اسعار بعض شركات تضليل عازل للحرارهـ وابغى رائيكم

السلام عليكم ورحمة الله وبركاته

اخواني ابغى اضلل السياره عازل للحرارهـ ورحت اليوم لـ درايف 7 وقال لي لاني عندي تخفيض من الوكاله راح يضلل السياره كامله مع حماية الأنوار الأماميه والكشفات فقط بسعر 1650 ريال

ورحت شركة SOLAR CONTROL وعندهم عرض خصم 40% وعندي كمان عرض خصم من هوندا تضليل كامل للسياره وتلبيس الدعاسات بسعر 1200 ريال شامل تخفيضهم وتخفيض الوكاله بس الصراحه شغلهم ماعجبني

ورحت كمان لزيبارت وقالي سعر التضليل 2300 ومع تخفيض الوكاله 2000 ريال كامل للسياره


وعندي كمان تخفيض من الوكاله لشركة CAR CARE بس مارحت لهم باقي :d

ايش افضل شركة برئيكم :confused:

زيبارت غالي جدا والشركتين الثانية ما عندي خبرة بشغلهم
نصيحة مجرب
عازل حراري من لومار بـ1450 ريال
ضمان 10 سنوات

( تظليل بارخص الاسعار 40 ريال وعلى كيفك )

( تضليل جونسن تنصحون فيه )

( مواصفات واسعار لشركات العزل الحراري )

انا ضللت من شركة V-kool

بـ 1650

كامل السيارة مع التنده

بضمان 5 سنوات

الافضل من ناحيتي في كول ..

1650 الزجاجات السته مع الفتحهـ ..

وبعدها لومار ودرايف 7 ..


انت ورايك .. لكن انا مجربها وجلد موتري والله فرررق السماء عن الارض :) ..

والله انا مثلك جالس افكر الحين وش اظلل مادري سولار قارد احس سعره مناسب وضمان 10 سنوات وخدمات مجانيه يعني تظليل + حماية الجلد والطبلون + عازل على الانوار + مانع للصدأ اسفل السياره + حمايه للبدي من الخدوش ب 1700 ريال انشالله السبت باودي السياره

حتى أنا توي مطلع السيارة جديدة وأبغى أسوي حماية للسيارة وسعر سولار قارد مره حلوه بس ممكن تقولي وين موقعه وايش رايكم فيه ياشباب وفيه احد مجربه ؟

motor cool بـ700 ريال وضمان 5 سنوات
ويخفض نسبة الحرارة من 60% الى 90%

اخوي اللقماني
وين Motor Cool
موجود في الشرقيه؟

جونسون وبس

انا والله للاسف ما عندي خلفيه عن تظاليل

حدي اقرب محل زينه وظلل .. صراحه راحه هع هع هع :o

بس والله كنت من زمان افكر بس الاسعار متفاوته شوي ومتردد من الزين و الشين

بس انشالله اخوي Aoccrd 2009 v6 انا معك في التظليل الشركه ..

بس انشالله الي جرب يعلوني ونروح ..

<<< مسوي يمون على الرجال :unsure:

انا والله للاسف ما عندي خلفيه عن تظاليل

حدي اقرب محل زينه وظلل .. صراحه راحه هع هع هع :o

بس والله كنت من زمان افكر بس الاسعار متفاوته شوي ومتردد من الزين و الشين

بس انشالله اخوي انا معك في التظليل الشركه لا بصراحه الي نشوفه حامي مع عازل مع تظليل كويس .

بس انشالله الي جرب يعلومومت ونروح ..

<<< مسوي يمون على الرجال :unsure:

يوم طلعت سيارتي عطوني عرض سولر قارد الي بـ 1700 هذا وعطوني زيبارت وفي كول

وظللت لومار صدقني تظليل ولا اروع ونسبة عزل عاليه واسعار ممتازه

زيبارت ماجربته لكن سئلتهم عن نسب العزل طلعت لومار اكثر

في كول في سيارة الوالد وبعد ممتاز بس اسعاره غاليه

جرب لومار وبتدعيلي

ولاتغرك العروض

وبعدين من قالكم ان السياره بتطلع من المصنع ومو حاطين عليها مانع صدا وحماية بدي وحماية طبلون يعني شغل العروض كلها تسحيب على الفاضي

وحماية الوجهيه اذا منت حق خطوط ركب على الاسطبات والكشافات فقط

:)

انا سويت تضليل للسيارة كامله اكورد 2009 مع حماية الانوار والكشفات لومار(طريق الملك عبدالعزيز) قبل اسبوع 1250 ريال والصراحة ممتازين
وانصحك لا تسوي حماية للكبوت لانه يطير لمعة السيارة

اممم موضوعك حلو اخوي انا بعد مثلك محتار

انا والله امس كنت في محل في كول اللي في الاحساء سألته عن التظليل قلي كل السيارة ماعدا الزجاج الامامي ب 1600 ريال

انا اشوف والله غالي بس يمدحوه بس ما ادري للناس اللي جربت سولر قارد هل تظليله مناسب وهل المحل في فرع له بالاحساء

ياريت فيديوووووووووونا

بكره ان شاء الله بروح للومار واعتقد انه رايح يكون التضليل من عندهم لان كثير يمدحونهم واسعارهم حلوهـ

و اوافيكم باخر الاخبار:d

انا سويت تظليل عند....car care يوم العرض بـــ1300 ريال تظليل كامل السيارة وخدمات مجانية رائعة.........

معقوله في كول يحسب لك القزازه الاماميه ب50ريال فقط

لان من كلامكم واحد يقول في كول كل السياره ماعدا القزاز الامامي ب1600
والي يقول القزاز الامامي ب1650

وهل في كوول موحد للسعر في المملكه

طيب شباب الحين رايكم وين اوديها السياره ؟؟؟

انا ركبت جونسون ب 1600 ريال مع ضمان 4 سنوات وماشي معايا زي العسل:cool:

ههههههههاي
انا سويت حرركه هههههههههههاي
رحت لمحل عادي حق زينه وظللت تظليله عاديه بس عازل حراري المهم
بعدها رحت لمحل بالغرابي حق ستيكرات يعني لو تطلب منه اي ستيكر هو يسويه لك عالكمبيوتر
انا طلبت منه ثلاث ستيكرات زيبارت ههههههههههاي وحطيتها على سيارتي
وكل من شافني يقول كاثره فلووسك مظلل زيبارت ما درا انها ما كلفتني 100 ريال هههههههههههه
تقبلو مروري

اللي يبي يظلل كامل السياره بـ 1400 ريال عند كاركير يقولي :d

السلام عليكم

انصحك في سولر جارد عجيب تضليله ويعطي منظر رووعه

يا (المسافر).........نعم انا مظلل عند car care ئ1300 ريال مع تلميع داخلي + حماية خارجية؟طبع أتكلم عن فرع الرياض

انصحك بلومار انا مظلل من عندهم شغل روعه +10سنوات ضمان وخدمتهم روووووووووعه.. رحلتهم بعد التظليل يمكن بشهر وكان فيه مخش بالقزاز اليمين وكلمتهم وغيروها لي على طول وعلى حسابهم..

انا مجرب لومار بس الخلفيه ب 250

ظلل عند ابو هناد بـ 50 ريال

:cool:

من الي قال ان لومار تضلل بـ 1400 ريال ؟؟

اخوي قبل اسبوعين مضلل عندهم بـ 900 ريال لان معه بطاقة جامعية يعني يازين الرخص جب لك واحد معه بطاقة جامعية وينزلون لك عن السعر العادي:d

لاتنسون تدعولي بس

انا اقولك
((في كوول))

الأخ العزيز
رايح لـ رابح http://www.hondaarabia.com/club/imag...er_offline.gif
A C O O R D 2 0 0 8
لو تكرمت وين موقع شركة لومار
وهل لا بد حجز وكم رقم الاتصال بهم
وتذكر بأن هناك أشخاص يشكرونك
وتقبل تحياتي ( أبو لميس toty700@hotmail.com )

خلك على درايف 7 انا مجربهم في جمس الوالد ماشاء الله ضمان 10 سنين

أنا أرى إن لومار تعتبر من الشركات العملاقه كـ زيبارت وفي كول و اثري إم ودرايف سفن

لكن تبي نصيحتي إختر لومار لأن سعرهم مقبول جداً وأنا متأكد إنهم يعطونك أقل من 1400

وبيظللك كامل السياره مع الفتحه مع الأنوار الأماميه

وبالتوفيق إن شالله ..

لومار موقعهم على شارع الستين

يعني وأنت جاي من الشمال تعال مع الملك عبدالعزيز وخل المطار القديم على يسارك

بيجيك دوار حق القاعده الجويه الظاهر

بعدين خذ الدوار علطول مع شارع الستين لاتلف يمين مع الملك عبدالعزيز

بعدين بيجيك اشاره ثلاثيه بعدها بيجيك اشارة كوبري خريص

قبل اشارة خريص بتحصل عاليمين عماره تحصل محل لومار

وإذا كنت جاي من الجنوب وماسك شارع الستين الملز اطلع شمال لمايجيك كوبري خريص بعد كوبري خريص بيجيك عاليسار ..

تبغى النصيحة

روح و ضلل جونسون .. نصيحة مجرب

بصراحه ... سولار قارد .. فاشل بس يعطي للسياره نظره رووووعه ... انا مجربه بسيارتي ... بس نسبة العزل مو مثل لومار .. عشان كذا لا ترووووح لهم ...مجرد نصيحه...

طيب اخوي king aboodi هل تنصحني بشركه الي مظلل عندهم لاني امس كنت عندهم وقالي بـ 1600 ريال نظليل السياره كامله 01 والشمعات والكشفات وحمايه داخليه وخارجيه وضمانهم 7 سنوات ويقول لو فكها لك المرور هات القسيمه ونظللك مجاناً بصراحه عرضهم حلو بس متخوف من جودتهم ونسبت العزل عندهم 50% ..

ابي نصيحتكم ...

اقتباس:

---

المشاركة الأصلية كتبت بواسطة lonly style

والله انا مثلك جالس افكر الحين وش اظلل مادري سولار قارد احس سعره مناسب وضمان 10 سنوات وخدمات مجانيه يعني تظليل + حماية الجلد والطبلون + عازل على الانوار + مانع للصدأ اسفل السياره + حمايه للبدي من الخدوش ب 1700 ريال انشالله السبت باودي السياره

---

شوقتنا يا شيخ
هل لهم موقع بالرياض؟؟؟؟

اقتباس:

---

المشاركة الأصلية كتبت بواسطة king aboodi

يا (المسافر).........نعم انا مظلل عند car care ئ1300 ريال مع تلميع داخلي + حماية خارجية؟طبع أتكلم عن فرع الرياض

---

وين فرعهم بالرياض ؟

v-cool
لي اكثر من سنه
وماعليه كلام

كلفني 1250 ريال كامل السياره مع التنده