:: اللمسات النهائية لتجمع Honda Group بجدة بمناسبة عيد الأضحى المبارك ::
بسم الله الرحمن الرحيم
السلام عليكم و رحمة الله و بركاته , و بعد .....
أخواني , أحب في البداية أهنيكم بحلول عيد الأضحى المبارك . كل عام و انتم بخير و أعاده الله علينا و عليكم و على الأمة الإسلامية باليُمن و المسرات :) .
أكيد و في البداية عندكم خبر بتجمع لـ قروب هوندا بجدة بمناسبة العيد و نزلت موضوع له قبل أسبوع و لقيت تجاوب حلو من الأعضاء الله يعطيهم العافية . الآن حاب أعطي تأكيد على هذا التجمع .
المكان و الموعد :
مركز أوتومول بجدة الساعة الـ 6.30 بعد صلاة المغرب مباشرة سوف يكون هناك تجمع لقروبات جدة البالغ عددها 12 قروب من مختلف أنواع السيارات و بينهم القروب الأقوى طبعا قروب هوندا ;) .
و سوف يكون في هذا الخميس الموافق الـ 13 من شهر ذي الحجة لعام 1429 هـ , و الذي يوافق رابع ايام العيد .
الخطة و التنفيذ :
طبعا الخطة موضوعة و منظمة و إنشالله تسير حسب المتوقع لكن التنفيذ علينا و عليكم , يعني ما نبغى أحد يتفلت و يمشي لحاله :mad: , لازم كلنا مع بعض , نخرج مع بعض من المخازن و ندخل مع بعض للـ أوتومول .
الوضع راح يكون كالتالي :
في البداية راح أتحرك للمخازن الكبرى الساعة 4.30 أو الساعة 5 العصر و راح أكون متواجد هناك أنتظر الشباب و أسجل الأسماء و أشوف مين جا و مين ما راح يجي .
راح ننتظركم إلى الساعة 6 المغرب بالتمام و إللي ما راح يلاقينا هناك يلحقنا على الأوتومول لأننا نبغى ناخذ مكان حلو و ملفت :cool: .
من المخازن الكبرى راح ننظم شكل المسيرة و كيف راح تكون و هذا حسب عدد السيارات الحاضرة هناك و إلى الآن ترى العدد كبير , نبغى ناخذ مكان واسع يكفينا .
على العموم لما نتحرك للأوتومول نبغى نظام , يعني لحد يزيد عن السرعة المحدد لأول سيارة في المسيرة لأنها هي إللي راح تمسك لنا الخط . و راح أكون أنا آخر سيارة في المسيرة للتصوير ( يمكن أقدم عليكم شوي لأني أبغى أصور المسيرة كاملة ) .
أتمنى التسجيل معنا في هالموضوع أو برسالة على الخاص مرفقة بالبيانات التالية :
الاسم :
نوع السيارة :
الموديل :
اللون :
رقم الجوال : سوف يستخدم لتذكيرك بموعد التجمع و حتى تكون مسجل لدينا في التجمعات القادمة .
أتمنى مشاركتكم معنا .
لأي استفسار اتصل على رقمي في آخر الموضوع .
تحياتي لكم .
أخوكم : خالد .
رقم الجوال : 0555671379 .
