عرض للطباعة
السلام عليكم ورحمة الله وبركاته
اخواني فيه لمبة بالطبلون ولعت فجاه ولا اعلم ماسببها او تبع ايش بالضبط
وارجو من لديه اي خلفيه عن الموضوع مساعدتي ولكم جزيل الشكر ..
الصور ..
http://linuxac.org.googlepages.com/c-1.jpg
http://linuxac.org.googlepages.com/c-2.jpg
شيك كمبيوتر اخوي وبيطلع لك الخلل ..
يمكن واحد من حساسات المكينه فيه عله :)
هذي نفس مشكلتي بالصبط
انا وديتهـا الوكـاله وسوا لي تقرير
بـ 150 ريـال
وقـالوا بيصلحونها لي بس للحين مابعد
جت القطع من جده..:(
رح الوكـاله وخلهم يسسون لك تقرير
واذا ماحسيت ان في تغير بالسيـاره
يمكن انه خلل الكتروني
واذا به تغير حاول توديها بـ اسرع وقت
تراها تـأثر على المكينه
تحيتي:(
مثل ما قالوا الشباب
شيك كمبيوتر
في حل جربه يمكن تطفي
" أفصل البطاريه لمدة نص ساعه وأرجع اشبكها "
وإن شاء الله تطفي
~ وإذا ماطفت روح الوكاله أفضل
.
.
.
:o
قبل فحص الكمبيوتر وفصل البطارية تأكد من زيت القير والمكينة لا يكون فيهم شي ناقص !!
شاكر لكم ردودكم يا اخوان
بالنسبة لزيت المكينة دوبني من يومين مغيره وهالمبه لازالت شغاله
اما زيت القير انا سيارتي قير عادي هل للقير زيت ام فقط للتماتيك!!
ارجو توضيح هذي النقطة واكون شاكر لكم ..
السلام عليكم قريبي عنده اكورد 2003 اشتغلت نفس النور في الطبلون المشكله في السياره انو تنفض وهي واقفه وهي ماشيه رحت إلى الشركه قالو فيه مشكله في الكمبيوتر الاساسي نصفه راح وعندصاحبي سياره التيما نفس النور اشتغل المشكله حساس الهوء راح عنده وماكانت تشتغل بسرعه
إنشاء الله يكون كلامي مفيد واسف على الاطاله
وصلى الله على نبينا محمد
وإنشاء الله المشكله تكون بسيطه...
شاكر لك على ردك اخوي هوندا وبس
انا مو ملاحظ اي تغيير او اي مشكلة بسيارتي غير ان اللمبه مولعه !!
الله يكون في عونك يا خالد
مالك الا انك توديها الشركة افضل حل لك
هلا عدنان
المشكلة مو فاضي هالفتره وانت عارف وضعي كيف مضغوط لكن ربك كريم
فاذا هي مشكلة عويصه وماتتاجل فراح اوديها وامري لله
شاكر لك مرورك ياعدنان
اقتباس:
المشاركة الأصلية كتبت بواسطة خالد7
حتى القير العادي له زيت بس مدة تغييره اطول من القير الاوتو .. بس انسى موضوعه اللحين
حتى لو انك مغير زيت المكينة من يومين هذا ما يمنع انك تتأكد لا يكون ناقص
اذا طلع مستواه مضبوط ولا نفع معك فصل البطارية فما لك الا تسوي فحص كمبيوتر
سمعت أنه لازم تفصل البطارية من حين لأخر بس ليش مابعرف ممكن التوضيح يا شباب؟؟؟
اخووي انا كانت عندي نفس اللمبة والعة صارت من حساس الشكمان
انت افحص كمبيوتر وبيبين لك وش الحساس الخربان
لاتشتري مستعمل من التشليح
رح للنعماني وتلقا عندة الحساس ياباني ب350 ريال
اخوي صارت لي تفس المشكلة زي ماقالوا الشباب فصلت البطاريه وراحت
ولم دعست لسيارة اخر شي اشتغلت بعدين لقيت السلك حق الدينمو مو راكب زينه ركبته زين وراحت الي يومك هذا
تاك لي من سلك الدينمو مشبوك زين ولا وان شالله اكون افتدك
زيادة على كلام الشباب
شيك على حساس الأقزوز ( نظام العادم )
في حساسين واحد على الهيدرز وواحد في دبة الرصاص
لا واحد فيهم فيه مشكلة تولع المبة دي
السلام عليكم
مساء الخير
اللمبه ولعت عندي ايام الامطار
عندما غرقت المكينه في الماء
وبعد عشر دقائق طفت يعني المشكله
من المكينه شيك عليها ماتتعطل السياره وتندم