طلب - محل تنجيد مراتب في الرياض

تحية طيبة
لدي اكورد 2008 ابي افضـل محـل في الريـاض يلبس المراتب مخمـــل
رجاائي الخااااااااااااص دلووووووووووووووووووووووووووني على افضل محل بكل امانـه وخبرة وبدون دعااااية
وكذلك تلبس الارضيات بلاستيك
تحياتي بارك الله فيكـم
مراتبي مخمـل ،، سبب التلبيس للحفــاظ عليهاااا

هلا بيك اخوي saud1212

اول حاجه سيارتك مخمل والا جلد ؟؟ وياليت تقول لنا سبب تلبيسك للمراتب عشان نستفيد :)

ثاني حاجه عندك محلات السماعيل بالغرابي مضبوطين بشغلهم ومشهورين بهذا المجال وان شاءالله بيعجبك شغلهم بس قبل لاتسوي اي شي روح لهم بالمحل وشوف السيارات اللي يسوونها عشان تقتنع اكثر

وبالتوفيق اخوي :cool:

انا مثل ماقال اخوي fantastic man
اقول محل السماعيل في الغرابي

الكثيري اسمع كثير من الشباب يمدحونهـ ..

منهم المشرف كوكورد عن تجربته الخاصهـ ..

ياكثر محلات التنجيد في الغرابي رح وشف واسال
بس على كثر ما اسمع ان السماعيل والامبراطور شغلهم طيب

اشكركم جميعاااااا

مراتبي مخمـل ،، سبب التلبيس للحفــاظ عليهاااا

شف عندك محل الاسماعيل يلبس الارضية شغله اوكيه

السلام عليكم
كيف الحال شباب
مع الاعتذار للشباب شفت كلكم تمدحون السماعيل وانا صراحه ضدكم
لاني صلحت عنده سيارات كثيره ولا صلحها زين لا في شد المراتب ولا الارضيه ولا حتى يعطيك ضمان
بس انا انصحك في محل في الغرابي اسمه (العذار ) بجنب محل السماعيل للتفصيل والمحل مشهور ويعطيك عليه ضمان سنتين وانا جربته في الجلد والمخمل والارضيه
لا احد يحسب انه دعاايه للمحل ولا معرفه له بس مجرد تجربه وانشاء الله يعجبكم

امممممم من رآيي الشخصي مثل مآقآلك الآخ إللي فوق آبعد عن السمآعيل [ الفآشل ] .. حرآم تلبس عندهم آكورد 2008 يكفيك نظآمهم الخآيس المسآند لصقه مو تخييط :mad:

غير كذآ برصوآ آوآفق الرآي في شد المرآتب لك عليهـآ ..

وانصحك بالعذآر مثل مآوضح لك <~ آشك في صحة الإسم يـآ أ أ ب 5566 :d

العذآر - آو العذرآء ..

وإن شآء الله افدتك باللي عندي ~

اهلين شباب ...
انا معي اكورد 2007 وركبت عليها من الاسماعيل جلد الماني وبخمس مية ريال وبصراحه شغلهم مدري وش اقولك
بس كل من شافها يقول حلوه كنها وكاله
مو وكاله وكاله بس يعني حلو شغلهم
بس زي ما تفضلو الشباب عندي مشكله بالشد
لما تشوف الحين مرتبة السواق تحصل نفس القماش الجلد المقعد مو حق الظهر لا الي تقعد عليه المهم
تلقاه متعفط وعلى بعض
بس اذا صارت معك هالمشكله تروح لمهم وعلى الضمان يشده لك وانت واقف
وبس:rolleyes:

إذا بتنجد نجد جلد ولا لا تلبس السياره مخمل
اذا صدق تبي تحافظ عليها لمعها من داخل كل سنه مره ويادار مادخلك شر
التنجيد بالرياض الـــــــــــــــــكثيري أنا شايف شغله بأم عيني حلو ورايق
السمـــــاعيل اذا معك كابرس 86 تقدر تروحله بالعكس انصحك فيه.