ودارت الدنيا وردينا لبعض ..
السلام عليكم وحمة الله وبركاته ..
بعد فراق دام 54 يوما تقريبا ..
في صباح اليوم الأربعاء 15 / 11 ..
انبثق (( ولاحظوا كلمة انبثق ;) )) الى النور حبيبة قلبي My ACCORD بعد فراق مر عانت فيه حبيبتي ماعانت وليتها لم تعاني ...:rolleyes: القريحه صايره فله اليوم ..
طلعت وليتني انا الي طلعتها لكن للأسف اني كنت في الاحساء واستلمها الوالد الله يحفظه (( على فكره الوالد ناوي يشترك بالنادي ;) بعد ماساق سيارتي )) <<--- أما عضو عمره 52 سنه ,,
المهم طلعت وانا منتظر لحظة اللقاء من فتره طويله عانيت فيها الشي الكثير ..
طلعت ولله الحمد والمنه انها صارت أحسن من قبل بكثييييييييير ..
لدرجة اني أنافس أصحاب ال 2007 في النظافه (( بس قولوا ماشاء الله )) لدرجو ان في حكات ماتوقعت انهم بيشوفونها وهي مني أنا مو من آثار السرقه ولما لقيت السياره دورتها مالقيتها نهائيا ..
المهم اني استانست بالسياره لمدة ساعه ونص فقط وبعدها دايركت على التلميع وان شاء الله تتطلع بكره ملمعه وجاهزه للتصوير ..
ولا أنسى أكرر الشكر لكم جميعا على وقفتكم الشجاعه معي طول الفتره الماضيه الي بصراحه أحرجتني كثيييييرا خاصة اني رجعت للنادي بمشاركات قليله جدا عكس قبل .. لكن والله ضروفي ماتسمح ولا والله العظيم اني ما أدخل النت الا بصعوبه واذا دخلت اسنتر على طول على النادي واطلع وما أدخل اي موقع ثاني ,,
