:: لنعيد الذكريات مرة أخرى يا أهل جدة ::
بسم الله الرحمن الرحيم
السلام عليكم و رحمة الله و بركاته , و بعد ....
كل عام و انتم بألف خير
انقطعنا فترة ليست بالقصيرة :( , لكل منا مشاغله و التزاماته ... جامعة و اختبارات و موظفين و دوامات , لكن حاليا ما قدامنا إلا العيد :) .
كلمة واحدة تعبر : وحشتــــونا :o
قررنا نتجمع بعد انقطاع طويل رغم إن كثير من الأعضاء ظل صامدا و متواصلا مع الآخرين و لم ينقطع , و البعض سحب علينا و راح , ما نقوله شي بس الله يوفقهم ;) .
العتب على أصحاب الكوبيهات :mad: , سوو قروب لحالهم و ماشالله قروبهم ممتاز و على أول تجمع جمعوا عدد ممتاز من السيارات . ما ألومهم إحنا بصراحة ما أتحركنا و هما نظمو أول تجمع لهم و كان من الصور ممتاز بصراحة :rolleyes: .
بمناسبة عيد الفطر السعيد و بعد أقل من من شهر من تاريخ اليوم بإذن الله , راح يكون فيه تجمع لسيارات هوندا المعدلة و غير المعدلة , الجديد و القديم , الكوبيه و السيدان و حتى الجيوب و الفانات إذا موجود .... أي سيارة عليها علامة هوندا . التجمع للكل بدون استثناء .
لحد يستحي و يقول مافي أحد أعرفو :confused: , إحنا كلنا كنا كدا , تعال و أتعرف علينا و نتعرف عليك و يصير بيننا صحبة و مودة و احترام ;) .
في آخر تجمعاتنا حددنا و وزعنا استيكرات لأعضاء القروب و لصقناها على السيارات عشان ننعرف و سمينا القروب HONDA MASTERS .
على العموم موعد التجمع لم يحدد بصورة نهائية , لكن إنشالله في بداية ايام العيد أو في أول أسبوع بصورة أدق , و على المكان بأختار مكان وسيع و يكفينا و مناسب للتصوير :rolleyes: .
أي واحد يبغى يسجل معانا و يحضر تجمعنا يرسل المعلومات التالية على الخاص أو يكتبها هنا :
الإسم :
السيارة :
موديلها :
التعديلات : " في حالة وجود تعديلات " .
رقم الجوال : للتواصل لا أكثر .
للأهمية :
(( إللي أرسل رقمه قبل كدا لا يعيد يرسل تاني لأني مسجل أرقامك في قائمة عندي خلاص أي واحد أرسل اسمه و رقمه و بياناته كاملة يتأكد إني سجلتها عندي )) .
نتمنى حضوركم و يشرفنا و جودكم و يا هلا و مسهلا في أي واحد جاي من غير جدة :d .
نزلت الموضوع بدري لنجمع قدر أكبر من الشباب و السيارات , حياكم الله معانا و يا هلا فيكم و إنشالله تنبسطو معانا .
أي استفسارات هذا رقم جوالي
خالد : 0555671379
