مشكله في القير [ آكورد 2008 ]

السلام عليكم واسعد الله مسائكمْ
السالفه ومافيها انا سافرت من الرياض الى الجنوبْ
والموتر ماشي تمام على الخط
بس يوم وصلت الجنوب وانا اسوق هناك الموتر عزمه ثقيل والتيغر بين النمرات مش ولابد
وبعض الاحيان اشيل رجلي عن ابنزين واضغط فرامل بس مايستجيب الا بعد فتره والطبلون يكون معلق عن السرعه الي ماشي عليها وبعدين يغير ويكون التغير ثقيل بالحيلْ

:d

< ~ الله يسستر على التعبير بس :d

المهم انا مادري وين المشكله ناس تقول زيت بالقير وناس تقول بالمنظم تبع القير

الموتر ماشي 21000

انشاءلله يكون الشرح واضح وياليت تدلوني وتقولون شنو المشكله


سلآم

اقتباس:

---

المشاركة الأصلية كتبت بواسطة ! لـوـرـد آلاكـوـرـد !

السلام عليكم واسعد الله مسائكمْ
وعليكم السلام , وياك
السالفه ومافيها انا سافرت من الرياض الى الجنوبْ
والموتر ماشي تمام على الخط
بس يوم وصلت الجنوب وانا اسوق هناك الموتر عزمه ثقيل والتيغر بين النمرات مش ولابد
يمكن محتمي القير او ناقص او زايد الزيت شيك على مستواه
متأكد ولاّ أوهام :g:
لأن ماشاء الله سيارتك جديده الله يطعمك من خيره ويكفيك شره
وبعض الاحيان اشيل رجلي عن ابنزين واضغط فرامل بس مايستجيب الا بعد فتره والطبلون يكون معلق عن السرعه الي ماشي عليها وبعدين يغير ويكون التغير ثقيل بالحيلْ
غريبه والله :eek:

:d

< ~ الله يسستر على التعبير بس :d

المهم انا مادري وين المشكله ناس تقول زيت بالقير وناس تقول بالمنظم تبع القير
شيك على زيت القير وحساسات القير
ومنظم الهواء ((اللي قبل فلتر هواء المكينه)) اللي هو حساس الهواء جرب تنظفه قبل تغيره اذا بغيت تغيره
ونظف فلتر الهواء (المكينه) وحافظ على تنظيفه مع كل تغيرة زيت
المشكله الموتر جديد
فيه أشياء ثانيه بس توه الموتر جديد ماشاء الله

الموتر ماشي 21000

انشاءلله يكون الشرح واضح وياليت تدلوني وتقولون شنو المشكله


سلآم

---

الله يعينك
بالتوفيق

الله لايهينكْ يالغلا
ومشكور على الافآدهـ
وبجرب الي قلتله وانشاءلله المششكله ماتطلع تسبيره بالحيل :d


لي بآكْ بعد الكششفْ

اخوي السيارة جديدة هذه عيوب مصنعية ليش ما ترجع الوكالة


لا تسوي شي يلغي الضمان ارجع وعطهم السيارة

انا عندي اكورد 2008 بعض الاحيان احس ان الجير ما يبدل .... عريبة

والله انا نفس كلامك
توي واصل الجنوب واحس لخبطه في القير
تقول السياره اللي معي سلندر واحد مو اربعه
بس فيه واحد من الشباب اللي اعرفهم معه نفس الموتر
والوضع عنده عااااااااادي
تدري وش يقول لي
يقول اول ماطلع الموتر سوى فيه كذا
وبعدها بدى يسلك مع الاجواء والطلعات والمطبات اللي في الجنوب
قلت خلوني اصبر كم يوم واشوف

والله يكون في عون الجميع
تحياتي لك يالغالي

ماشاء الله تبآرك الله

نفس موتري


اقولك قلبوو

انا من الجنوب بعد

وصار علي نفس الفلم الهندي الي صار عليك

وقف وطف السياره

وفك التانكي لانه عبآ هوا مع اختلاف الضغط وصآرت الطرمبه تشكل

يعني تلخبط

واذا كنت بالجنوب عبي احمر عشان العزم يفرق معاك لما تتجاوز او تكون بعقاب


واذا وسوست مره

فك فلتر الهوى ونظفه

وماجاك عندي


مايحتاج مريت بمواقف كذا كثير بسبب عقبه الباحه

موترك على الضمان وش تحترتي :)

السلام عليكم ورحمةالله وبراكاته
احب اقول للاخوان ان قير هوندا قير اكتروني يتغير تغيراته على حسب الاوزان في السياره والركاب وعلى حسب المرتفاعات والنزول على شان كذا اكثر الناس تشك ان القير تغير عليهم بس هذي يسمونه نظام شفرنم يعين الجايرو معرفت الاوزان والارتفاعات والنزول
وهذا خاصيه حلوه في السياره يجهلها الكثير لانه ما جرب القير الاكتروني او الذكي

اقتباس:

---

المشاركة الأصلية كتبت بواسطة النمر الاسود

السلام عليكم ورحمةالله وبراكاته
احب اقول للاخوان ان قير هوندا قير اكتروني يتغير تغيراته على حسب الاوزان في السياره والركاب وعلى حسب المرتفاعات والنزول على شان كذا اكثر الناس تشك ان القير تغير عليهم بس هذي يسمونه نظام شفرنم يعين الجايرو معرفت الاوزان والارتفاعات والنزول
وهذا خاصيه حلوه في السياره يجهلها الكثير لانه ما جرب القير الاكتروني او الذكي

---

طيب وش الفايده منه القير الكهرباء ووش الفرق بين القير الكهربائي والعادي ممكن توضح اكثر اخوي

هلا فيك لورد يالغلا

اذا كنت جيت ابها فهذا شي طبيعي بسبب الضغط في الجو
وانا لما اروح مدينه ثانيه غير ابها زي الرياض والدمام وجده او انزل فيها البحر تلاحظ قوة السياره وعزمها مختلف 360درجه عنها في ابها

والسبب في ابها هو الضغط وقلة الاكسجين بمعنى اصح

ان شاءالله افدتك
وسيارتك مافيها شي لا تخاف
ومع الوقت بتسلك ان شاءالله
هذا من وجهة نظري