المساعدة يا شباب ..،، الاكورد وانا امشي تطفي وتشتغل في أقل من ثانية..!

بسم الله الرحمن الرحيم



كيف حالكم ؟



كانت بداية المشكلة في آخر ايام الامطار عندنا في الرياض


وان امشي بالسيارة فجأة طفت واشتغلت في أقل من ثانية


قمت أوسوس ..،، ثم جلست اكثر من 3 يام ما طفت كذا

ثم مرة وانا طالع طفت واشتغلت في اقل من ثانية

ثم جلست حوالي 4 ايام ما طفت وسوت الحركة البايخة هذي

ثم قبل امس وانا رايح للجامعة طفت واشتغلت حوالي 6 مرات

اول ما طلعت رحت لاقرب بنشر وغيرت الزيت لانه كان مطول وقلت يمكن له دخل


وغيرت فلتر الهواء على الطريق بعد

وبعدها ما طفت وامس ما طفت


اليييييييييين اليوم في الصباح وانا رايح للدوام طفت واشغلت يمكن مرتين او ثلاث مرات


مرة سوت الحركة البايخة هذي وولعت لمبة المكينة في الطبلون
طفيت الموتر وشغلته طفت اللمبة حق المكينة




ولا ادري وش اسوي الحين ؟

سألت واحد من ربعي قال : افحصها بالكمبيوتر وشف وش يقول ...



عاد بغيت أسألكم اذا احد قد مرت عليه المشكلة هذي أو يعرف ورشة أمينة عندها كمبيوتر ويعرف للهوندا



ومتشكرين أوي وآسف عالاطالة

شف اصابع البطارية <<<< يمكن مرتخيه

<<< جاوب عليك من دون ما يقرء الموضوع

لو تحوس النادي شوي بتحصل مواضيع مشابهه لموضوعك

على العموم واحد صارت له مثل هالشغله له وقالوا له الكمبيوتر لكن تدري هو غير البطارية والموتر صار تمام

اقرأ هالموضوع بتمعن شديد :d

http://hondaarabia.com/club/showthread.php?t=15207

شوف يمكن الاصابع البطاريه او حساس فلتر الهواء

حلك عندي وانا ابو هندي

انا عانيت معاناه الله لايوريك واللى يزيدك قهر المهندس يقولي كمبيوتر السيارة والله ماهو داري عن شي

انا بعطيك الحل لاني ماتوصلت له الا بعد دخلت على المدير وسويت لهم مشاكل بالإضافة الى انك تشيك على البطارية ارفعها من مكانها وشوف ممكن تصب مويه من تحت لان البطارية تسويها لاتشيك بس على عين البطارية ارفع البطارية من مكانها ورجعها وشيك على العين وعلى الاصباع لايكون مكربن هذا للاحتياط

لكن تعال اقولك الحل الرئيسي لسيارتك افتح علبة الفيوز وشيك على الفيز النزله لك في الصورة تحت شوف الفيز نفسه وشوف مكان الفيز المدخل ممكن يكون توسع المحل حق الفيز يعني مايلمس الفيز مكانه اللى هو داخل فيه او بيته واذا طلع مايلامس يبيلها واحد فنان يعوج لك شوي الفيوز علشان يلامس بيته او المكان اللى يدخل فيه وتنحل مشكلتك انشاءالله او تغير علبة الفيوز انا الحين عندي تعميد بتغيير علبة الفيوز على الضمان عيب مصنعي في العلبة وكمان علشان العالي يعلق بس سيارتي موديل 2005 طولت عليك الصورة توضح لك الفيوز

اليكم الصورة وفيها محدد الفيز عليه دائرة حمراء



http://www10.0zz0.com/2008/11/13/10/136995263.jpg

الله لا يهينكم يا الربع


كفيتوا ووفيتوا وان شاء الله اجرب الحلول وأقولكم الحل الاكيد




الله يعطيكم الف عافية

السلام عليكم ورحمه الله وبركاته


يمكن ردي جاء متاخر لاكن حبيت اوضح لك ،،،


قد صارت لي هذي المشكله وزياده على كذا صارت تولع لمبه المكينه :mad:


اخر شيء طلع من اصابع البطارية ماركبت مضبوط ،،،


ان شاء الله اكون انا وبقية الاعضاء افدناك ..

يا شبااااب يعطيكم العافية

باقول لكم وش صار ...

أمس وانا امشي في الليل كبست بالنور العالي طفت السيارة واشتغلت

كبست مرة ثانية طفت واشتغلت

كبست مرة ثالثة ما صار شي ههههههههههههههههه

وفكرت فكرت قلت شكله من الكهرب

دقيت على ميكانيكي يمني اعرفه وقلت له عن المشكلة قال يبي لها اعادة برمجة كمبيوتر << انخررررش:confused:

ثم رحت لورشة قريبة من البيت قال : يبي لها فحص كمبيوتر عند الوكالة عشان تعرف ايش المشكلة

ورحت لورشة جنبها قال : لازم تغير حساس الكهرباء :confused:

فتحت الكبوت وشفت البطارية وكان على وحدة من الاصابع كربون وكان يعتبر كثير

رحت لبنشر وقلت له نظف الكربون..

المهم نظف الاصبع والكربون وكل شي ومن وقتها الحمد لله ما طفت الى الحين وان شاء الله دوووم


مشكور الفجر البعيد على المساعدة ولا يهون الجميع


وان شاء الله المشكلة ما توصل الكمبيوتر

الحمدلله

ياغالي تقصد فيوز الى بالكبوت والى الى تحت الدركسون

انا حصلت معاي نفس مشكلتك
و الحمدلله لقيت لها الحل
وهو اصابع البطارية كانت معدومة و غيرت واحد و الثاني شديت عليه و الحمدلله
الامور الطيبة