الفحمات وحده خلصن ووحده لا والجلنط لك عليه وعلبة الدركسون قامت تهايط :) وخلها على ربك

^

^

^

^

السلام عليكم

بخش سيده ع الموضوع

الفحمات اللي عندي ورى وحده خلصن والثانيه لا .. ثاني مره تصير معي .. وش الحل ؟ وليش صارن تسذا ؟ :d

والشي الثاني وشسموه ذا .، !,, ايه تذكرت
الجلنط هل له وزنيه معينه ؟ مره كنت طفشان وقمت العب بالجلنط انزله وارفعه انزله وارفعه وشكل وزنيته خربت وهو اللي خرب وزنية الفرامل ممكن !!

والشي الثالث:
علبة الدركسون قامت تهايط وتهرب تهريب خفيف .. اللي اعرفه ان سعر اصلاح علبة الدركسون 150 ريال لكن هل هي القطع ؟ ولا شغل اليد مع القطع ؟
بمعنى:
كم شغل اليد ؟ وكم القطع؟ لأني ناوي اسوي لها اصلاح

انتظركم ياحبايب لاتطنشوني هاه :d

مقهووور<<<<< كاتب لك رد فله والنت جاب العيد

المهم ياحبيب قلبي بفيدك بخصوص الجلنط تحت السيارة في سلك تقدر تشد عليه لكن انصحك تروح لميكانيكي يمكن ياخذ عليك 10 ريال والسبب انك لو شديت على الفحمات زيادة راح تحس ان الموتر ثقيل بسبب ان الفحمات مشدودة على الهوب الخلفي :)

بالنسبه لعلبه الدركسون فيه ورشه يمدحها كوكو كورد بالرياض حاول تسير علينا وصلحها

اقتباس:

---

المشاركة الأصلية كتبت بواسطة المباشر

مقهووور<<<<< كاتب لك رد فله والنت جاب العيد

المهم ياحبيب قلبي بفيدك بخصوص الجلنط تحت السيارة في سلك تقدر تشد عليه لكن انصحك تروح لميكانيكي يمكن ياخذ عليك 10 ريال والسبب انك لو شديت على الفحمات زيادة راح تحس ان الموتر ثقيل بسبب ان الفحمات مشدودة على الهوب الخلفي :)

---

ياوجه اللللللللللله
والله تصير لي من جد ازبط هذاك الرد المزركش وبالأخير اظغط زر الخلف ولا النت يطفى وعاد تعال شف الظغط عندي كم يوصل وقتها :d

يعطيك العافيه على الرد .. وكويس خلنا نشوف السلك اللي تقول هذا .. بيّض الله وجهك ياقمر .

اقتباس:

---

المشاركة الأصلية كتبت بواسطة امبراطور الاكورد

بالنسبه لعلبه الدركسون فيه ورشه يمدحها كوكو كورد بالرياض حاول تسير علينا وصلحها

---

من جدك انت يعني ادز للرياض عشان اصلح علبة الدركسون في الورشه اللي يعرفها مصعب !!
لالا شكلك تمزح :d

الأنس نسيت اقولك

الوزن بعد ماتغير الفحمات واذا الهوب يحتاج خرط لا أوصيك

غريبة مشكلة الفحمات !!
كأن وحدة تمسك والثانية لا !!!
الجنلط امرة هين ،، يبيلة وزنة ،،
اصلاح الطرمبة ،، القطع حدود 130 ريال شغل يد في ورشتي <<< صارت حقتي بـ 50 ريال ،، سعر الطرمبة من الوكالة 2800 ريال ! ومن التشليح 600 ريال <<< امس قابلت واحد في ورشتي علية اثار الزعل والقهر والارهاق والطفش وبحكم معنا هوندا سألتة ليش جاي .. عشان الطرمبة ؟ قال :اية كنك داري .. دورت التشليح كلة مالقيت !!! فشريتها من الوكالة بـ 2800 ريال !!

انا سارت معي حركة الفحمات الخلفية وحدة على الآخر والثانية مليانة وسيارتي اكورد 2008 :mad: المهم وديتها الشركة غيروها على الضمان وعملو وزنية بريكات وهذا هو المهم الوزنية

اقتباس:

---

المشاركة الأصلية كتبت بواسطة المباشر

الأنس نسيت اقولك

الوزن بعد ماتغير الفحمات واذا الهوب يحتاج خرط لا أوصيك

---

اوكيك ياكيك :cool:

اقتباس:

---

المشاركة الأصلية كتبت بواسطة كوكو كورد

غريبة مشكلة الفحمات !!

كأن وحدة تمسك والثانية لا !!!
الجنلط امرة هين ،، يبيلة وزنة ،،

اصلاح الطرمبة ،، القطع حدود 130 ريال شغل يد في ورشتي <<< صارت حقتي بـ 50 ريال ،، سعر الطرمبة من الوكالة 2800 ريال ! ومن التشليح 600 ريال <<< امس قابلت واحد في ورشتي علية اثار الزعل والقهر والارهاق والطفش وبحكم معنا هوندا سألتة ليش جاي .. عشان الطرمبة ؟ قال :اية كنك داري .. دورت التشليح كلة مالقيت !!! فشريتها من الوكالة بـ 2800 ريال !!

---

هلا مصعب

ايه فعلاً ،، شكل يبي لها وزن الفرامل لكن الفحمات كم سعرها ؟
والجلنط ان شاء الله سهل
والطرمبه بنسوي لها اصلاح بحول الله وقوته
لاهنت ياقمر .

اقتباس:

---

المشاركة الأصلية كتبت بواسطة يحياتوووو

انا سارت معي حركة الفحمات الخلفية وحدة على الآخر والثانية مليانة وسيارتي اكورد 2008 :mad: المهم وديتها الشركة غيروها على الضمان وعملو وزنية بريكات وهذا هو المهم الوزنية

---

ياهلا بك .. وشكراً لك
يالله نسوي لها وزنيه ونشووووووف

اخوي تقصد علبه زيت الدركسون الي فوق الدينمو ؟

اذا كانت هي الحق و عدلهآ لآن الزيت يقطر حبه حبه و يوصل للدينمو و بعدين تسوي اصلاح للدينمو و علبه الدركسون :d

و كما قآلو الجماعه مسأله الجلنط شد سلك بس ما يبي لهآ شئ ,, :)

و على الفحمات يمكن الي خلصت الهوب تعبان يبي له خراط و خرب لك الفحمات :(

ان شاء الله الشباب يفيدوك ,, و اذا كنت غلطان في شئ اعتذر منك :)

كانت عندنا في سيارة قديمة


حقت الفحمات


عشان تعرف روح مخطط وخذ معاك اي احد من خوياك


وخله يوقف برا


وانت شد على السيارة وبعد ين اكبس فرامل اذا السيارة شتلت على وحدة من الجهات معناتوا هذيك الجهة مشدودة عشان كذا غلقت
والثانية اصلا ما تمسك عشان كذا ما غلقت

اقتباس:

---

المشاركة الأصلية كتبت بواسطة accord 04

اخوي تقصد علبه زيت الدركسون الي فوق الدينمو ؟

اذا كانت هي الحق و عدلهآ لآن الزيت يقطر حبه حبه و يوصل للدينمو و بعدين تسوي اصلاح للدينمو و علبه الدركسون :d

و كما قآلو الجماعه مسأله الجلنط شد سلك بس ما يبي لهآ شئ ,, :)

و على الفحمات يمكن الي خلصت الهوب تعبان يبي له خراط و خرب لك الفحمات :(

ان شاء الله الشباب يفيدوك ,, و اذا كنت غلطان في شئ اعتذر منك :)

---

شاااااااكر ومقدر لك ردك الكريم

اقتباس:

---

المشاركة الأصلية كتبت بواسطة ابو سراج

كانت عندنا في سيارة قديمة


حقت الفحمات


عشان تعرف روح مخطط وخذ معاك اي احد من خوياك


وخله يوقف برا


وانت شد على السيارة وبعد ين اكبس فرامل اذا السيارة شتلت على وحدة من الجهات معناتوا هذيك الجهة مشدودة عشان كذا غلقت
والثانية اصلا ما تمسك عشان كذا ما غلقت

---

اهلين ابوسراج
فعلاً تطبيق ذكي

شكراً من الأعماق .