عرض للطباعة
:(
عندي القير وانا ماشي بالسيارة في وضع D اتفاجاء بانها معاد تعشق ادعس لها وهي بال D كانها بالفاضي N مادري وش الحل ولمبة القير بالطبلون حرف d يشر يعني ماهو ثابت وديتها لتركي بالصناعية متخصص في توضيب القيور قالي هذي شغلتها كهرباء. واذا طفيت السيارة وشغلتها عشقت تمام ومشيت شوي رجعت نفس الحالة والله احترت
الله يصبرنا ويفرجها
للمعلومية زيت القير ماغيرته لي 4 سنوات 4 سنوات بدون صيانه اغير زيت واعبي بنزين جنيتها الان كل يوم في ورشة مره سلف مره علبة دركسون مرة الدودة مره الدينمو مرة الكراسي مرة المنطم ؟
من فين انتا عشان نقدر نفيدك
انا من الرياض حي السلي
فيه ورشة بالصناعيه القديمه اسمها السبيع, ممكن تمرهم وتسألهم وترا شغلهم نظيف. عاد انت اصبر وشوف ممكن تلقى احد يفيدك قد وضب قيره.
بعدين ليش حاط معرفك ( طفشتني الهوندا ) وانت لك 4 سنوات ماغيرت القير, هذا دليل على قوة القير. والزيت لازم تغيره كل 40 الف كم, وايضا لازم انك تغير الفلتر دامك فاك القير.
اعتقد انه يبيله توظيب
وانت تقول اربع سنوات ماغيرت زيت القير:eek:
المفروض كل 40الف تغيره يعني زين منه صبر كل هالمدة
وبعدين بعد اربع سنوات بديت تغير القطع الأستهلاكية فهذا طبيعي
عمر القطع الأستهلاكية من اربع الى خمس سنوات
وبعدها تغيرها شوي شوي
وبعد هذا كله تقول (طفشتني الهوندا) وشدخل الهوندا في السالفه
كان سيارتك اكورد قل هي الي طفشتك مو تعم هوندا كلها
تقبل مروري
اقتباس:
المشاركة الأصلية كتبت بواسطة أأح2024 بيج
هههههههههههههههههههه حسستني اني ساب واحد من جماعتكم او واحد يعز عليك سيارتي واسب ابو من صنعها :d:d:d:d:d
فيه ورشه متخصصه هوندا ممتازه واغلب الشباب قروب الرياض يروحون لها
الوصف :
صناعيه العروبه
شارع العروبه متجه غرب تجيك الصناعيه يسارك
تلف يسار وتمسك الخدمه مع ثاني منفذ يجيك ورش هوندا
رح لورشه رقم 20 فيه باكستاني اسمه فيصل
بالنسبة للهوندا v6 2007انا موضبها بالوكالة بحدود ال 20 الف
وسعره جديد حدود 30 الف
والله يعينك
اخوي اللي صار لك بسييييط جدا
لمبة الدي تاشر وايضا ما يدخل القير واذا طفيت السيارة وشغلتها ترجع المسألة عادية
هذا سلك تحت عندك مربوط بواحد من الحساسات ولو تغير الفيشة حقته وتتاكد من سلامة السلك نفسه تنحل عندك المشكلة
وخلاص
بالنسبة لعدم تغييرك الزيت في وقته هذه لازم تنضرب عليها ضرب تأديبي ونصيحة روح ايه سي ديلكو وغيره هناك علشان اذا صار شي جراء تغيير الزيت يتحملون لك قير جديد
بس بالنسبة لمشكلتك هي سلك تحت فقط لاغير
بالنسبة لعدم تغييرك الزيت في وقته هذه لازم تنضرب عليها ضرب تأديبي
صدقت أستاهل لكن اي كهربائي اوديها له على طول يتهرب يقول ماشتغلها ودها ميكانيكي تعرف اي احد قد صار عليه نفس المشكلة يمكن يفيدني
ياشباب للمعلومية القير قفل عندي مرتيين وطلع السبب من الفيوز الي في الكبوت يعني شكلها كهرباء
اقتباس:
ونصيحة روح ايه سي ديلكو وغيره هناك علشان اذا صار شي جراء تغيير الزيت يتحملون لك قير جديد
قير الهوندا ما يصلح له الا زيت الوكاله
اقتباس:
المشاركة الأصلية كتبت بواسطة طفشتني الهوندا
اهاااااا انت من النوع الي يسمي الأكورد والسفك وcrvووو (هوندا)
الله يعنيك
جرب بدل المنظم الكهربائي الراكب بجنب القير او قم بتنظيفه وياليت تخبرنا النتيجه ..
أنا موظب قير الأكورد 6 سلندر 2004 عند ترايستار بـحوالي 6000 ريال !!!