عرض للطباعة
السلام عليكم ورحمة الله وبركاته
ناوي اركب مسجل ورحت لعبد الله هاشم قال ب 1800 ريال مع التركيب وضمان
رحت لمحلات الزينة لقيت الديكور + مسجل سوني+ كت آوت ب 490 ريال وخايف ما يضبطونه
واحد من الشباب قال اصبر اشوف لك بالرياض يمكن القى لك مسجل اصلي وديكور اصلي ب 800 ريال
صراحة انا محتار وابي نصايحكم وارجو تسرعون بالرد لأني بسافر
سيارتي 2004 سياحي
السلام عليكم
اولاً وش رايك بسرعة الرد :) :)
المسجل الكاست تحصله عند الحوشاني في الغرابي
السعر ماادري لاني مبطي عنه بس تراه ارخص من الوكالة بكثير
ولاتركب مسجل غير حق الوكالة الا اذا مسجل الوكالة ماعجبك ابدا زي حالتي
اما سالفة الكتاوت فيها تقطيع اسلاك ومالها داعي ابدا
تحياتي
محمد
ما شاء الله عليك اخوي محمد الله يجزاك خير
ممكن توضح لي عيوب مسجل الوكالة
ورفع الله درجاتك
ياااعمي انا مركب مسجل الوكاله والله العضيم صح هوو سعره غاللي 1800 ريااال لاكن ميه ميه في الاستخدام ..
وبعدين اذا شريته من الوكااله لاتركبه عندهم بيتاخر روح ركبه برا باربعين ريااال ..
ولا تقطيع ولا شي .
اقتباس:
المشاركة الأصلية كتبت بواسطة عاشق برشلونه
اخوي عاشق برشلونه ياليت تعلمنا اسم المحل الله لايهينك
والله اشوف 1800 غالي خصوصا انه يوجد مسجلات ارخص وافضل
السلام عليكم
مسجل الوكالة مايشغل سيديات Mp3
المهم
مسجل الوكالة ابو 1800
مثل ماقلت موجود عند الحوشاني في الغرابي وارخص
وميزتة تنك تقدر تتحكم به وتشغله من خلال مسجل الوكالة
وسعر فيه وينااسب الديكور
بالتوفيق
هل تقصدو السي دي
^^^^^^^^^ كاست
اشكر الجميع على التفاعل
وقد تهورت وركبت مسجل نوع كينوود + درج الوكالة+كتاوت
صحيح انه جرح الأسلاك بس شغله كان مضبوط
وصحيح ان المسجل تحكمه لحاله والسيدي لحاله
لكن صراحة ضبط مع الديكور
شكر لكم
اقتباس:
المشاركة الأصلية كتبت بواسطة شمالي موت
اخوي شمالي ياليت تكمل تهورك وتنزلنا صورة المسجل وهو راكب بالموتر :d
غالي والطلب رخيصاقتباس:
المشاركة الأصلية كتبت بواسطة اتش
اقتباس:
المشاركة الأصلية كتبت بواسطة شمالي موت
تسلم لي يالغالي :)
مركب مسجل الكاسيت نفس حق الوكالة100%له سنتين ونصف زي الحلاوة قولوا ماشاءالله ب950 ريال مع التركيب من الغرابي مأذكر أسم المحل بس أنقهرة يوم ركبة( انه فيه سلك مركوز في مكان وفية كلبس وجاهز على طول شبكة وأشتغل المسجل يعني مجهزله من زمان) ونفس القاعدة حق الدرج مع بعض التعديلات ركب المسجل يعني لاتقطيع أسلاك ولا ترهيم أفياس والتحكم في المسجل من لوحة التكحم فوق حق الراديوا بس الموجود فتحة الكاسيت أتوقع سرقة وضوح الشمس للمعلومية فترة التركيب لم تتجاوز25دقيقة...!!
اقتباس:
المشاركة الأصلية كتبت بواسطة اتش
حياااااااااااك الله عزيزي تبي تعرف اسم المحل >>>
هو اسمه عالم الالكترونياات >>> في شارع الامير سلطان بن سلمان >> بعد محلات الزينه على طول >>
المحل عليه دعااايات لسمااعات سوني >> اللي يركب اسمه أمين برماوي :d
اقتباس:
المشاركة الأصلية كتبت بواسطة عاشق برشلونه
يعطيك العافيه حبيبي :)
والرجال شكلة امين على اسمه واسعاره مرررره حلوه :d
طيب شباب ابي محل في الدمام لتركيب المسجل وانا دخل في راسي اني اركب واحد
اقتباس:
المشاركة الأصلية كتبت بواسطة اكورد846
ياعزيزي ركب بس ركب مسجل وكاله نصيحه مني اليك !!
أما في الدمام والله معرف ؟؟ لاكن أعرف في الثقبه محلات اكترونيات طيبه وجيده في الاسعار ؟؟
ولا تخاف ترى ما يحتاج له فلسفه تركيب مسجل الوكاله ما يخذ من العامل ولا نصف ساعه !!:cool:
ياعمي ركبلك مسجل من الزينه
أنا مركب واحد وماشي زي العسل
1800 ريال على مسجل حتى لو كان وكالة هذا جنون صراحة خصوصا وان مسجل الوكالة مواصفاتة ولاشي ..
خذ لك اي مسجل معروف افضل لك بمليون مرة وهالسعر تقدر تشتري مسجل مع شاشة بعد
يا أخوي
مسجل الوكالة 500 كثير عليه والله ..
وإذا على التحكم خذ قصتي ..
لما بغيت أركب مسجل الوكالة لقيته غالي .. وبصراحة كمواصفات ما يستاهل 500 ريال .. حتى لو كان وكالة .. لأن جودته أعتقد ما راح تكون أحسن من السي دي الأصلي اللي كل سنة أو سنتين وهي متعطل .. بعكس أجهزة الصوت الثانية ..
قلت خلني أشوف حلول محلات الزينة ..
لقيت عندهم الدرج اللي يركب فيه المسجل بـ 100 ريال .. وتاخذ لك أفخر مسجل يركب على الفتحة تمام التمام ما يزيد عن 450 ريال اللي هو سوني اللي يركب عليه الآيبوود وتقدر تحط له في الشنطة سي دي تشنجر 12 أسطوانة مو 6 ..
بالنسبة للدرج والله ما يختلف عن اللي في الوكالة .. الوكالة تقول بـ 400 ريال وطلبية :mad: وبرا بـ 100 ريال ومتوفر ..
نجي للتركيب
توفقت في كهربائي محترف .. قلت له أبغاه يصير مثل مسجل الوكالة .. يعني إذا كان السيدي شغال وشغلت المسجل يفصل معاي السي دي .. ولما أطفي المسجل يرجع السي دي يشتغل .. والعكس .. لا وشرطت عليه حتى الراديو حق السوني إذا اشتغل يفصل راديو الوكالة ..
أخذ عليه 200 ريال ..
لكن الآن ما يفرق عن حق الوكالة شيء إلا إنه سوني ..
للمعلومية .. تلقى نوع من سوني .. يتطابق تماماً مع ديكور السيارة .. بشاشة بيضاء مثل لون الطبلون وشاشة السي دي .. ومفاتيح لونها أحمر وأخضر .. يعني لو تشوفه أجمل من الأصلي ..
والصوت ما يعلى عليه ..
يا رجل الراديو الأصلي لماتشغل الإف إم تحسه عادي .. لكن مع السوني والله تقول في حفلة ..
يعني المسجل كلفني ..
450 ريال كقيمة + 100 درج + 200 تركيب مضبوط مثل شغل الوكالة = 750 ريال ..
يعني إحسبها في التوفير كم ..
واللي يقول لك ترهيم وتقطيع أسلاك وما أعرف إيش ..
صار الترهيم في المسجل حرام ويخرب السيارة والترهيم في الزنون وكشافات الضباب والتحكم في السيدي من الدريكسون ما يحتاج ولا يخرب :confused:
يبوي الآن ما عاد فيه تقطيع وتلصيق
قل للكهربائي الله لا يهينك استخدم مكينة اللحام وانت رجال ..
ما دمر جيوبنا إلا تسويق الوكالة لقضية لا تقص اسلاك ولا تلصق ..
طيب حطوا سعر المسجل معقول .. مو خرافي ..
طولت كثير .. فاعذروني ..
عاشق برشلونه
عطني المحل اللي بالثقبه ووصفه
والسعر اذا ممكن
صغر حجم التوقيع لو سمحت :)
922