استفسار بالنسبة للريموت وفتح وإغلاق النوافذ

السلام عليكم ياشباب

استفسار بسيط

بالنسبة للريموت عندي أكورد 2003

يعني حالياً إذا السيارة مقفلة وحبيت أفتح الدرايش عن طريق المفتاح
احط المفتاح وافتح الأبواب وأرد المفتاح لوضعه الطبيعي وأرد أفتح مرة ثانية وأعلق شوي تنفتح جميع الدرايش
وبالنسبة للإغلاق بالعكس تماماً

هذي واضحة وإذا في شي غلط صححولي

بس بالنسبة عن طريق الريموت

جربت فتح الدرايش عن طريق الريموت وفتح معاي
أول ضغطه يفتح البيبان
بعدين الضغطه الثانية مع التعليق على الزر تنفتح الدرايش
بس بالنسبة للإغلاق شلون
ماضبطت معاي ؟؟

في طريقة للإغلاق عن طريق الريموت ولا بس فتح

تحياتي :)

الريموت بس يفتح الدرايش ....

الإغلااق لازم توضع المفتاح في الباب ...

أول شي تتقفل السيارة

و الثانية تتقفل كل النوافذ .....


و الله يبارك لك في السيارة :)

الله يبارك فيك أخوي

وجزاك الله خير على المعلومة

وماشاء الله الهوندا صراحة ناعمة وحلوة

جربت النيسان صراحة فرق
وجربت التويوتا بس الهوندا أفضل

ولحد الآن حاس انه الهوندا أفضل الياباني

ننطر وانشوف

مشكور أخوي

تحياتي :)

ماقصر Blk


الله يعطيك خيرها ويكفيك شرها

الريموت للفتح فقط

بالفعل فقط يفتح :)

موفق اخوي

هلابكم يا اخوان

بالنسبه للمفتاح يفتح النوافذ ويغلقها فعلآ

الفتح اضغط فتح الابواب واضغط ضغطه متواصله مره اخرى لما تفتح معك النوافذ

والتقفيل لابد من وضع المفتاح في الباب وتقفل الابواب بالضغطه الاولى

وترجع لوضع الاغلاق مره اخرى فقط متواصله لما تقفل النوافذ ..

ولكم تحياتي

السلام عليكم.....ما شاء الله على الأكورد توني أسمع عن ذالميزة بصراحة مفيدة جدا خصوصا إذا طفيت السيارة و بقيت تقفل الأبواب و شفت انه فيه نافذه مفتوحة ما لك خلق تفتح الباب الثانية وتفر السلف و انت مستعجل و تبقى تدق كرت العمل يا شيخ تراها ميزة أكثر من رائعة بس للأسف ما حطوها في السيفيك الجديدة.

ما حطوها فالسيفيك لانه اذا حطوها فالسيفك كيف بتتميز الأكورد ؟؟

على ما اعتقد من الريموت لازم من اول ظغطه تكون معلق على زرار الاغلاق

وشكرا :)