""تغيير الزيت بالصوور"" للمبتدئين.
السلام عليكم ورحمه الله وبركاته...
اخواني الاعضاء المحترمين..
طبعا اكيد عارفين النصب اللي صاير في اسعار زيوت السيارات..وكل بنشر يضرب السعر من راسه (( لاحظتها كثير))..
ففكرت شويتين..وقلت ليش ماتغير انت بنفسك الزيت.
كلها كرتون زيت وكل ما مسكت معاك تغير زيت توكل على الله..ولا اشيل هم مشوارالبنشر والزحمه والخرابيط هذا..
وفعلا بيني وبينكم ترى كلها عفريته و مفك وحبه 17 وسطل تجمع فيه الزيت وقمع تصب فيه الزيت الجديد..وانتهينا والشغله كلها ما تاخذ يمكن 20 دقيقه..
طيب بسم الله..
اول شي متى تغير الزيت..؟؟
في ناس تقول كل 3000 وناس كل 2500 وناس كل 5000 وعلى حسب..
لكن الافضل انك تشيك على الزيت اللي عندك..
يعني ::
1- لزوجه الزيت (( خذ عينه من الزيت حطها بين الابهام والسبابه وباعد بينهم ببطء شديد اذا شفت الزيت رايح معاك ما انقطع فاعرف ان لزوجته كويسه لكن اذا شفت الزيت انقطع معاك فلزوجته غير مناسبه جدا..))
2- اذا في الزيت براده حديد (( رايش)) فاعرف ان الزيت ما يوديء مفعوله ويبغاله تغيير.
3- اذا الزيت قلب لونه اسود وحالته حاله.
طيب نرجع كذا لموضوعنا.
هذي السياره اللي راح نغير لها الزيت (( سيفك كوبيه))
اول شي تسويه ..
ارفع السياره بالعفريته من جهه السواق علشان تقدر توصل للصره .
وياريت لو تثبت اي شي يمسك السياره علشان ما تطيح عليك وانت في عز شغلك..
"" طبعا انا مفكفك الدنيا علشان عندي كم شغله فيها خخ""
http://i255.photobucket.com/albums/h...1012006088.jpg
هذي علب زيت هوندا vtec المصونه والمفك المحترم+حبه 17.
http://i255.photobucket.com/albums/h...1012006094.jpg
وهذي صاموله صره الزيت او الكارتير او oil pan
http://i255.photobucket.com/albums/h...1012006092.jpg
اووبس:( ..من زمان ما قد نزلت تحت السياره والنتيجه العكوس الاثنين يبغالهم جلد..
http://i255.photobucket.com/albums/h...1012006093.jpg
اووكيه فكينا الصره والحمد لله وهذا هو الزيت الخارج من الصره
http://i255.photobucket.com/albums/h...1012006096.jpg
................................................
اوكيه الحين بعد ما تتأكد ان الزيت كله خرج من الصره.ركب الصاموله وقفل الصره .
وحط القمع وعبي زيت وانت مرتاح.
اما بالنسبه كم علبه زيت..؟؟
هذا يعتمد عليك انت..
فيه ناس تحط اربع علب واذا غير الفلتر يحط كمان نص علبه يعني 4 ونص مع الفلتر..
عن نفسي احط 3ونص, واربع اذا جيت اغير الفلتر..
اما ن تغييره الفلتر..
فهذي ان معتمدها من زمان بعد كل تغييرتين زيت اغير الفلتر..
بعدين لا تنسون تقيسون مستوى الزيت ..
وبعد مره ثانيه بعد ما تشغل السياره ب 5 دقايق اقل شي..
وبكذا نكون غيرنا زيت للهوندا وريحنا انفسنا من هبال البناشر..
.
