تسييخ الرديتر هل هو حل لارتفاع درجة الحرارة ؟؟!!

السلام عليكم..

الموضوع هذا اتكلمت فيه قبل كده .. وانحذف الموضوع الله العالم ليش ..

كانت عندي مشكله في ارتفاع مفاجئ لدرجة الحراره .. ورحت الشركه ومالقيت حل .. لاني حسيت انهم نصابين

يبغو يغيرو المراوح الاثنين و الدينمو حق المراويح الاثنين ب 2900 ريال

بعد ما سحبت سيارتي رجعت الحراره طبيعيه جدا و لا اشتكت ولله الحمد

سؤالي:

واحد من جيراني نصحني بتسييخ الرديتر وتنظيفه بالمويه المقطره على ما اظن؟؟ ويتعبى مويه خضرا

هل هذا الشئ يساعد في بروده المكينه مثلا او يساعد في تنزيل الحراره؟؟

علما بان الحراره دائما اقل من النص بشوي .. يعني فوق الربع

ايه اخوي تسييخ الرديتر يعطي نتيجة طيبة جدا


وبالنسبة للمراوح دامهم يشتغلون لا تغيرهم ابد


الموية اشتري موية خضرا او موية وكالة تويوتا قيمته 30 ريال تقريبا

أخوي بيبسي مان ..

انا واحد عانيت من حرارة السيارة على مختلف السيارات .... هوندا أكورد ومرسيدس ولكزس ..

اللي فهمته من موضوعك انا ارتفاع الحرارة مو على طول يعني على حسب ؟؟

انا واجهت حالتين مع ارتفاع الحرارة :

الأولى : لما امشي 140 كم في الساعه ترتفع الحرارة وتم علاج المشكلة بتصيخ الراديتير ..

الثانية : بعد مرور 15 دقيقه من تشغيل السياره تبدأ الحرارة بالارتفاع تدريجيا وتم علاج المشكلة بتغير المرواح لانه عندما تحتاج السياره لعامل مبرد تكون المرواح عدمة الفاعليه .

ختاما : حاول تتعرف على السبب في ارتفاع الحرارة لانه قد يكون في تسريب في الراديتر نفسه وبالتالي نقص في المويه .

حاول تكشف ع السيارة اكثر من كذا
ونصيحة لاتعبي موية عادية لانها تحرق الرديتر وتتبخر من جوه

شكرا جزيلا على مروركم يا شباب الله يعطيكم العافيه

في سؤال ثاني .. بالنسبه للمراويح اللي فهمته انه في مروحه دائما تشتغل مع المكيف سواء كانت الحراره عاديه او مرتفعه هل هذا الكلام صحيح؟

لاني بصراحه انقهر لمن اشغل المكيف والحراره لسى تحت .. تقوم تشتغل المروحه الثانيه

اقتباس:

---

المشاركة الأصلية كتبت بواسطة المايسترو77

حاول تكشف ع السيارة اكثر من كذا
صدقني يا مايسترو السياره دخلتها 3 ايام الوكاله وطلعولي بالنتيجه هذي اغير المراويح مع الدينمو.. لدرجه اني كرهت الوكاله (وكاله خريص)

ونصيحة لاتعبي موية عادية لانها تحرق الرديتر وتتبخر من جوه

---

وبالنسبه للمويه انا صارلي كم يوم اشيك على المويه اولا كنت القى العلبه اللي فوق مليانه للنص فماكنت افتح الرديتر

الين ما قالي الوالد ترى بعض الاحيان العلبه تكون مسدوده بشئ .. يعني تخمك .. تكون العلبه مليانه لكن الرديتر ناقص مثلا

صرت افتح الرديتر القى المويه ولله الحمد فللللل لا و خضرااااااء ولله الحمد

تسييخ (كانه قديمه) مع فك البلف عند التسييخ

تسييخ رديتر +غسيل سلندر(مجاري الماء بالمكينه)

ماء راديتر أصلي

هذا الحل اذا ما فيه أي تهريب

وان شاء الله راح أحط موضوع عن ماء الراديتر والحراره وراح ابحث واضبط الموضوع علشان تستفيدون:)
وراح أطرح تجربتي (تغيير ماء الراديتر) قريبا بإذن الله SOON مغير الماء ومضبطه قبل 3 شهور تقريبا والحمد لله تمام

أهم شيئ أصبروا اللي ماترتفع عنده الحراره ويبي يغير فقط للمحافظه
أصبروا , أعلمكم الطريقه , وكل شيئ لا يلعبون عليكم البناشر والخ...
طبعا اللي مايبي يسيخ (اللي راديتره تمام مايصلح يسيخ لأنه يضر)

قريبا الموضوع SOON <<<<< مسوي فيها MBC ACTION :p

فيه عدة اسباب لارتفاع الحرارة

اولا متى ترتفع الحرارة

هل اذا كانت السيارة واقفة؟؟؟

فاذا كانت واقفة وترتفع الحرارة فالمرواح هي السبب فلذلك يرجى التحقق من سبب عدم عمل المراوح

واما اذا كانت السيارة تسير وترتفع عليك الحرارة؟؟

فالسبب يعود الى ماء الرديتر او الرديتر نفسه فيرجى التاكد من الراديتر لانه المراوح هنا ليست ليها اي علاقة بارتفاع الحرارة اذا كانت تسير السيارة

الله يعطيكم الف عافيه يا حلوييييين..

ترى مشكلة ارتفاع الحراره كانت عندي عند تشغيل المكيف .. اذا طفيت المكيف الحراره ترجع عاديه.. لكن اللي جنني ان السياره طلعتها من الوكاله (الوكاله ما مستها بس كشفو عليها) وبعدها سارت طبيعيه..

الى الاخ اكورد فضي الله يهديك خوفتني :( (اللي راديتره تمام مايصلح يسيخ لأنه يضر)؟؟؟

انا الى الان الموضوع تمام عندي بس حكايه التسييخ لو انها مفيده والله بسويها

اقتباس:

---

المشاركة الأصلية كتبت بواسطة pepsi_maan

الله يعطيكم الف عافيه يا حلوييييين..

ترى مشكلة ارتفاع الحراره كانت عندي عند تشغيل المكيف .. اذا طفيت المكيف الحراره ترجع عاديه.. لكن اللي جنني ان السياره طلعتها من الوكاله (الوكاله ما مستها بس كشفو عليها) وبعدها سارت طبيعيه..

الى الاخ اكورد فضي الله يهديك خوفتني :( (اللي راديتره تمام مايصلح يسيخ لأنه يضر)؟؟؟

انا الى الان الموضوع تمام عندي بس حكايه التسييخ لو انها مفيده والله بسويها

---

نعم يالغالي يضر (كلور أو فلاش أو الخ...) :eek: أو يحطون زيت فرامل بعد
الأشياء هذي تضر ولازم تفك البلف قبل لا تسييخ
أما اذا كان صابون تايد ويمكن معه شوي كلور مافيه مانع أهم شي تفك البلف عند أي تسييخ علشان مايخرب عليك
بمعنى عند الضرورة
ونصيحة قبل لا تسييخ أشتر جالون ماء رديتر أصلي مع 4 علب ماء مقطر
علشان اذا سييخت تعبيهن
وراح تكون تمام

وانتبه من الماء الأخضر والأحمر ابو 10 ريال <<< تراه دمار ومغشوش وموب أصلي حتى لو لقيت مكتوب عليه أصلي خرطي ودمار
لون وماء

عندك :
موية هوندا الزرقاء (تكون مخلوطه مسبقا بس تعبي) لازم جالونين
موية أسي ديلكو أحمر أصلي امريكي (مركز وغير مخلوط مسبقا لازم تخلطه بماء مقطر) جالون واحد مع 4 علب ماء مقطر

شف اسأل عن جالون اسي ديلكو الأحمر الأصلي <<< أنا مجربه ممتاز
وبدون سليكات << لازم بدون سليكات بالكتالوج 2006
ومناسب للألمنيوم
وصناعته أمريكيه وعالية الجوده
مركز وثقيل لازم تخففه بالماء
مبرد ومضاد التجمد

ولكن به عيب وحيد غالي $$ شوي بس يستاهل
ب 72 ريال الجالون 4 لتر مركز وثقيل لازم يخفف بالماء << يشبه الزيت شوي
4 علب ماء مقطر ب 8 ريال الوحده بريالين

اذا تبي اسي ديلكو أصلي لازم تشتريه من مركز خدمة اسي ديلكو وتأكد من تاريخه

أنا عندي لك حل جربه وما راح يضرك شيئ قبل التسييخ اذا نجح الحل خلاص لا تسييخ
كرتون (ماء مقطر) ب 15 ريال به 12 علبه
تفرغ الرديتر كامل ثم تعبيه كامل وتشغل السياره وتعبيه كل ما نقص الى أن يمتلأ وعب الخزان الاحتياطي على الماكس ((للتنظيف)) تخليه يوم أو يومين
وخل معك علبه أو علبتين أحتياط بالسياره
لأن الرديتر ينكبك يمتلأ وهو لم يمتلأ (أرجو أنك فهمتن) وتعبي على الخزان على الماكس ثم يسحب الرديتر وطبعا لازم تقوس وتعبي الماء مضبوط وألا ترى عادي توصل H وانت تمشي لأنه يكون ناقص وماعبيته زين
بإمكانك تفريغه مرة أخرى (وتعبئته ماء مقطر بالكامل للتنظيف مرة أخرى) علما انه لا يغني عن التسييخ
ثم تعبي ماء الراديتر مع ماء مقطر

طبعا أنصحك كانك ملزم تسيخ أنك تسيخ بأجهزة الغسيل (آلة أو مكينة التسييخ) يتم توصيلها بالمكينه(المحرك) (الخراطيش) وتنظيف الراديتر

واذا فكيت الطبه لازم صمغ وغراء أصلي وانتبه لا يكسروها

عموما قريب أحط موضوع عند ماء الراديتر وطريقة التغيير والحراره والخ... والحلول
أنا أقولك الحق التسييخ أغلبه مضر وهذا من خبره

وفيه نقطه ترى الراديتر أحيانا لا يسحب من الخزان الاحتياطي ويكون الرديتر ناقص بسبب غطاء الراديتر

والسلام عليكم ورحمة الله وبركاته

وعليكم السلام ورحمة الله وبركاتة

1- عليك بـ تنظيف الراديتر وغسيلة بمحل متخصص للراديترات مع وضع سائل تبريد مانع للتجمد ويفضل تمر قطع غيار الوكالة وتشوف اذا موجود عندهم

2- فحص البلف وتبديله أفضل

3- تبديل غطاء الراديتر

4- فحص المراوح والتأكد من عملها بشكل ممتاز

وبالتوفيق يارب :)

ملاحظة : الكثير ينصح بسائل تبريد تويوتا ولا أعلم السبب فقد يكون ممتاز وأفضل ..

يسلمو حبيبي اكورد فضي و يسلمو يا مباشر على نصايحكم الغاليه ..

ابسال المباشر .. في نفس الصورة اللي انت حاطها درجة الحراره بالنسبه لي مرتفعه؟ ولا لا؟

شوف حبيبي روح لمحل رديترات وخليه يغير لك غطا الرديدتر وينزل الرديتر وينظفه ويعبيه مويه ايسي ديلكو اصلي ويشيك على الخراطيش بس هدي السالفه كلها وشيك على القير كمان

اقتباس:

---

المشاركة الأصلية كتبت بواسطة pepsi_maan

يسلمو حبيبي اكورد فضي و يسلمو يا مباشر على نصايحكم الغاليه ..

ابسال المباشر .. في نفس الصورة اللي انت حاطها درجة الحراره بالنسبه لي مرتفعه؟ ولا لا؟

---

قصدك الصورة اللي بتوقيعي ،،،

الحرارة طبيعية جدآ وهذا هو مستواها الطبيعي في الأكورد وللتوضيح اليك صورة أوضح :)

http://www.hondaarabia.com/club/atta...1&d=1248535759

يا حبيبي خلاص لا تسوي اي شي دام الحراره رجعت طبيعيه الا اذا ارتفعت ثانيه

اتوقع ان المشكله كانت نقص بموية الرديتر و يوم دخلتها للوكاله زادوها و رجعت طبيعيه


واجهتني نفس المشكله قبل شهر .. ارتفعت الحراره للثلثين تقريبا

شيكت على الرديتر بعد ما بردت السياره و لقيت المويه ناقصه لـ حول النص

زدتها مويه مقطره و لا عاد ارتفعت ثانيه و لله الحمد


للمعلوميه آخر مره شيكت على موية الرديتر قبل سنتين و نص بصيانة الـ 60 الف :d

و الحين السياره ماشيه 160 الف



باختصار .. نصيحه لا تدفع شي الين تتأكد ان المشكله حقيقيه

شباب بعد لاتنسون شغله يرفع درجة الحرارة وهي ان غطاء الراديتر جلد حقها خربان وينسم هواء

اقتباس:

---

علما بان الحراره دائما اقل من النص بشوي .. يعني فوق الربع

---

ياجماعه يقول اقل من النص بشوي هذه حراره الأكود الطبيعية

سؤال شباب :

هل نقص ماء الرديتر طبيعي أو لا بد من وجود مشكلة

يعني لو ينقص ماء الرديتر خلال الشهر أو الشهرين مقدار علبة أو نصف علبة ماء صغيرة ( أبو ريال )

هل هذا الوضع طبيعي أو لا بد من وجود خلل

يا حبيبي يا زين الراديتر المدبّل


والله محد تعذب من ارتفاع الحرارة غيري انا الين غيرت الراديتر براديتر مدبّل

والحمد لله الوضع في السليم

شاكر لكم جميعا على مروركم وعلى ردودكم ..

واللي انا احسه فعلا اذا كانت السياره اوك ليش اسوي فيها شئ ..

لكن اللي خلاني افكر في التسييخ هي استشاره واحد من الجيران .. ويقول انها مفيده ..

واللي خلاني من جد افكر فيها .. انه يقول طلع من الرديتر حقه تراب وطين :confused: .. قلت لا يكون عندي انا كمان تراب وطين؟؟

فعشان كده انا بحاول اشوف اذا مفيده و مهمه .. اسويها

وبالنسبه لارتفاع درجه الحراره هي فعلا ارتفعت فوق النص تقريبا ثلاث ارباع .. لكن في الوضع الطبيعي هي مثل الصورة اللي عند الاخ مباشر..

شاكرلكم جميعا يا شباب:)

عزيزي موترك موديل 2007 يعني مازال نظيف وجديد

التنظيف للراديتر وغيره للسيارات اللي مر عليه سنين

وللمعلومية تنظيف الراديتور مطلوب اذا الموتر وصل العداد 200 الف وبعدها كل 100 الف

غطاء الراديتر اذا كان خربان :
يسبب نقص ماء الراديتر يتبخر الماء
وأحيانا يخلي الراديتر مايسحب من الخزان الاحتياطي
يعني انتبهوا مو شرط أنك شفت الخزان الاحتياطي على الماكس أو مانقص ان الراديتر مليان
أحيانا يكون ناقص الراديتر ومايسحب مويه من الخزان الاحتياطي اذا الغطاء خربان
وله دور كبير بالحراره + يرفع درجة الغليان

والله ريحتني يا مباشر بكلمتك هذي تسلم يا غالي ..

اكورد فضي .. ترى نفس المشكله كانت موجوده مع الوالد (الله يحفظه) يقول انا كنت اشيك على العلبه حقت الرديتر والقاه مليان و مستغرب من ارتفاع درجه الحراره .. الين ما الله هداه وشيك على الرديتر نفسه ولقاه بعلا ناقص ..

شكرا على مروركم

اقتباس:

---

المشاركة الأصلية كتبت بواسطة pepsi_maan

اكورد فضي .. ترى نفس المشكله كانت موجوده مع الوالد (الله يحفظه) يقول انا كنت اشيك على العلبه حقت الرديتر والقاه مليان و مستغرب من ارتفاع درجه الحراره .. الين ما الله هداه وشيك على الرديتر نفسه ولقاه بعلا ناقص ..

فعلا تصير

شكرا على مروركم

---

العفو أخوي
وعلمنا وش يصير عليك
ان شاء الله تزين وماترتفع ابدا

اقتباس:

---

المشاركة الأصلية كتبت بواسطة هوندا 2000

يا حبيبي يا زين الراديتر المدبّل


والله محد تعذب من ارتفاع الحرارة غيري انا الين غيرت الراديتر براديتر مدبّل

والحمد لله الوضع في السليم

---

أخي العزيز..

من أين ممكن نجيب الراديتر المدبل؟ وهل هو أصلي من هوندا؟ علماً أني أعاني من الحرارة مؤخرا لأكورد 2002 وألاحظ أن الراديتر رغم انه مكتوب عليه هوندا لكنه ضيق ونحيف جداً