ما هي سيارتك ؟؟؟ و ما هي التعديلات التي أضفتها ؟؟؟

السلام عليكم و رحمة الله و بركاته
من باب فتح الحواجز و التعارف أكثر في ما بيننا ...طرحت هذا الموضوع ...كل واحد خصوصاً المشتركين الجدد يطرحوا أنواع سيارتهم و التعديلات الي عليها ... خصوصاً الهوندا ... و بالأخص الأكورد :D ...بالطبع أول واحد أنا :) ...سيارتي : هوندا أكورد ...
موديل 2005 ...
لون أسود ...
فل كامل ...
المواصفات : جلد ، جنوط ، مسجل ستة سيديات ، فتحة .
الإضافات :
1- نسافات رياضية .
2- زينون .
3- جناح .
4- أزياق كرومية في الأمام و الخلف و على الشمعات الخلفية .
5- تظليل عازل ( V-kool )6- اريال مثل المرسيدس :D و إن شاء الله إذا شفنا تفاعل نحط صور ...بإنتظار تفاعلكم :) ....تحياتي

شباب للأسف مادري ليش طلع الموضوع بس مسافات ... لكن الخطأ الظاهر في بيانات المنتدى ...بإنتظاركم :) ..

وانا سيارتي اكورد موديل 2004 فل اوبشن والون اسود واوقات مع النور الابيض احس ان الون كحلي كيف ؟ والله ماادري .
والاضافات :
1/ مسجل كاسيت.
2/ علبة مناديل .
3/ دعاسات ارجل . لان الحبيب عبدالله هاشم يبيع سياراتة بدون دعاسات :eek: يقول تبي دعاسات الله لايهينك جب 200 ريال ماينقص منها ريال واحد :mad: وازيدكم من الشعر خيمة الدعاسات الي يبيعها صينية مو يابانية :cool: .
الواحد لا فضفض يرتاح :rolleyes: الله يسعدك اخوي BLK دنيا وأخرة .

اقتباس:

---

2/ علبة مناديل .
3/ دعاسات ارجل . لان الحبيب عبدالله هاشم يبيع سياراتة بدون دعاسات

---

:) هاهاهاها

Lol :d

مشكورين على الرد السريع ... :) أخوي H :: سيارتك لونها أزرق

إخواني Crv + Honda = بإنتظار مشاركاتكم :)

اقتباس:

---

مشكورين على الرد السريع ... :) أخوي H :: سيارتك لونها أزرق

---

ههه :) بهذه الحالة سيارتي لونها رمادي!

سيارتي الحالية سيفيك هاتشباك 96:
- لونها أخضر مزرق.
- أضفت لها مشغل سيدي + فيديو سيدي (بدون شاشة ;) )
- العديد من علب المناديل!، العديد من الأغراض والملابس و... العديد من كل شيء!

ملاحظة/ بشكل عام لا أحب العديد من التعديلات التي انتشرت هذه الأيام.

إحم سيارتي....

أنا سيارتي أضفت إليها تعديلاً مذهلاً يجعلها شفافة تماماً.... بل وحتى غير ملموسة!!!!



باختصار.....
لا أملك سيارة بعد!

:)

CR-V الله يرزقك ويكرمك ونشفوك راكب ليجند ياعم .

انا عندي هوندا اكوورد 2002 ...

الاضافاات في المكينه :
1- رام اير (فلتر وبيب)
2- بواجي واسلاك
3- هدرز ماركه
4- بكرت كرنك
5- بكرات بور ..
وطبعا انا اوتو ...4سلندر

وانتظروا المزييد
وموضوووع ممتاز

مع ارق تحيه

أنا عندي هوندا أكورد 2006 فل كامل لؤلؤي 4 سلندر

ما حطيت فيها شيء أبد يا زينها وكالة .

سيارتي هي هوندا اكورد 2006 4 سلندر فل اوبشن لون أسود ..

ما عليها شي الا المخفي ( التظليل ) ..

بسم الله ماشاء الله
الله يعطيكم خيرها ويكفيكم شرها.

أهــــــلينأولاً مشكورين على تثبيت الموضوع ..

سيارتي : اكورد 2003 اوتو 4 سلندر

اللون : بالاستمارة ( رمادي) والناس تقولي كحلي

الاضافات : مركبلها جنوط ( تجاري )

أهلين أخــوي متوهق ... مشكور على ردك ... الحين عرفت اللون :d ... الله يحفظها لك ...

السلام عليكم ...

موضوع جدا جميل ... ياريت تشاركونا بصور سيارتكم ... ;)

انا معاي اكورد 2005 فل اوبشن (اللهم صلي على النبي) ...... رمادي غامق ، مركب تضليل Vcool بس ... حتى علبة المناديل ما حطيت ...

قريبا جدا ... بركب لها جناح رياضي ... و كشافات امامية... و اريال البي ام (الي زي زعنفة القرش) ، ستارة على الزجاج الخلفي ... واعطيها تلميع عند ماي كار بالراكة (رخيص و حلو)

انشاء الله بس اخلص ... بشارككم فرحتي بصورة للعروسة ... و الدورة بريالين

تحياتي

:cool:

السلام عليكم ...

سيارتي هوندا أكــ 2006 ــورد اللون لؤلؤي نص فل فتحه وقير اوتو ...
الاضافات ,, تظليل عازل من سولار قارد لون مائل للعسلي ..

أخوي نيو فوكس ... ما قلت لنا اللون :) ... بالنسبة للصور أقترح تنحط في معرض الصور و بعدين نضيفها هنا ... و أنا إن شاء الله راح أنزل صور سيارتي هذا الأسبوع ... الله يعطيك خيرها و يكفيك شرها ..... أخوي اكورد 4 ايفر ... الله يعطيك خيرها و يكفيك شرها ... ننتظر تعديلاتك عليها :) ...

انا سيارتي اكورد 2003 4 سلندر اقل درجة وماعليها اي اضافات

هلا Blk اي والله انك صادق راح علي موضوع اللون ... بس عدلت الرد ... و اللون رمادي غامق ... عاد تصدق مدري المرور وش كاتبين بالأستمارة ؟!!!

تحياتي

أقول ... كلكم رمادي غامق :d ... و معظمكم إضافات خفيفة ... يعني أنا أكثر واحد معدل :d ... مشكورين على الرد جميعكم ....