سوال عن الدبه الرياضيه

السلام عليكم ابي ادخل في الموضوع على طول

سمعت انا عن الدبه رياضيه مع الوقت تطيح عزم السيارة وتكربن السيارة

يعني اذا دعست للسيارة تطلع دخان

فما اادري الكلام هذا صحيح ولا

انا كانــ أخوي مركب دبهـــ رياضيهــــ على كامريـــــ

شكلها حلو بس من عيوبهااا

اذا فكيتهاا يصير الشكمان طايح (( نازل عن مستوه الطبيعي الي جاي شد بلد ))

اول السيارهــ تفحط في الثالث الحين لا بس ما اتوقع من الدبهـــ

والحام مشكلتهااا مشكلهــــــــ


(( نصيحهاا لا تركبــــ ))

مشكور اخوي على ردك

كنت اول محتار الحين خلاص بطلنا وكمان لم تفكر فيها تزعج العالم اذا

كنت بحارتكم

أهلا أخوي :
بالنسبة للدبة الرياضية فـ لو إنها كانت ماركة جيدة و ضغطها مقارب و أو يطابق ضغط المكينة و دبة الوكالة فأتوكل على الله و ركبها .
أنا من الناس المجربين للدبات الرياضية على أكثر من سيارة ( كامري , ألتيما و حاليا بالأكورد )
في الألتيما عدلتها بالكامل " إكزوست و هيدرز و إنتيك " و راحت في حادث , الكامري كانت مشروع Swap بمكينة سيليكا و نجح لكن في يوم من الأيام لقيت تحت السيارة بركة زيت و بعتها . و حاليا بالأكورد ركبت الدبة الرياضية من كانت ماشية 40.000 حتى في صيانة الـ 40.000 كتبوا ملاحظة في فحص العادم و الحين ماشي فوق الـ 120.000 كلم و الحمد لله ما منها أي مشاكل و أي حاجة . و لا تكتيم و لا كربنة و لا أي شي , الحمد لله ماشية زي العسل .

أهم شي يكون ضغطها مقارب أو يطابق ضغط المكينة و هو 9:7:1 و غالبا الدبات فتكون الـ MagnaFlow هي الأحسن و الأفضل بالنسبة للأكورد و سعرها 750 ريال .

مشكور اخوي اكورد على افادتك

بارك الله فيك

طيب السوال هل الدبه الرياضيه تزيد قوة السيارة ولا بس صوت؟؟؟؟؟؟؟؟؟؟

اقتباس:

---

طيب السوال هل الدبه الرياضيه تزيد قوة السيارة ولا بس صوت؟؟؟؟؟؟؟؟؟؟

---

تعطيك فرق في القوة لكن بسيط جدا و يمكن ما تلاحظه , أما عن الصوت فتعطيك صوت و هذا حسب نوع الدبة و اتساع القطر و غيرها في عوامل ثانية تعطيك أصوات مختلفة عن بعض .
مثلا الـ MagnaFlow تعطيك صوت حلو و مميز لكن وقت ما تدعس بس أما لو كنت ماشي بهدوء أو واقف فما راح تسمع صوت .
الـ DNX نفس إللي أنا مركبها صوتها عالي لأن تجويفها عريض و حتى لما تكون السيارة في صوت منها و وقت الدعس تنطرب مع الصوت . بس أخذت عليها مخالفتين أما الشباب إللي مركبين agnaFlow فما أخذ واحد منهم أي مخالفة عليها .

و الدبة الرياضة تكربن السيارة و تكتمها و تطلع دخان في حالة وحدة .
إذا كانت الدبة عندك تجارية و أبو رخيص صناعة صينية ما تعرف وش أصلها فهذي ما تصرف الهواء على خارج السيارة , هذي يمكن ترجع الضغط و الهواء الملوث للمكينة و مع الوقت يمكن تكربن معاك و الأسوأ إنها يمكن تبوّش و تطلع دخان أبيض من الشكمان و وقتها " توضيب " , خليك على الأصلي و لو إنه غالي لكنه أفضل و تتفادى فيه مشاكل كثير .

مشكور اخوي وفيت وكفيت والله

وتسلم ياذوق