قوه دفع المكيف للاكورد 2008

مساء الخير .. حبيت افيدكم اخواني عن قوه دفع الهواء للمكيف اكورد 2008 كان عندي ضعيف مره
وبعدين رحت للوكاله في بريده وقالي الموظف احتمال يكون فلتر المكيف يبغى تنظيف او تغيير وبعد مافكه بكل سهوله استغربت لو دريت كان فكيته عند البنشري وشفت العجايب شي غير معقول ... قام الكهربائي بظرب الفلتر على الارض ونزل منه اربعه كيلو رمل هههههه وطين وباقي شجر البرسوبس وشي عجيب استغربت وصار ينظفه بالهواء صار يطير منه غبار رهيب رهيب وقالي مايحتاج تغيير بس تنظيف وركبه والحمدالله صار المكيف تمام التمام ..
ملاحظه : يجب عليكم اخواني الاسراع للوكاله لتنظيف فلتر المكيف مقبلين على حر غير طبيعي والله انكم بتنبسطون من تبريد المكيف طلع رهيب الحمدالله وهذا حبيت انبهكم وافيدكم .. دعواتكم لاخوكم وشكرا :cool:

هلا اخوي

الحمدالله انه ظبط معاك المكيف

و كانت الشغله بسيطه

سؤالي هل هو فيه ضرر لو استغنيت عن الفلتر كله وشلته ؟؟

اقتباس:

---

سؤالي هل هو فيه ضرر لو استغنيت عن الفلتر كله وشلته ؟؟

---

:eek:
لي حبيبي تبي تشيل الفلتر ؟!
قالولك أجوائنا باريسيه !

السلام عليكم ،

صباح الخيرْ ،

الحمد لله أنها طلعت بس على فلتر المكيف ،

فلتر المكيف فكّه ولا اسهل منّه ،

افتح الدرج ، نزّل العصا اليمين وافتح الدرج ( اللي قدام باب الراكب ) ونظّف الفلتر على راحتك ،

سؤالي هل هو فيه ضرر لو استغنيت عن الفلتر كله وشلته ؟؟

عآآدي تقدر تستغني عنه ، اذا كنت راضي على نفسك بمكيّف يجيب لك أنواع الغبآآآآآرْ ،

:d انا ما ادري احين لما نودي سيارتنا تغير الزيت والفلتر

هل يقوموا بنتظيفه لو كيف هع

موضوع تنظيف فلتر المكيف المفروض يصير مع كل زياره لتغيير الزيت .. سواء بالوكاله او بمحل عادي

خبركم اجوائنا في السعوديه .. والخليج بشكل عام .. مافيها اي غبار :(

فلتر المكيف يجيه كل هذا الوصخ بسبب فتحة التهويه لو انك تشغل المكيف وتخلي فتخة التهويه مقفله كان الفلتر بيقعد نظيف فتره اطول لانه ماراح يفلتر الا الهواء اللي موجود داخل السياره - لكن لو فتحة التهويه مفتوحه راح يدخل الهوا من بره وهو يقعد يفلتر لك الهوا اللي داخل عليك من برا وخذ عاد انواع الغبار والحوسه
فالأفضل انك تخلي التهويه مقفله على طول احسن لك

وبالنسبه لتنظيفه في كل مره تغير زيت وفلتر هم المفروض انهم ينظفون فلتر الهوا حق المكينه مو حق المكيف

لا وغير كذا ماينظفونه دايما احيان اشوفهم يغيرون زيت وفلتر ويزبطون كل الامور ويطنشون فلتر الهوا لانه فكه لازم له مفك وحوسة شويه فأحيان تلاقيهم يسحبون عليه كمان فكيف تبغاهم ينظفون لك فلتر المكيف وهم تاركين الفلتر الاهم :(

مشكووور على الموضوع

اقتباس:

---

المشاركة الأصلية كتبت بواسطة al_admiral

:eek:

لي حبيبي تبي تشيل الفلتر ؟!
قالولك أجوائنا باريسيه !

---

اكيييد وش جاب هذا لهذا
بس الموديلات الي قبل كلها ما فيها فلتر على حسب علمي من موديلات الفين وخمسه وتحت ترا ما فيها فلاتر فا اعتقد انو مجرد شي كماالي يعني زياده مو ضروري وبعدين انا رح اخلي الهوايه دايم مصكره
والي خلاني اطمع اني اشيله انو فيييه فرق كبيييير قوة الدفع تختلف مررره
يعطيك العافيه

^
^
أنت ساكن في الرياض ؟!
لو أنك من سكان الرياض عرفت ليه أنا قلت كذا ^_^
يعني نادرا تشوف الفيصليه أو المملكه من بعيد بكل صفاء , ( غبر X غبر )

وعسى المكيف ينكرف ولا الهوا يطلع بطيء , أهم شي صحتي (^_^)
هذا غير الغبرا الي حتكون في السياره ×_×
.

وبعدين تعال تعال
كرِسبي كريم أطعم من دانكن دونت :p
<<< ههههه هذي بس من باب المداعبه :)

اقتباس:

---

المشاركة الأصلية كتبت بواسطة AL_ADMIRAL

^

^
أنت ساكن في الرياض ؟!
لو أنك من سكان الرياض عرفت ليه أنا قلت كذا ^_^
يعني نادرا تشوف الفيصليه أو المملكه من بعيد بكل صفاء , ( غبر X غبر )

وعسى المكيف ينكرف ولا الهوا يطلع بطيء , أهم شي صحتي (^_^)
هذا غير الغبرا الي حتكون في السياره ×_×
.

وبعدين تعال تعال
كرِسبي كريم أطعم من دانكن دونت :p
<<< ههههه هذي بس من باب المداعبه :)

---

ايه من سكاان الرياض يا حبي للرياض >>> ايه هين هـع
ايه والله انك صاادق كل يوم غبار اغسل سيارتي بالليل اقوم القى كلها تراب



بعدين تعاااااال تعاااااااااال:mad:
دانــكــن وعه دوناته بس قهوته تههبل :cool:
لكن الدونات حقت كرسبي كرييم اليييمه:cool:

مرحبا اهلين اعزائي من كلام صيانه الوكاله انه اذا شلته يسوي لك مشكله كبيره وخصوصا في ثلاجه المكيف مستقبله ويخرب الافياش الداخليه من خلف الديكور وبعدين يتعب الكمبرسر حق المكيف

ترا شغلته سهله جدا يعني ماتسوى انك تفكه وتحشر نفسك بالغبار

مابين فتره وفتره نظفه وتمتع بالبروده :d

تنظيف فلتر المكيف المفروض يصير مع كل زياره لتغيير الزيت .. سواء بالوكاله او بمحل عادي