بسم الله الرحمن الرحيم
السلام عليكم و رحمة الله و بركاته , و بعد ...
أخواني , من زمان عنكم . و لكم وحشة و الله :) .
من زمان ما تجمعنا و من زمان ما طقيناها سواليف و مقاومات , من زمان على الآيس بلندد و من زمان على التحشير :d . و أشياء ثانية و جنان كثيير كنا نسويه .
و بمناسبة انتهاء الاختبارات و من باب السؤال و الاطمئنان على بعضنا قررنا أنا و الشباب إننا نسوي لكم تجمع بعد نهاية الاختبارات ;) .
هذا الخميس إنشالله 24/2/1430 هـ , الموافق 19/2/2009 م .
المكان :
التجمع إلى الآن أنا ما حددت مكانه , قلت أوتومول بس الشباب ما يبغوا , يقولوا راح نجلس مع نفسنا و ماراح نقابل أحد و لا أحد راح يشوفنا , قلنا آية مول بس ما لقيت تقبل للفكرة من البعض .
و أنا لما بأختار المكان بأحط في بالي 3 أشياء :
1- البعد عن الدوريات و عن التفاتيش و حتى لو في تفاتيش أنا مجهز طرق خلفية نقدر نفقع منها .
2- نحتاج مكان واسع عشان يتناسب مع العدد و مكان جيد للتصوير .
3- الحفر و المطبات , بأحاول أبعد عنها بقدر المستطاع لأن عندنا ناس تحب الأرض .
أعطونا آرائكم بخصوص المكان , و إللي عنده مكان محدد لا يبخل علينا . تبون الكورنيش أو أبحر ما عندي مانع , الممشى برضو ممتاز لكن الدوريات هناك دائما تمشي وراح نجيب لنفسنا شبهة . و دائما يغيروا مكان التفتيش بالممشى فماراح نقدر نحدد مكان وقوفنا .
فكرت في جدة ريس واي خصوصا إن يوم الخميس يوافق يوم الأوتوكروس هناك . لكنهم يتأخروا دائما و ما هم ملتزمين بمواعيدهم . و حتى فكرت كمان في خط الكباين لقيت إنو خيار سيء بسبب الحادث الشهير إللي صار هناك من كم سنة و صار هذاك الخط موضع شبهة , فأستبعدته .
التحلية و خصوصا الفتيحي راح يكون مكشوف للدوريات و غير كدا لو أتأخرنا راح يطير علينا المكان و يصير التجمع بايخ .
خليج سلمان , كيف ؟ و الله أشوف إنو مكان جيد و محد راح يضايقنا فيه و إذا على سالفة السيارات مو مشكلة نوقفها عند المسجد و ننزل بكم سيارة بس :rolleyes: .
كيف المحرقة و لا خط البورشات أو الخط المظلم ؟ <<<< مبلوف و متفلت :d .
أعطونا اقتراحاتكم و آرائكم بخصوص مكان التجمع , و إنشالله بندرسها كلها و نشوف المناسب للكل و نحدد مكان وسط لنا كلنا .
الموعد :
بعد صلاة العصر أو بعد صلاة العشاء , إللي تبون . بس أنا أشوف بعد العصر أحسن عشان التصوير يكون أفضل و محد يتأخر و نسوي مسيرة حلوة و نقدر نصورها و ننزلها هنا .
و لو حددنا خليج سلمان يصير لازم نطلع العصر .
و حتى في واحد من الشباب معنا هنا بالمنتدى أعتقد إنه نزل من الرياض و بنسوي له مفاجأة و هي هذا التجمع , و إنشالله بيكون ضيف شرف علينا . و ينبسط معانا . بس هو مسوي ثقيل و ما يبغى يتصل :mad: . <<<< حس على دمك يا بو الشباب مسوي تتغلى :p .
تحياتي لكم
أخوكم : خـــالـــد .
