وش رايكم بزيت موبيل ون للكورد

السلام عليكم

انا نفسي اركب زيت موبيل ون وافتك من وجع الراس لني دايم اغير زيت ابو 5000 مع السيفون ودايم اطلع خطوط وراعي سرعه 160 وبعض الاحيان 180 وابغى زيت يستحمل ويريح المكينه وانا رحت للوكاله ولقيت عندهم زيت نفس موبيل ون يمشي عشر الاف يغيرونه 250 ريال قلت هزلت ياعبدالله هاشم واروح لمحل ابو يمن واسئل عن علبة موبيل ون وطلعة العلبه بثلاثين يعني كله مع السيفون 140 فرق ميه وعشر ريال عن سعر الوكاله ونفس الزيت فا وش رايكم بموبيل ون ودرجة لزوجته اربعين بالشتا والصيف لزوجه وحده ما تتغير

ويالليت تفيدوني عن فلتر الزيت هو نفسه والا يجي فلتر اقوى من الفلتر حق السياره يستحمل امشي عليه عشر الاف


تحياتي اكورد 2006

اخوي اذا تبي زيت ممتاز ويتحمل 5000 كلم

زيت برقان اكسترا انا دايما استخدمه وامشي فيه على سرعات عاليه

وعلى الفكره الزيت صناعه كويتيه

اخوي اكورد2006 موبيل 1 افضل زيت تم تصنيعة في العالم ويوجد منه نوع متطور جدآ لكنه للاسف موجود فقط في الاسواق الامريكيه ماتغيره الى كل 25000 كلم.
اما بنسبه لموبيل 1 الموجود في دول الخليج العربي فقد كان يصنع في فرنسا ثم تم نقل المصنع الى دولة مصر .
انا عن نفسي جربت الفرنسي والمصري(ارجوكم لاتفهموني غلط :cool:) ابصراحه الزيت المصري افضل بكثير وحاصل على شهادة الايزو العالميه للجودة9002 واستخدمه منذ فتره وعلى جميع سيارات افراد عائلتي وكذلك على سيارتي الاكورد وما أغير الزيت لسيارتي الى كل 10000كلم مع السيفون والحمد لله لي 3 سنوات وانا استخدمه وعمري مااشتكيت منه او حتى نقص الزيت في المكينه واذا تبغى توفر على نفسك انصحك تاخذلك بالكرتون من محلات الجملة بيطلع عليك الكرتون ياطويل العمر ب250 ريال سعودي وفيه 12 علبه يعني العلبه يطلع سعرها تقريبآ 21 ريال وكل مابغيت تغير زيت خذلك 4 علب من بيتكم وخذلك سيفون من الوكاله ورح لاقرب مشحمه خله يغيرلك الزيت والسيفون وبعشره ريال بس خلك على راس العامل لايروح يغير زيتك بزيت ثاني ثمن تروح مكينتك في 60 مليون داهيه :eek:
صدقني موبيل1 اوفرلك وافضل لمكينة سيارتك من الزيوت العاديه.
نصيحتي الاخيره لك انتبه..انتبه..انتبه تمشي على الزيت هذا اكثر من10000 كلم الزيت هذا مخصص فقط ليستخدم لمسافة 10000 كلم في الصيف وفي الشتاء .

اتش كفى و وفى

و ازيد على كلامه ان شركة موبيل ما تنصح باستخدامه للسيارات

اللي ماشيه اقل 20 الف كيلو

و بالتوفيق ان شاء الله

اتش مشالله ماخليت شي لشباب يقولونه:) كفيت ووفيت وماقصرت يالغالي وردك اسعد احوالي

accord 06.....Acc شاكر لكم على اهتمامكم

اقتباس:

---

المشاركة الأصلية كتبت بواسطة accord 06

اتش كفى و وفى

و ازيد على كلامه ان شركة موبيل ما تنصح باستخدامه للسيارات

اللي ماشيه اقل 20 الف كيلو

و بالتوفيق ان شاء الله

---

عزيزي ممكن تقولي وش السبب

ثاني شئ اشوف اسعار تغير الزيت الي تقولون غاليه
الي اعرفه ان قيمة العلبة 8 ريال

اخوي HONDA 888 خبرك عتيق اقل زيت الان ب12 ريال وبعضها وصل 13 ريال وحيوصل 14 ريال بعد فترة انت الظاهر تقصد ب8ريال زيت موبيل ابو علبة زرقاء حق السيارات القديمة أو الي تهرب زيت .

اقتباس:

---

المشاركة الأصلية كتبت بواسطة HONDA 888

عزيزي ممكن تقولي وش السبب

ثاني شئ اشوف اسعار تغير الزيت الي تقولون غاليه
الي اعرفه ان قيمة العلبة 8 ريال

---

ما ادري عن السبب :rolleyes:

لكن اذكر قريت هالكلام بموقعهم