مشكلتى مع التكايه صارت سهله !!!
شباب , انا معاي اكورد 2003 سياحي . المهم بعد ما شريتها بفتره حطيت كولا جوه في الصندوق حق التكايه ( المنضده ) اللي تريح يدك عليها اثنا السواقه ...
و مع حرارة الشمس الملتهبه انفجرت , مسحتها و غسلتها و نسيت ايش صار مع الزمن . و انا متعذب مع التكايه هذي صرت اكرهها ما تنفتح زي سيارات الناس و ماصرت افتحها كثير ,,
قبل يومين وانا فاضي في الصبح فتحت التكايه الين الاخير بالقوه ( زاويه تسعين درجه ) <<<<<<من القهر ,
جيت المفك و فكيت مسمارين صغيرين سود ما غيرهم. واصلين التكايه القماش بالصندوق .و اخذت التكايه البيت ( و على المطبخ سيده ) و اخذت مازولا شوى و دهنت المفصل طبعا بعد ما غسلته .
رجعت ركبتها و بعدين فتحتها صارت( سهله الفتح )
المعجزه يا شباب اني اقدر استخدم الصندوق الاسود المستطيل اللي في التكايه و الله امكن اكثر من ثلاث سنين لم استخدمه .
التكايه عندي الحين تفتح بزاويه 90ْ درجه
الحمد لله .