عرض للطباعة
أستخدم باستمرار في جير سيارتي الأوتماتيك الغيار ( d ) فقط في الشارع الغير مسفلت والشارع المعبد ، ولكني سمعت أحد الأخوة أن الأفضل أن أغير باستمرار في إستخدام الغيارات المختلفة فمرة أضعها في d3 أو في 2 إذا كان المكان به رمل كثير أو شارع غير مسفلت قابل للتغريز . فما رأيكم ؟ هل الأفضل أن أستخدم غيار واحد فقط d أو أغير بين الغيارات المختلفه في الأماكن الغير مسفلته .
عجييييب اول واحد ارد :d
فا حبيت اقول رايي هو اذا عني الساااااالفه عاديه جدا :rolleyes:
يعني اذا عن نفسي اخليه على d :d ( والهوى شرقي ) :d
او مادري شنو راي الشباب :confused:
تقبل تحيات راعي الاكورد :cool:
اول شي وشهي المقصود بنمر القير 1 و 2 و D3
معناته انه القير مايعشق فوق النمره اللي انت حاط عليها
يعني اذا حاط على D3 القير اخر تعشيقه يوصلها هي الثالث ومايطلع للرابع
نفس الشي لـ 2 ونفس الشي لـ 1
بمعنى اخر تبي تقلب السيارة قير عادي >>>> اخص يامعنى اخر ياإنت ياخطير :d
وش الفايده
مساعدة السيارة على الصعود أو للعزم أو لمساعدة الفرامل باستخدام القير
مثلا شفت نزلة الهدا بالطائف وانت نازل مكه لازم القير تنزله لـ 2 أو D3 في أسوأ الحالات عشان القير يساعد الفرامل وماتوصل تحت وعند أول بنشر تغير الفحمات
مجربها بجمس وفرحان ماأمداني أوصل تحت الا شوف الفحمات تدخن >>> حتى نوع الدخان كان مارلبورو :rolleyes:
أيضا بالمنطقة الرملية عشان تعطي السيارة عزم وماتغير على الثالث ويطيح عزمها وتقعد فيها تحفر الى بكره :d >>>>> ياخي احس اني رسمي وانا اكتب لافصحى
برضه اذا تبي تطلع منطقة منحدرة >>> ليه فيه أحد يطلع منطقة مستويه :d >>> وتبي عزم عطيها الثالث D3 وفي رواية عندما تكون سرعتك منخفضة 2
أهم شي تأكد عندما تنزل نمره ان سرعتك مناسبة للنمرة الجديدة بحيث أن الضغط (دد) لن يكون فوق اللون الأحمر بالنمره الجديده
أحس اني كثرت كلام بس تعرف اليوم مالقيت احد اسولف معه :p
صراحة أنا من النوع اللي يغير بكثرة .
أنا استخدم 1 إذا بغيت اجاكر واحد.
أما 2 للغراز أو الزحمه بتقول ليه؟!!:confused:
لأن 2 يخلي السياره تقوم من الثاني يعني ما تروح للثالث ولا تنزل للأول.
أما 3 فهو للمنحدرات أو إذا كنت داعس وأبي أهدي بسرعة (طبعا السرعه لازم تحت 155)
فأرجعه للثالث. بطريقة مخصصه يعني مو علطول تنزله من الدي للثالث.
لازم تتبع خطوات معينه علشان تغير.
أما الـD فهو لوضع القياده العادي يعني مروق.
تقبلوا تحياتي...
الله يعطيكم العافية اخواني والله استفدنا منكم
انا عن نفسي من يوم ما اشتريت السيارة ما قد حطيت الى على الدي..طبعا لأني ساكن في جدة..وهي منطقة ساحلية..يعني مافيها منحدرات>>على قول اخطبوط
ومرات لما اطلع الطائف او انزل منها ما اغير لا على 1 ولا على 2 ولا يحزنون...والله يستر على السيارة
طيب يا اهل الخبرة دحين لو ابغى احول من الدي الى الدي3 مثلا..كيف اغير..هل اوقف السيارة ثم اغير؟؟او اغير وانا ماشي؟؟>>>واحد غشيم..مشي حالك
وبعدين انا فهمت ان تغيير القير يساعدك في الصعود للمنحدرات(هذه فهمناها) طيب كيف يساعدك في النزلات..يعني القير يعطيك عزم ولا يعطيك قوة فرامل؟؟
واخر شئ..في مناطق في جدة يكون فيها منحدرات او طلعات خفيفة يعني 50 او 60 متر وبعدين يرجع الطريق مستوي..هل يلزم اني اغير القير في هذه الطلعات او النزلات؟؟
وااسف على الإطالة..
تحياتي لكم
لا تعليق
:confused:
عزيزي الكاتم الحزين.
إذا بغيت تغير من الدي إلى الدي 3 عليك باتباع الخطوات التالية
1- تأكد إن سرعتك أقل من 155 .
2 - ادعس البانزين على الاخر (لا ترحم الموتر).
3 - بسرعة رجع القير إلى الدي3 قبل ما تاصل السرعة 160.
تسألني ليه ؟!!:confused:
يا حبيبي الدي في النمره الخامسه والرابعه .
فإذا كانت سرعتك 155 والدعسه مخفف عليها يكون القير بالنمره الخامسه.
فإذا دست الدعسه كامله الموتر يفض القير ويرجعه نمرتين يعني يكون بالثالث.
ففي الوقت هذا ما فيه أي مشكله إنك ترجع القير إلى الدي3.
بس لازم تسرع شوي علشان ما يروح للنمره الرابعه.
أما موضوع الطلعات فأتوقع إنه ما فيه مشكله إنك تطلعها إذا كان مداها قصير.
أما المنحدرات إذا كانت مسافه قصيره فما يحتاج إلا تضغط فرامل بقوه شوي وتتخخف بعدين
وعندها القير بسويلك الباقي وبنزل نمره أو نمرتين على حسب الحاجة.
هذا بس للمسافات القصيره.
وتقبل تحياتي...
ما شاء الله عندنا ناس خبرة في الدبلات :cool:
الله يعطيكم العافية شباب وتقبلوا مروري :)
ياشباب انو اشوف انكم قلبتوه جيوب وش قاعد تطاعس خلها على الدي وتوكل على الله
اما اذا جتك زحمه مفاجه صك ابو الفرامل وانتبه للي وراك لا يصير غشيم ويدخل الشنطه(متعقد:( ) واذا حسيت ان الموتر موهب موقف ابد رجع القير على ورى ان شالله يبي يوقف
وبعدين فرامل الهوندا ماشالله قوي مايمديك ظاغطه الى موقفه السياره
وبالنسبه لتغير القير سمعت انه يضر التروس
والله يا اخواني ما ادري عن هالاشياء
وأنا عكسك أخي فقد سمعت انك إذا جلست مدة طويلة فقط تستخدم الدي ولا تستخدم النمر الأخرى فهذا يضر بالنمر الأخرى لأنها غير مستخدمه وما أدري رأي الأخوة ؟اقتباس:
المشاركة الأصلية كتبت بواسطة هـ ل ن السعوديه 818
أنا أرى أن الدي هو خليط للنمر كلها فإذا كنت في سرعة 30 مثلا فالدي متأقلم على هذه السرعة كأنه غيار 3 في الجير العادي ، وكذلك بالنسبة لبقية السرعات .
إذن هل توجد مشكلة فعلاً إذا استمر الواحد منا في إستخدام الدي فقط في جميع السرعات والأماكن المختلفة ؟ هل لا بد أن أغير في الأماكن والسرعات المختلفة ؟
اقتباس:
المشاركة الأصلية كتبت بواسطة الاخطبوط
تكتب لافصحى ؟؟؟ :eek: :eek: :eek:
عجيب والله :p
ههههههههههههههههههههههاي
صادووووووووه ............:p