عرض للطباعة
السلام عليكم
بعد كم يوم بروح البحرين سياحه و زياره فقلت بروح وكالة هوندا بالبحرين و اسأل عن كم شغله و بقارنها بالكويت فياريت احد يقولي منو الوكيل و وين صاير (للمعلومات انا اخر مره رحت البحرين من 9 سنين فما اذكر فيها شي عن اسماء المناطق او الشوارع بس انتو قولو لي و انا اسأل و اللي يسأل ما يتوه )
والله اذا بيفيدك احد مالك الا اخونا راعي الاكورد
من البحرين وادرى بكل شي
وشكرا
اخوي بلاك اكورد
بسألك عن خط السفر من الكويت
انا انشالله بسافر الشهر الجاي على الكويت بالبر من قطر
سؤالي هو
الطريق الي اعرفه
هو من سلوى (حدود السعودية) الهفوف --> النعيرية---> حفر الباطن ?? وبس
بعد حفر الباطن شلون اوصل الحدود الكويتيه ?
وكم المسافة تقريبا من الحدود الكويتيه الى حفر الباطن
ومشكور اخوي واسفين داخلين عرض بالموضوع :d
اخوك محمد
http://www.m5zn.com/uploads/5f87455701.jpg
و الله بصراحه ما اقدر افيدك لاني انا نفسي ما اعرفه ((معاي مرشد)) طالعين قروب سيارات فما اقدر افيدك بس على فكره حفر الباطن ابعد نقطه من حدود الكويت لين المدينه
معليش خشيت غلط :dاقتباس:
المشاركة الأصلية كتبت بواسطة mano
طيب mano عندك شي بحفرالباطن واللا لا ؟ اذا ماعندك شي انا اقول لك اطلع مع طريق ابو حدريه
انا بصراحه اعرف طريق الهفوف >>> النعيريه >>> السفانيه >>> بتجيك الخفجي على اليمين والمنفذ قدامك :cool:
mano وش بيوديك حفر الباطن تراه مشوار عليك اذا بتروح الكويت
اذا وصلت ابوحدريه كمل للسفانية ومنها للخفجي على الخليج
وبتوفر مسافه حوالي 200 كيلو
اذا مصر على حفر الباطن فالمسافه بين حفر الباطن والحدود الكويتيه هي حوالي 100 كيلو يمكن 110 بالضبط وبعد عشان توصل مدينة الكويت بتمشي اكثر من 100 كيلو داخل الاراضي الكويتيه
والله ما عندي شي في حفر الباطن بس الحين الحمدلله
بروح الطريق الي دلتوني عليه
وانشالله خير
اخطبوط ونكد مشكورين يا حلوين
:cool: :cool:
طيب سؤال ثاني
في احتمال اروح قطر بعد البحرين
منو وكيل هوندا بقطر ؟؟
و وين صاير ؟؟
......في طريقي بسير على الخبر عند واحد من الاصدقاء لمدة يوم .. وكيل هوندا (عبدالله هاشم ) له فرع في الخبر ؟؟؟؟
فيه معرض هوندا اول ماتدخل الخبر يعني بالجهه الثانيه من مجمع الراشد
بالنسبة لقطع الغيار والمركز الرئيسي فهو بين الدمام والخبر بعد ماتطلع من الدمام باتجاه الخبر على طريق الملك فهد تلقاه بعد وكالة الجميح (شيفرولية) تلقى عبدالله هاشم (هوندا)
وتقريبا من جسر البحرين 25 كيلو
والله ياخوي بعد لفه طويله وبحث طلعت بشوية معلومات عن الوكيل بالبحرين
الوكيل : الشركة الوطنية للسيارات
الموقع: اذا دخلت البحرين مع الجسر تمشي الين يجيك كوبري طريق الشيخ سلمان تلف معه لفه كامله كانك بتروح يسار وتمشي مسافه تلقى الوكالة بعد شيفرولية (كلهم نفس الوكيل)
هذا رقم تلفونهم 403444 (00973)
ياليت لو أحد من البحرين يؤكد هالمعلومه
مشكوووووووووووووووور يا اخطبوط المنتدى
استفدت من المعلومات و على فكره ادمان البيبسي مو زين خرب لي اسناني :d
سلام عليكم هلا و سهلا في بلدك الثانية جوف اخوي طبعا انت بتجي عن طريق البر ؟ جوف اول ما تدش الجسر لا تروح لا يمين و لا يسار اخذ على طول الشارع الهاي وي بعدين اشارة الاولى بعد طوفة و الثانية هم بعد كله على طول بعد الاشارة الثانية نز ل الدريشة بس اسال وين جسر سترة بئشر لك انعطف يسار بعدين على الجسر على طول روح على طول كل الوكلات هنام منطقة سناعية اهي منطقة سترة اسمه بعد ما تخلص الجسر بجيك اشارة هم بعد على طول خل عيونك ابطلع كله على يسارك بجوف علامة الهوندا هذي الوكالة مالت البحرين طبعا انت على اليمين و اهي على اليسار فقط اطلع جدام تجيك اشارة اقلب علية دبل يسار و ارجع على المسار العكسي اضرب سكنير و ادخل الوكالة وسلام عليكم و اشي شي ما يردك الى لسانك ... اخوك راعي الهوندا
مشكوووووووووووووووووور
يا ريت اقدر افيدك اخوي بس انا من الامارات
هل قطع الغيار بوكالة البحرين ارخص من السعودية..؟؟؟؟؟؟؟؟؟؟؟؟؟؟..
ياريت اللي جرب يذكر اسم القطع...:)..
>>> الحين الوصف...بعد الجسر إشارتين بعدين يسار على الجسر وبشوف الوكالة على يساري...صح..؟؟؟؟
صح و اسم الجسر جسر سترة
للاسف اول ما وصلت الخبر (بأول ساعة) بلغوني بوافاة احد اصدقائي بحادث سيارة و اضطريت اني ارجع الكويت علشان الحق على الدفن
لا حول و لا قوة الا بالله العلي العظيم
الراكب اللي معاه بغرفة الملاحظه ادعو له يا شباب تراه بحاجة لدعائكم
الله يرحم صديقك ويسكنه فسيح جناته ويثبته بالقول الثابت ويصبر أهله على فراقه، عظم الله أجركم.
اللهم إنا لانسألك رد القضاء لكن نسألك اللطف فيه، اللهم عافه وأعده لأهله وأصدقائه سالماً معافى إنك على كل شيء قدير..
لاحول ولا قوة الا بالله وانا لله وانا اليه راجعون
عظم الله أجرك اخوي
والله يرحمه ويغفر له ويجعل قبره روضة من رياض الجنه
وباذن الله يقوم المصاب بالسلامه ومايشوف شر ان شاء الله
والله يكفينا واياكم شر الحوادث
شوف الوكيت اسمة الشركة الوطنية للسيارات ولها موقعين الاول في المنطقة الصناعية (سترة)وهو الرئيسي بس انصحك ماتروح هناك لأن المنطقة زحمة مرة الموقع الثاني وهو في منطقة تسمى السهلةوهو قريب من بعد ما تدخل الجسربحوالي 6كيلو متر ويوجد به مركز صيانة ومركز بيع قطع الغيار ولا تتفاجأ لما تشوف عدة انواع من السيارات في الصيانة غير الهوندا لأن الوكيل هناك هو وكيل لعدة انواع من السيارات غير الهوندا مثل الكاديلاك ااقتباس:
المشاركة الأصلية كتبت بواسطة the Godfather
Acديلكو Gm الهمر كابريس وغيرها تروح وترجع بالسلامة
كل المعلومات صحيحة والمنطقة اسمها السهلةاقتباس:
المشاركة الأصلية كتبت بواسطة الاخطبوط
8888
الرجال في ايران الحين شوف تاريخ الموضوع .... :)
:rolleyes: