قلب الاكورد اصبح حديد لعمر مـــــــــــــــــــــــديد
الشباب اللي معهم اكورد 2003 ( وما فوق ) وتكون مكينتها 4سلندر اقولهم ترى مكاينكم مايحتاج تغيرولها سير التيمن والسبب في ذلك اعتراض مصنع هوندا على فك المكينه كل 70000 لتغيير سير التيمن المصنوع من البلاستيك او الربل (ويلوموني في الهوندا) كما هو حاصل في موديلات الاكورد من 2002 (وانت نازل) .طبعآ بعد اجتماع طويل الآمد بين علماء هوندا اتفقوا على انهم يحطون سير تيمن حديد بدل البلاستيك لسيارات الاكورد الـ 4 سلندر فقط ( الـ 6سلندر ياشباب مازال بلا ستيك أو ربل يعني يحتاجله تغيير ولا حد يقولي ليه ماغيروا حق الـ 6 سلندر لاني بصراحه ماادري :confused: ) عشان من اليوم ورايح مايجيك هندي في الصناعيه ويحوسلك ام المكينه عشان يغيرلك سير تيمن مايسوى حتى 100 ريال :mad: وعشان يوفرون فلوسنا ووقتنا .( شفتوا الحنان اش يسوي ياناس ;) هوندا حساسة حتى على مكاينها :) ماتبي احد يلعب فيها أو يلمسها أو حتى يضايقها :d )فوايد السير الحديد هي : (عمر افتراضي اطول) ( مايحتاج صيانه ولا تغيير ) (مافي امل انه ينقطع عليك ) ( افضل للمكينه من السير البلاستيك) ( طبعآ العيب الوحيد والبسيط للسير الحديد ) هو انه صوت المكينة بيكون مزعج شوي :( عن السير البلاستيك ويمكن اكثر الشباب لاحظ ان صوت مكينة الاكورد الجديده مرتفع اكثر من الموديلات القديمه عمومآ اذا عرف السبب بطل العجب .
ولتخفيض الصوت العالي للمكينه؟ قام مهندسوا هوندا بوضع عازل صوت لخفض وتقليل الضجيج . وفي الختام لايلعبون عليكم ورش الصناعيه ويخلونكم تغيرون السير بعد 70000 أو حتى بعد 100000 كل مصانع السيارات حول العالم شعارهم الربح السريع ومصالحهم فوووق الزبائن الاهــــــــــــــوندا زباينها هم اكبر همها تبذل كل مافي وسعها لضمان جودة منتجاتها ومحركاتها وبأقل التكاليف وكذلك تخفيض الأعطال والصيانة الا أقل الحدود .
