كم سعر مراية الفل الكامل 2008 ؟

سلام عليكم

كم سعر مراية الفل الكامل 2008 ؟

لو تكرمتوا

وعليكم السلام ،

مب متأكد من المعلومة ،

بس سمعت انها في حدود 1000 ريال لانها تماتيك ..

وان شاء الله اللي جرب واشتراها انه يفيدك ..

الله يعطيك العافيه .. يا كاكاشي ..
والله اني متررد .. سمعت انها بـ 1200
وانا عندي القزازه مكسوره .. <<شطفه :d

وش تنصحوني فيه ..؟

١٢٠٠ تقريباً وبعد الخصم حول ١٠٧٠ ريال .

وعليكم السلام ..

قبل ما تتهور وتشتريها ،

وش رايك تمر على التشلي يمكن تشوف لك وخاصة انك بتلقى على لون سيارتتك < شد بلد ..

بالتوفيق ،

حياك الله كوكوكورد ..
ومشكور اخوي يعطيك العافية ..

كاكاشي .. والله اني لقيت في تشليح الجنوب ..
بس اني تخاصمت مع راعي التشليح ..
هو يقول 750 وانا اقول 650 ..
واما اللون مايحتاج سكري ..

شكلي بارجع له اليوم ... وانزل له واحد ثاني من الشباب ... خخخخ

يعطيك العافية أخوي ...

^^^

هههههههههههههههه ، اما سالفتك انت سالفة ،،

اقول توكل على الله دامها نص السعر ..

مايبي لها ..

ياشباب بخصوص التركيب ..

انا خايف ترج علي اذا اسرعت عليها في السفر

التركيب مضمون عند اي مكان

وهل الوكاله تركب لي اذا جبتها من التشليح ؟

التركيب اتوقع كله فك وتركيب ..

ولا تدري احسن حركة تسويها ..

ركبها في نفس التشليح وخل يعطيك فاتورة ضمان انك مركبها عنده واذا رجّت عليك على سرعات عالية ..

انشب له وعطه المراية ..

أنا توني شاري مراية للهوندا أكورد 2004 بيضاء مريت تشليح الصناعية وتشليح الحاير ولا حصلت إلا سوداء وذهبي ولا تدري هي أصليه ولا لا وسعرها من 350 إلى 450 ويبي لها رش بياخذون تقريبا ً 50 ريال رحت للوكالة اللي هي الخالدية ما حصلتها عنده وقال عند وكالتنا بخريص فقط قطعة وحده وشريتها بـ 450 ريال بيضاء على أن ما عليها كتابات اللي هي مكتوبه شفافة حقت الرؤيا إلا أنها أفضل وركبتها عند كهربائي على السريع

ما أريد قوله أن تشليح الحاير نصابين وهذه ثاني مره تحصل لي فهم ينزلون عن سعر الوكالة شيء بسيط ولا يوجد ضمان ولا توجد ثقه وبعض الأحيان تكون القطعه مستهلكة

^ ^ ^ ^ ^
الرجال يتكلم عن مراية 2008 !!

وليس موديل 2004

لأنها تفرق بالسعر بالشكل بكل شيء

اقتباس:

---

المشاركة الأصلية كتبت بواسطة uo8

الله يعطيك العافيه .. يا كاكاشي ..

والله اني متررد .. سمعت انها بـ 1200
وانا عندي القزازه مكسوره .. <<شطفه :d

وش تنصحوني فيه ..؟

---

طيب على كلامك أن القزازه هي إلي منكسره يعني الهيكل الخارجي للمراية سليم نوعا ما طيب سألت عن سعر القزاز في الوكالة إذا هم يبيعونه ولا لا .... ولا مر النعماني واسأل عن المراية أكيد بتلاقي عنده أصلي وتجاري وبيعطيك خصم إذا قلت له أنك عضو من المنتدى ...

اقتباس:

---

المشاركة الأصلية كتبت بواسطة king

^ ^ ^ ^ ^
الرجال يتكلم عن مراية 2008 !!

وليس موديل 2004

لأنها تفرق بالسعر بالشكل بكل شيء

---

والله داري اخوي الكنق بس حبيت أوضح له حكايتي مع الوكالة والتشليح اللي حصلت لي هذا الأسبوع

^ ^ ^

فيك الخير والبركة :) يطولي بعمرك

الله يعطيكم ألف عافـــــبة ...

أبشركم فريت تشليح الحاير أمس .. والله ياشباب انكم تقولون الحمدلله ان عندي سيارة .. أعوذ بالله من مصائب الدنيا ..
الله يرحم ميتهم ويشفي مصابهم ..


المهم .. فريت فريت فيه اسبشل بالهبل .. لكن فل بمكينة مافيه ..
وبعدين افرحوا يااهل الاكوردات .. اشهد لله انكم سواقين ..انتم اقل نوعية سيارات في التشليح ..

يعني تفرتفر يالله تلاقي في تشليح اكورد الجديده .. واذا لقيت تلاقي اسبشل :d

المهم .. <<كم مهم عندك انت ..
لقيت بعد جهد جهيد .. بـ 750 ... وشلينا بـ 700

اما التركيب باروح الوكاله اليوم بعد التراويح واشوف اش يقولون


الله يعطيكم ألف عافية .. على حسن انصاتكم .. :)

طيب انا عندي اكورد اسبشل اقدر اركب حقات فل كامل

وشكرااا

اجل تروح الوكالة عشان تركبها وهي سالفة ٣ مسامير !!:confused:

رح اقرب حلاق ولا مطعم بخاري واذا كثرت مرة ،، رح اقرب صناعية ويركبها لكـ :d شغلتها بسيطة وما تاخذ اكثر من ١٠ ريال .. و ٥ دقايق ..

اخوي تفاح .. ماظني .. الفل تجي وفيه مثل مدخل للكهربه ..

اخوي كوكوكورد .. انت قد ركبت مرايه قبل كذا .. ؟؟؟

واحد يقول ركب مراية تماتيك لتويوتا .... فكوا عليه الباب كامل ؟!!!!!!