الصيانة لدى الوكيل ... و مشاكلها
السلام عليكم
نواجه مشكلة مع صيانة هوندا لدى الوكيل بالسعودية .. و هي المواعيد !!!
اتصلت من 3 اسابيع لأحجز موعد لصيانة سيارتي الـ 2005 و التي وصلت الى 20000 كلم ... و قالي بعد 5 ايام ... قلت طيب ... طبعا من هنا الى 5 ايام ما تدري ايش يصير و جا الموعد و ما قدرت اوديها يومها لظروف العمل ... جيتو بعدها قال لا اتصل و احجز !! .. قلت انا الغلطان ... بعد اسبوع اتصلت لأحجز !! .. قالي بعد 4 ايام قلت اوكي متى تخلص قالي بعد 3 ايام !!! وكانت هذي القشة الي قسمت ظهر البعير ( او الثعلب) ... سألتو ايش السبب الي يخلي السيارة عندك 3 ايام ... السيارة يبغالها فحص و ماهي مصدومة ولا شي !!
قالي الفلبيني عشان ضغط !! ، قلتلو الضمان يجبرني اجيبها لك .. ولا خسرت الضمان .. و ما عندي الا سيارة واحدة ... و تاخدها و تبيتها عندك !! .. وانا امشيها كعابي !! ... يوم قمت ارفز على السماعة صرفها و قالي الفنيين بجدة للتدريب !! .. وعلى فكرة فرع مكة و جدة نفس المشكلة !!!
تويوتا وصلو 60 دقيقة الفحص و صيانة هوندا لورا ... اذا كانت هوندا مهتمة تبيع و تسوق ... طيب وبعدين !؟
ما أدري الشباب واجهو نفس المشكلة ولا انا محظوظ ؟ :cool:
