطة ما شاء الله ... انا عندي انتيك كامل K&N ومركب دبة خلفية ثانية مثل الـv6

---

لي الشرف إني أجرب معاك , و ياليت كنت بالشرقية لأني مرة نزلت هناك بس ما كانت معي سيارتي , رحت جامعة البترول أوصل أخوي لأنه يدرس هناك و شفنا سيارتك واقفة بالمواقف ( أعتقد إنك كنت كاتب كلام تحت الباب في السيارة لكن ما ني متذكر وش هو ) :rolleyes: .
تجرب مع أخوي في الشرقية , معاه ألتيما V6 موديل 2005 عليها إنتيك و هيدرز و إكزوز و بكرات و برمجة :d .
بس إنت تعديلك بالنسبة لدبة الـ V6 ودي أسألك , كيف العزم بدبتين ؟ أحسن من الدبة الوحدة ؟
لأني كنت مركب دبتين رياضية إيطالية و لاحظت إن العزم نزل ما زاد :( !
يشرفني مرورك و طلتك على الموضوع حبيبي و إنشالله نتقابل و نتشرف بمعرفتك :) .

@اكورد وبس@ :
شكرا على المرور يالغلا .

first :
هلا بسلطان .
ياخي إنت شفت عزم سيارتي و عارف مستواها .
بس أعذرني بالنسبة للمقطع ما صورته من البداية لأن القحطاني كان معايا و يالله نطلع الكاميرا من الدرج و نشغلها و نصور فضاع علينا نص الوقت :mad: .
أنا إللي نفسي أجرب معاك ... و أشوف الفرق بين الـ L4 و الـ V6 .
* و تتذكر قومتي مع الألتيما 4 سلندر موديل 2005 الأحمر الأوتوماتيك إللي مركب إنتيك لونج و جانا على كوفي بيين و قال يبغى يجرب معايا , و لما جربنا مع بعض حتى في القومة ما قدر يطلع عليّا و الفيديو أعتقد عند براء لأن صاحب الألتيما يصير ولد خالته :d .
* و من السيارات إللي طرحتها يوم الثلاثاء الماضي , و كان معاي أحمد جاد و براء في خط الكباين مع الأفلانش وكنا مثبتين على الـ 100 و أنا حاشر السيارة في D3 و دعسنا مع بعض و طلعت عليه و صار هو ماسك في صدامي الخلفي إلين فصل طبلونه على الـ 200 .
* و في عندك كمان القحطاني نفسه بالتعديل إللي على سيارته ( الإنتيك و الهيدرز و الإكزوست ) :rolleyes: , جربت معاه و كان معاه أحمد جاد في طريق الملك عند دوار الكرة الأرضية و أنا لحالي , دحدرة من 80 و مسكت معاه إلين الـ 180 ( صدامي مع صدامه ) محد طلع فينا على الثاني رغم إن القطع إللي عليه قوية :confused: .
كل الشباب يقولون لي بس لو ركبت هيدرز راح تسوي جنان في الدنيا هذي :) <<< ناوي عليه إنشالله :rolleyes: .

Halo 5 9 5 :
الله يبارك فيك حبيبي , و إنشالله بنطلع على الـ V6 بس يبيلنا شغل كثير :p .

شكرا لكم ياشباب على مروركم و تواجدكم .

تحياتي لكم
أخوكم / خالد .

ما شاء الله تبارك الله

الله يعطيك خيرها ويكفيك شرها

ولا تنسى حقت طارق;)

ما شاء الله عليك والله أنت :cool:

ماشاء الله ، الله يعطيك من خيرها ويكفيك شرها ، وش رايك تجرب معاي مادام اني في جدة (^_^)

مبروووووك ... يا اخي انت ابطل واحد في الدنيا:cool:

وودي اسووولف معك بخصوص التعديل في السياره ..:confused:

وش الفرق بين الشركتين وقطعهم اللي مركبها ... انا اللي اعرفه ان K&N يجي معه فلتر و البايب حق الهواء

" طبعا للـ V6 " زي كذا

http://kandn.com/images/l/69-1207TP.jpg

او

http://ecx.images-amazon.com/images/...500_AA280_.jpg

وانا ما ادري وش الفرق بين هالاثنيييين ...فياليت تفيدنا يالغالي :confused::confused:

اخوك فيصل

اقتباس:

---

المشاركة الأصلية كتبت بواسطة ACCORD 764

لي الشرف إني أجرب معاك , و ياليت كنت بالشرقية لأني مرة نزلت هناك بس ما كانت معي سيارتي , رحت جامعة البترول أوصل أخوي لأنه يدرس هناك و شفنا سيارتك واقفة بالمواقف ( أعتقد إنك كنت كاتب كلام تحت الباب في السيارة لكن ما ني متذكر وش هو ) :rolleyes: .
تجرب مع أخوي في الشرقية , معاه ألتيما V6 موديل 2005 عليها إنتيك و هيدرز و إكزوز و بكرات و برمجة :d .
بس إنت تعديلك بالنسبة لدبة الـ V6 ودي أسألك , كيف العزم بدبتين ؟ أحسن من الدبة الوحدة ؟
لأني كنت مركب دبتين رياضية إيطالية و لاحظت إن العزم نزل ما زاد :( !
يشرفني مرورك و طلتك على الموضوع حبيبي و إنشالله نتقابل و نتشرف بمعرفتك :) .

---

ما شاء الله عليك ... جيت مرة وحدة وشفت سيارتي وتتذكر كل هالأمور ... عليك ذاكرة قوية ;)(ما شاء الله تبارك الله) .... فعلا سيارتي كان عليها كلمة (The power of dreams) تحت الابواب :rolleyes:
أقووووول ... لا يكون أخوك سيارته سودا وبنفخ في الكبوت وجنوط كروم وهو العضو ghost في ss4ever ؟؟؟؟ ....... لأن نفس هالتعديلات بالضبط ومعانا في الجامعة :confused:

بالنسبة للدبة الثانية ... بدون الفلتر مافي فرق لا للأفضل ولا للأسوأ ... لكن اذا اركب الفلتر في تحسن بسيط وواضح خاصة بعد الـ120 ... واعتقد مو اي دبة رياضية تظبط على الاكورد لازم يكون الضغط مقارب لدبات الوكالة ...أعرف واحد ركب دبة ماجنافلو على اكورد قير عادي مع فلتر وهدرز ومستواه طلع غير شكل ما شاء الله .....

خلاص اذا جيت الشرقية مرة ثانية تعال بسيارتك :d .... وعطنا خبر قبل ما تجي ;)

سلاااااااام..

هلا فيكم مرة ثانية ....

It's Me :
هلا بسميّي خلّود , عساك بخير :) ما ودك نحضر معاك محاضرة الليلة ؟ :d ..
حلو الكلام إللي إنت كاتبه و حقت طارق هذي أنا أبغاك إنت تقولها لأن الشباب ما هم مصدقين . نتقابل الليلة إذا إنكم فاضيين ;) .
و الموضوع منور بيك يا قمر .

ن ع ر السعودية 0005 :
هلا فيك , و إنشالله بتشوفون مقاومات أقوى و أقوى :) , و نرفع فيها إسم هوندا .

دحوم :
لي الشرف يالغالي و إنشالله نشوفك اليوم و بنسق معاك .
أنا قريت في واحد من مواضيعك إنك تقوم على الألتيما الـ V6 فهنا المنافسة معدومة بيني و بينك , النتيجة واضحة من البداية إنها في صالحك :cool: , لكن ما يمنع إننا نجرب :p .
إيش رايك أجيب لك أكورد V6 تجرب معاه موديل 2007 ؟ بس صاحبها مدلّعها مرة :( .
شكرا على هالطلة الحلوة ...

faisal_606 :
هع هع , أعجبك صح :d .
حبيبي بالنسبة للفرق بين الإنتيك الأول و الثاني فكلهم لونج و الواضح إنهم إثنينهم للـ V6 لأن التفصيل يختلف عن الـ L4 . و بالنسبة للتعديل الخفيف في الهوائيات ترى الشركات ما تفرق أغلبها بيعطي مفعول مقارب للثاني :) .
و شكرا على مرورك الحلو ....

محجوب :
هلا فيك مرة ثانية ...
لا أخوي طلع من الجامعة خلاص و الألتيما إللي معاه كان لونها أخضر فاتح :cool: و جرب مع الأسود و الأسود طلع عليه بفرق مراية بس .
بالنسبة للدبة الثانية يمكن كلامك صح , يمكن لأن الضغط ما كان موزون أو مقارب لضغط دبات الوكالة و أنا أشهد للماجنا فلو بأنها دبة رائعة :cool: .
و بالنسبة للأكورد الجير العادي , واحد معانا في جدة إسمه هيثم معاه أكورد قير عادي و مركب عليها إنتيك بس , و أنا إللي مركبه له , المهم تقاومت معاه أرض ودحدرة و كلها هو يطلع فيها طلعة جامدة ما شالله :cool: .
في القومة السيارة تفز و في الدحدرة تفز بعد , و صرت أنا ماسك في صدامه الخلفي و مثبته و ماني قادر أتعداه .

فعلا لحد يستهين في مكينتنا الـ K24 .

تحياتي لكم
أخوكم / خالد .

ما شاء الله تبارك
الله يعطيك خيرها ويكفيك شرها

.
.
.
" أصلي يا ولد فصلي "

:cool:
:cool:

ماشالله مستوى جداا حلو

انا عندي تجربة معا كورلا2006 قير عادي 1,8 طلعت عليه بالخط والمشكلة حجم المقطع كبير

وانا مصور 3 مرات دائما اتقدم عليه وفرق جامد وراعي السيارة كان بيتهاوش معاي خخخخخخخخخ

الى الأمام

بطل ومبدع :cool:

ماشاء الله عليك أنت وسيارتك ..

الله يهنيك بسيارتك .. ويبعد عنك شر عين الحسود ..




أخوي خالد .. تعرفني دايم مسوي لك قلق بالأسئلة :o

إليك جزء بسيط ..


أنت سبق وقلت إنك طلعة على تشارجر V6 !!

هل مستواها سيئ مقارنة بالأكورد V6 ؟؟

تنصحني أجرب مع واحد من أخوياي تشارجر V6 .. وكلنا سياراتنا ستوك ..

ولو أجرب .. ما بجرب إلا بدحدرهـ على سرعة 40 ..

تتوقع مين بيروح .. :rolleyes:

حيّاكم ....

الله يعطيكم العافية على الرد و المرور يا شباب .

Jack :
شكرا لك حبيبي .

ميدو مشاكل :
عاد إنت يبيلك جلسة :) , إنت لو تقاومه بتنتفه نتف , روح و انت مطمن .
معاك جير عادي , يعني مستواك معاه بيكون رائع :cool: .
لا تحرمنا هالطلة الحلوة .

o-k-r :
مبروك عليك الطلعة على الكورولا , و ترى مكينتها قوية في القومة و قومتها جدا نشيطة خصوصا الجير العادي ;) .

اقتباس:

---

دائما اتقدم عليه وفرق جامد وراعي السيارة كان بيتهاوش معاي

---

يا خي خل عنك , هذا حالهم لا نتفناهم يبدون يتهاوشون , لا تستغرب إذا نزل من السيارة و بدأ يهاوش و ....
و إنت ماشالله مستوى سيارتك لا يستهان فيه :rolleyes: .
و شكرا على مرورك .

أبو عــزوز .. :
هلا و الله فيك حبيبي ...
و شكرا على ردك الحلو .

أما بخصوص إستفسارتك ؟

اقتباس:

---

أنت سبق وقلت إنك طلعة على تشارجر V6 !!

---

صح , طلعت على تشارجر 6 سلندر من القومة أعطيته فرق حق سيارة و بدأ في الخط يقرب بس على خفيف , يبدأ يقرب مع الـ 150 أو 160 و على 200 أمسك أنا في مرايته و أثبته على هالفرق ;) .

اقتباس:

---

هل مستواها سيئ مقارنة بالأكورد V6 ؟؟

---

مستواها جدا سيء , أصلا ما في وجه للمقارنة بينهم , النتيجة محسومة للأكورد و بفرق شاسع :cool: .

اقتباس:

---

تنصحني أجرب مع واحد من أخوياي تشارجر V6 .. وكلنا سياراتنا ستوك

---

روح و جرب معاه و إنت مطمن , لكن إذا لك في المقاومات و تعرف تحشر النمرة صح اقولك توكل , لأن لو إنك خبرة راح تتعبه لين يطلع عليك :d . و جرب معاه قومة لا تجرب دحدرة . أستغل نقطة ضعف سيارته و هي إنها ثقيلة جدا في القومة . إنت وزنك أخف و عزمك يطلع قبلو فجرب معاه قومة ;) .

اقتباس:

---

ولو أجرب .. ما بجرب إلا بدحدرهـ على سرعة 40 ..

---

شوف , الدرحدرة 40 في الأكورد مرة جبارة و حلوة , لكن عزم التشارجر فيها أقوى لأنه بيكون ماشي و لو نزلها للأوتوستيك و هو سواق مقاومات بيطلع عليك و لا تنسى إنه 6 سلندر و مكينته High OutPut يعني بيطلع عزمها بسرعة :eek: .
جرب من الصفر و اسمع كلامي , و الدليل فيديو مقاومة محجوب مع الـ 2008 الذهبي .
في القومة محجوب من البداية طلع , لكن في الدحدرة الـ 2008 مسك معاه شوي و بعدين محجوب بدأ يطلع , فإنشالله تكون فهمت الفرق بين الأرض و الدحدرة في سيارة ثقيلة .

مثل اليوم عندك , كنا متجمعين وجات سوبارو ليجاسي حق صاحب واحد في الشباب , أعتقد موديل 2003 جير عادي مكينة 2.5 و طبعا مكينتها جدا قوية :) . أخذت و أعطيت معاه في الكلام و شوي قلتله وش رايك نجرب ؟ قال أوكي .
قلت دحدرة 40 , ليش أنا قلت دحدرة ؟ :confused: .
السوبارو دفع رباعي ففي القومة و خصوصا إنه قير عادي بيطلع علي بالراحة , لكني قلت دحدرة عشين أقدر أقدم مستوى حلو قدامه و فعلا جربنا و طلعت عليه و خليت صدامه مع بداية الباب عندي و كثيرين شباب معنا اليوم شافوها ;) .

إذا سيارتك نشيطة و سواقتك و تعشيقك للنمر تمام فأنا أتوقع إنك بتطلع عليه لكنه راح يجيبك في الخط . تبي تنبسط جرب مع لومينا 6 سلندر , عندك إلى الـ 2006 , راح تطلع عليهم :d .

أشكرك على ردك أخوي و أبدا منت مسوي قلق , بالعكس يشرفني أسولف وياك بسواليف التزويد .

:cool::cool::cool::cool::cool::cool:

ابو عزوز ..... صدق انك قلق مع هالأسئلة :mad: ....... ألحين وأنا أعرفك من زمان حيرتني بكلامك اللي مهوب واضح:p :

أنت تسأل الرجال عن الشارجر v6 مع الأكورد v6 >>>>>> طيب انت وش سيارتك .... يا ترى لسا بعدك على الماركيز v8 وللا زي ما انت كاتب في المعلومات الشخصية ؟:

اقتباس:

---

السيارة: ACCORD
المحرك: 4 سلندر مزود بنظام i-vtec موديل : 2007 اللون : لؤلؤ البحر

---

الزبدة : وضح كلامك زين انت بتجرب معاه بسيارتك وللا بأكورد v6 من طرفك ؟؟!!!؟؟ :)


اخوي اكورد 764 >>>> عندي تعليق بسيط على كلامك ..... بالنسبة للشارجر v6 ترى مستواه يعتمد على نشاط المكينة ونظافتها وعلى السواقة ...... باختصار ومن اللي شفته بعيوني في احد تجمعات ss4ever في الشرقية ..... كان هالشارجر الـv6 يدوس مع تقريبا كل الللومينات الـv6 الموجودين وما شاء الله عليه طلع عليهم كلهم بدون اي استثناء لأنه كان مرة نشيط...... ....الأكورد v6 سيارة جبارة جدا بالنسبة لحجم مكينتها ... وتطلع على اللومينا بالراحة ..... لكن مع هذا الشارجر على سبيل المثال .. بصراحة ما قدرت اجزم ان الاكورد بتطلع عليه !! ...لأنه كان فعلا نشيط !:) ... وملاحظة بالنسبة للمقطع حقي ... ترى لما جربت مع الـ2008 كانت سيارتي ستوك بدون رام اير ولا حاجة :)

اقتباس:

---

ابو عزوز ..... صدق انك قلق مع هالأسئلة :mad: ....... ألحين وأنا أعرفك من زمان حيرتني بكلامك اللي مهوب واضح:p :

---

محجوب , يا خي لا تشره على الرجال , تراه متحمس من يوم نزلت موضوع تركيب الإنتيك :p .

بالنسبة لتعليقلك أخوي محجوب تراه على عيني و راسي قبل ما أرد حتى .
لكن بالنسبة للومينات 6 سلندر موديل 2006 و إنت نازل , بالله عليك هذيك مكينة 6 سلندر , اقسم بالله سيارة جدا ضعيفة . إذا واحد في الشباب مركب إنتيك بس على أكورد و معاه 3 أشخاص في السيارة و راعي اللومينا لحاله , ماسكين مع بعض من دحدرة 40 إلين الـ 200 و هذا و معاه 3 أشخاص و اللومينا لحاله .

اقتباس:

---

الأكورد v6 سيارة جبارة جدا بالنسبة لحجم مكينتها ... وتطلع على اللومينا بالراحة

---

أكيد و أصلا ما في وجه للمقارنة الأكورد 6 سلندر سيارة جامدة جداً .

اقتباس:

---

وملاحظة بالنسبة للمقطع حقي ... ترى لما جربت مع الـ2008 كانت سيارتي ستوك بدون رام اير ولا حاجة :)

---

داري إنك كنت ستوك , بس حبيت أوضح لأبو عزوز الفرق بين الأرض و الدحدرة فقط . في القومة إنت من البداية النتيجة كانت لصالحك أما في الدحدرة مسك معاك شوي و بعدين فلت عنه .
الله يعطيك خير سيارتك و يكفيك شرها يا رب .

:cool:

ماشاءالله

الله يعطيك خيرها ،، ويكفيك شرها

أخوي خالد أشكرك على ردك .. وشرحك .. وتوضيحك .. وكل شي

تسلملي والله :o

اقتباس:

---

المشاركة الأصلية كتبت بواسطة محجوب

ابو عزوز ..... صدق انك قلق مع هالأسئلة :mad: ....... ألحين وأنا أعرفك من زمان حيرتني بكلامك اللي مهوب واضح:p :

---

اقتباس:

---

المشاركة الأصلية كتبت بواسطة محجوب

أنت تسأل الرجال عن الشارجر v6 مع الأكورد v6 >>>>>> طيب انت وش سيارتك .... يا ترى لسا بعدك على الماركيز v8 وللا زي ما انت كاتب في المعلومات الشخصية ؟:

الزبدة : وضح كلامك زين انت بتجرب معاه بسيارتك وللا بأكورد v6 من طرفك ؟؟!!!؟؟ :)

---

أنت القلق :mad:

ابو عزوز زعل وخر عنه :d






يـ راعي المصونة السيدة محجوبة :d

شوف : العضو THE_HUNTER معاهـ أكورد v6

وواحد من الأقارب معاهـ تشارجر V6

المهم اتفقت معهم .. ووافق راعي التشارجر

والعضو THE_HUNTER

قال ألعب بعيد انت وياهـ :mad: وقالي مايقدر يقرب من سيارتي في القومة ..
المهم وافق بالأخير ..

وبس ..

وأنا ناوي أحشر أكوردتي وأضرب عصفورين بحجر ..

1) عشان أصور المقاومة
2) عشان أشوف كيف مستوى الأكورد الـ 4 سلندر مع التشارجر v6

بس باقي نكلم واحد من الشباب معاهـ طيارة ..
اللي هي ألتيما v6 قير أوتوماتيك

وكذا نصير ثلاث سيارات .. والتصوير من سيارتي ..

وإن شاء الله تتسهل الأمور ..


إن شاء الله فهمت ;)

^^^^^^^^^^^^^^^^^^^^^^^

يا سلام علييييييك ..... اي كذا الكلام وللا بلاش .... وش حلاتك لما قلت السالفة كلها وصرت اكوس واحد :d
وبصراحة مخطط القومة رهيب وفنتاستيك :d ... وانت اذا بتركب معاك واحد حق يصور يغال لك تدوس قبل ما تبدأ القومة علشان تلحق عليهم ترا هالسيارات وحوووش وما تقدر تقارن الاكورد i4 بهم .......

على طاري الوحوووووش .... قبل اسبوع جربت مع لومينا ltz 2003 بس بصراحة هاللومينا نشيطة :d ... كان معاه شخص وانا لحالي وقدمت عليه بس مسافة رفرف :) ..... المهم مو هذي السالفة .... السالفة اني تحمست وفكرت سيارتي مستواها زي السيارات الـv6 :p:p:p وتهورت امس ودعيت خويي الى قومة وهو معه اكورد2008 v6 :eek: .... جربت معاه ارض ودحدرة .... والله اكثر قومة فشيلة في حياتي عطاني عمودين في 700 متر بس :eek: .... بس زين علشان لا اصدق حالي مرة ثانية :d

والله يا اكورد 764 وانقلب موضوعك سوالف وحكايات ومخططات مستقبلية :d .... اذا ازعجناك اسمح لنا عاد :o