عرض للطباعة
السلام عليكم
رحت الورشة لان اسمع صوت لما أضع القير على d أو r أشعر بهزه و السيارة تختض
تقول الورشة أن السبب هو الشداد ( شداد السير )
من اللي فيكم صادته نفس المشكلة و من منكم غير الشداد
وهل الشداد يسبب الهزة في السيارة إذا كان خربان
وبكم سعره
مع العلم بأني سمته غالي شوي
بس أبي أتأكد من السعر
415 ريال قبل الخصم وبعد الخصم 360 ريال
مشاكل مثل هذي لا توهق بأي ورشة رح للوكالة أحسن لك و أضمن :)
( أنا معي 2004 و كان فيه طقة من عند كفر يمين و رحت لورشة قالي الميكانيكي العكس يبيله تغيير و أروح للوكالة أسأل عن العكس قالوا لي كامل بـ 2000 ريال و أدخل سيارتي الصيانة و غيروا قطعة كانت منكسرة بـحدود الـ 450 أو 500 ريال بس و راحت الطقة )
وعليكم السلام .......
هلا أخوي موسيقار بسألك هل فيه صوت من عند السير أول ما تشغل وغريبه فيه رجه أنا أعتقد أن سبب الرجه حقت القير من كرسي القير مو من الشداد أن عندي الشداد خربان لكن ما فيه رجه بس فيه صوت أو ما أشغل الموتر وخصوصا إذا كان بارد وعلى سعـر الشداد أنا اليوم الصباح رحت وسألت عن سعـره في الوكالة وقالولي قيمتة قبل الخصم 480 ريال وبـعـد الخصـم بـــ 408 ريال وأنا أقولك شيك على الكراسي وخصوصا كرسي القير قبل كل شيء وشوف لك ورشه فاهمه في الهوندا أو رح للوكالة أضمن لك ........
مستحيل تكون الرجة من الشداد لان صوت الشداد اذا خرب ما تسمعة
غير لما تشغل السياره ولما تدوس على البنزين وهو صوت شبيه لصوت
الجرس
انا عندي نفس المشكله بس لاقيت قيمته 310 ريال
وشغل يد 150 انا ان شالله بسويها ياخي طفشني الصوت
ن ع ر السعودية
أنا غيرت كراسي الماكينة و القير من شهر تقريباً
بس أعتقد أن السبب الشداد لأني فتحت كبوت السيارة و أسمع صوت جنب السيور وخصوصاً لما تستغل المراوح أحس بطقة
بعدين خليت أخوي يعشق السيارة و انا فاتح الكبوت عشان أبي أعرف مصدر صوت الرجة لما تكون السيارة على وضع r أو d
فالصوت مصدره قريب من السيور , أسمع صوت طقة ورجة
والله حيران من هالصوت مع العلم حتى لما اسوق بعض الأحيان اسمع صوت الرجة خصوصاً لما أوصل لسرعة 80 أو 90
هل أغير الشداد أو لا
أنا رحت النعماني اللي بالشرقية وقال سعر الأصلي بعد الخصم 330 ريال
نحيب الأماكن
شنو مشكلتك بالضبط وهل رحت الورشة وشنو قالوا فيها
أخوي وين قالوا لك سعر الشداد 310 ريال
ممكن تجاوبني على الاسئلة
الله يجزيك خير
في الوكاله والله لان قال لازم تغير الكراسي كلها وشداد لاني عندي يطلع صوت لم اشغل المكيف
والقير يكون على d فسالت عن سعر الشداد قالي الموضف 310
يعني يكلفني الشغل كامل الكراسي والشداد مع الشغل اليد 2389 ريال
الله يعني اسويها طبعا مكاني في تبوك
اي سير انت تقصد؟؟؟
قصدك السير الخارجي ؟؟؟
لان مكينة الاكورد تجيك جنزير في داخلها
بلال العلمي أقصد السير الخارجي ما أقصد الجنزير اللي في الماكينة أقصد السير اللي ماسك السير اللي في الباور يمكن أو سير المكيف على العموم اللي في الورشة و قطع الغيار يعرفوه على طول
لا يا رجال هذا ما يسوي شي ولا تخاف منه
بس غيره يا اخي ترى الاصلي ب 50 ريال وتلقى تجاري ب 10 ريال
50 ريال تغيير
المفروض كل 100000 تغيره بالاصلي
هلا أخوي بلال العلمي
أنا اللحين اتصلت على النعماني
وسألته عن سعر شداد السير الخارجي
وقال لي سعره بعد الخصم 330 ريال أصلي
بس اللي أبي أعرفه من اللي قال لك أن سعر الأصلي 50 ريال والتجاري 10 ريال
الله يجزاك خير خبرني وين ألقاك بنفس السعر اللي قلته أنت
الله يعينك
اقتباس:
المشاركة الأصلية كتبت بواسطة موسيقار
اخوي شداد السير هو رمان اصلا ويكون تحت له مسمار طويل لاجل تلفه ويشد السير اللي برة
اذا خربان الشداد هذا فهو يطلع صوت ونة
ببساطة انزل الصناعية القديمة قول ابي رمان شداد السير الخارجي حق الدينمو او المكيف يبدا من عشرة ريال الى 100 ريال لافضل نوع
وبالنسبة للسير اشتريه نوعية يابانية ب 50 ريال ويعيش معك سنة كاملة بشرط اذا كانت سيارتك ما ترتفع حرارتها كثير