ممكن معلومات عن تزويد مكينة السيفيك الجديدة؟

السلام عليكم ورحمة اله وبركاته

بداية أحب اسلم على بكم في منتداكم، وخطوة مميزة نحو التجمعات المتخصصة...

وثانياً عندي سؤال متعبني وماحصلت له على إجابة...
هل يوجد قطع تزويد إحترافية لمكينة السيفيك 2006 الجديدة؟ بصراحة إنا ودي في Stroker kit أو سوبرتشارجر خفيف Level 1 ....
وإذا في تعديلات أخرى عليها القيمة لا تحرمونا من خبرتكم...

للمعلومية أنا من السعودية وساكن في الرياض، وتسووا في معروف لو تدلوني على محل في الرياض يوفر هالتزويدات.... :)

تقبلوا خالص الشكر والتقدير على إهتمامكم ومتابعتكم...

السلام عليكم

اول شي حياك الله معانا عضوجديد وان شاء الله الشباب يفيدونك :cool:

انا معاي اكورد وبصراحه ماعرف عن السيفيك شي معليش:o

بس حبيت ارحب فيك:)

الله يكرمك أخوي... ومشكور عالرد السريع... على قول المثل حار ياقلابة :)
ولي طلب صغير وهو أن تعطينا فرصة قبل لا تستلمنا تكفيش كلجات.... :)

مشكور أخي على ترحيبك... وتقبل تحياتي..

اقتباس:

---

المشاركة الأصلية كتبت بواسطة IMPALA SS '96

الله يكرمك أخوي... ومشكور عالرد السريع... على قول المثل حار ياقلابة :)
ولي طلب صغير وهو أن تعطينا فرصة قبل لا تستلمنا تكفيش كلجات.... :)

مشكور أخي على ترحيبك... وتقبل تحياتي..

---

:eek:

طيب انا الحين ماسويت شي !!!:eek: بس رحبت فيك:(

هذا اللي يبيني اتصيد له طيب اقول شوف السلام حقك في بداية الموضوع :d

وبعدين انا قلابه :( الله يسامحك يالمطبق:p

صادوه........ <<< بصوت واطي عشان مايسمعني Honda ويسوي لي سالفه:d عشان العضو الجديد :d :p :d

سؤالي لا زال قائم...

اقتباس:

---

وثانياً عندي سؤال متعبني وماحصلت له على إجابة...
هل يوجد قطع تزويد إحترافية لمكينة السيفيك 2006 الجديدة؟ بصراحة إنا ودي في Stroker kit أو سوبرتشارجر خفيف Level 1 ....
وإذا في تعديلات أخرى عليها القيمة لا تحرمونا من خبرتكم...

للمعلومية أنا من السعودية وساكن في الرياض، وتسووا في معروف لو تدلوني على محل في الرياض يوفر هالتزويدات.... :)

---

أرجوا المساعدة

تبي الصراحة أخوي

المحلات المتخصصة في التعديل نادرة جداً في السعودية ... و إن وجدت فتعديلاتها لا ترضي الطموح ...

على العموم لو إنك من الشرقية أو جدة كان قدرت أساعدك ...

لكن أعتقد عندكم بالغرابي محلات عبث لكن أكيد تبيع أشيااء عامة مثل البواجي و كذا ...


تبي نصيحتي ...

دور عليها في النت ...

و راح تحصل كل الي تبيه إن شاء الله ...

شوف هذا الموقع يمكن يفيدك : http://www.racerwheel.com/index.html


أتمنى أكون أفدتك

السلام عليكم

مشكور أخي BLK على ردك... ولكن للأسف لم أجد فيه طلبي... ولكن أشكرك مرة أخرى على إهتمامك... :)

وين باقي الشباب ؟؟ يعني بصراحة إذا عندكم ما بحصل طلبي وين بحصله؟؟؟ شكلي راح أهون وأبطل أشتري السيارة....:mad:

أرجوا منكم المساعدة يا أهل الخبرة...

<<< تجيني حرة أشوفك تطلب المساعدة و أنا ساكت :eek:

شوف هذا الموضوع :
http://www.hondaarabia.com/club/showthread.php?t=1181


فيه شوية معلومات عن التزويد ... في السيفيك خصوصاً

اقتباس:

---

<<< تجيني حرة أشوفك تطلب المساعدة و أنا ساكت

---

:) من طيبك وطيب أخلاقك أخوي...

المشكلة أغلب التزويد عالسيفيك القديمة، أنا ودي بتزويدات للجديدة الظاهرة إنها مالها قطع تزويد كثيرة بحكم إن المكينة جديدة...

مشكور أخي مرة أخرى على إهتمامك :)

اخوي السيفيك الجديدة مااتوقع نزل لها قطع تزويد لأنها لسه جديدة بس اتوقع في المستقبل راح تنزل....مثل مانزلوا السيفيك تايب آر و هذي بعض الصور للسيفيك من المنتدى:

http://www.hondaarabia.com/gallery/index.php?id=137

http://www.hondaarabia.com/gallery/index.php?id=140

و اتمنى اني افدتك بشي

يبوي اصبر انت مستعجل تبي سوبر :)

الأغراض الموجودة حاليا بالنت هي فلتر انتيك و كت باك وتوه نازل لها تيربو كت :)

هذي صورة الفلتر ويقولك الموقع انه يزيد 5 أحصنة على الويل :)

http://www.knfilters.com/news/news.aspx?ID=566

http://www.kandn.com/images/l/69-1013TS.jpg


وهذا الكت باك من موقع سوميت سعره 1850 تقريبا مع الشحن :)

http://store.summitracing.com/partde...5&autoview=sku


باقي التيربو بحاول اجيب لك وصلة الموقع حقه :)