وبعدين مع قماشاات الاكورد ........

السلام عليكم
كيفكم
وتستمر المعاناه مع قماشات الاكورد
السؤال يا اخوان هل مشكله قماشات الاكورد يعتبر عيب او شي عادي
انا من يوم سارت السياره ماشيه 5000 الاف كيلو بدت تطلع اصوات القماشات عندي ولما عملت صيانه ال 10000 كيلو
قلت للمهندس عن الاصوات وعملو لي صنفره وراحت الاصوات وبعد كم يوم رجعت مره ثانيه:mad:

قال لي مهندس الصيانه راح تغيرها في صيانه ال 15000 كيلو :confused:
قلت مو معقول السيارات الثانيه تمشي مسافه اطول وتاخذ وقت اكثر :confused:
فقال لي الاكورد الجديد كله كذا:mad:
ولما سئلته هل هذا يعتبر عيب في السياره
اكتفى بالسكوت ولم يجاوب:mad:
ارجو لمن كان لديه خلفيه يفيدنا
وايضا اطلب من كل الاخوان اللي لقو حل لهذه المشكله ان يبلغونا حتى تعم الفايده لانه بصراحه شي يقهر
سياره مامشت 13000 كيلو وتمر من عندك تقول ماشيه مليون من الاصوات الللي فيها
وشكرا

والله ياخوي هذا عيب مصنعي ماعليه كلام بس يرجع لسواقتك فيه ناس مشى معه 30000 للشخص الهادئ و 20000 للشخص

المتوسط أما الشخص المتهور أكيد راح يكون أقل مدة ومسافة ولكن قرات في احد المواضيع عن طريقة تخلي القماش يعيش أكثر

وطريقة أخرى توفر عليك بس مدري وين صراحة

إذا أنت تتكلم عن القماشات الخلفيه فهذا عيب موجود بالسياره لكن مو بالشكل الي يصير معك انت ..

يعني انا عادة أغيرها كل 30000 كم ..

أما بالنسبه للأماميه فتعتمد على سواقتك .. بالنسبه لي أغيرها كل 60000 كم واشوف انها مسافه ممتازه ..

تحياتي

هولا هولا :d


يآخي صآر معايه نفس الموشكلاء


لما رحت صيانه الــ 10000 قلت لهم ع الصوت

قام غير لي الهوبات بعدها آختفى الصوت كم يوم ورجع لي مره ثآنيه :mad:

هي فالاول والاخر عيب مصناعي مافيه كلااااااااااام < آرحم يامعتز :d



وفالغالب يظهر الصوت بزياده لما يكون فيه مطر


لكن آنت سو زيي شيك ع الهوبات والاقمشه وإذا آستمر الصوت طنش ولا تجلس توسوس :cool:


وبالتوفيق يرآقل

انا الخلفيه ماذكر كم مره غيرتها بس يا6 يا 7 وموديل سيارتي 2008

والاماميه مرتين غيرتهـا

والمشكله عيب مصنعي والله يعين ان شاء اللهـ

شكرا لمروركم جميعا :)

المشكلة هذه مو بس في الموديلات الجديدة فقط
أنا عندي موديل 2006 وأشوف نفس المشكلة القماشات ينتهي عمرها بشكل أقصر من غيرها من السيارات
واللي أعرفه أنا عيب الاكورد الوحيد تقريبا
مع العلم أن سواقتي هادية <<<<<<< :rolleyes:من الناس اللي يوقف قبل الاشارة بـ 3كيلو

تحياتي

وجود صفير وقت الفرامل مو معناه ان الاقمشه منتهيه

لانه انا من 10 الاالاف كيلو وانا اسمع هالتصفير لما امسك فرامل

والين يومك السيارة مشت 19الف وشوي مو معقول انا امشي عليها وهي منتهيه:d كل هالمده

هو عيب مصنعي مهب راضي يعترف فيه الوكيل
علشان يمشي سوق الفحمات عنده وهات ياتغيير وهات ياقطع غيار

عيب مصنعي حتى انا تخلص بسرعه

الله يعينكم يا حقين الاكورد :(

وصلت السيارة 17000 من غير تغيير , أحيانا صوت صفير خفيف غير محسوس

أنا حتى الان ماشية 30 وماغيرت ولا شي ومن كلامكم خفت قلت خليني أروح أفحصها وفحتها وقلي المهندس باقي نصف القمااش يعني تمشيك من 10 الف الى 15 لكن راح أغيرها أن شاء الله على 50 ألف وشرايكم

وتروون العيب المصنعي الي تقولون عنه العيب هوا الصووووت بس مو بسرعة أستهلاك القمااش وانتم فاهمين غلط
وللمعلومية بعض سيارات البي ام والمرسيدس فيها نفس الصوت هذا

والله ياخوك هذي مشكلتها عويصة وأنا معاي اكورد 2007 ومازلت المعاناة مستمرة .. والظاهر مالها حل ..


ولكن ياشباب أنا عندي اقتراح وهو وش رايكم نرسل رسالة جماعية علي اليابان نخبرهم فيها بالمشكلة وبموقف الوكيل منها وصدقوني

راح يتجاوبون معانا بس لازم نكون مجموعة كبيرة وشخص مننا مزيون بالعنجليزي يكون المتحدث باسمنا وننتظر ردة الفعل .. لأن الواحد

حرام يدفع 90000 واكثر ويسمع هالصوت ..

بالفعل انا كل 30 الف تطلع الي هالمشكلة

شوف يا غالي

سوي الي بقولة لو ما نفع .. سوي الي يقولوا الشباب الي فوق ..

روح عند البنشري و خذ المسدس تبع الهوا و انفخ بين الهوب و الاقمشة

و شوف يروح الصوت ولا لا

ترا حتي مهندسين الوكالة ما فراسهم شي .. اذكر واحد من الشباب سألهم وش الفرق بين الكنداسة الرياضية و الكنداسة تبع الوكالة ما عرفوا يجاوبوا

و مع احترامي .. من يوم دخلت السمكرة و شوف هل كلام .. السعودي يشتغل مكنيكي ، و الفليبيني يشتغل سمكرة ، و البنقالي يشتغل مكنيكة ..

عرف انه الوكالة ما عندها سالفه .. و بشهاده مشاكل الاعضاء بسياراتهم

أنا أكثر واحد بهوندا يعاني من هالمشكله

ولاتعبت عمري ولاكتبت موضوع ولاشي
لأنها ماوقفت على هذي وبس

واصبر علي كم شهر وبيعها والقماشات احد الاسباب

مادري المشكله فيني ولا فيه
بس بكل الحالتين الأكورد ماتستاهل هالقيمه على هالعيوب ~

والحل مثل ماشار علي واحد بالمسن من هالمنتدى
يقول ركب قماشات وهوبات تويوتا

اقتباس:

---

المشاركة الأصلية كتبت بواسطة K.H.A.L.I.D

والحل مثل ماشار علي واحد بالمسن من هالمنتدى

يقول ركب قماشات وهوبات تويوتا

---

^^^

إذآ ممكـن تركـب ليش لأ ..!! :rolleyes:


وخصوصـآ الموديـلات القديمـه 2006 وورى

ما أدري غيري كتي هذا الكلام أو لا ......

فيه قماشات اسمها نيشان ،،،،
الأغلب الحين يستخدموها

ياشباب نقدر نركب هوباااات اريووون ولا كامري علشان الصووووت اذا انت مسرع وتهدي تطلع اصوات طياررره وج وج وج وج

وش رايكم

لا ما يصلح تركب هويات الاوريون او الكامري

والسبب abs

انا نفس المشكله واكثر مو بس صوت صفير الى اصوات ونغماااااات وخاصه على سرعات عاليه ولما اجي اهدي بسرعه عشان امن الطرق ..تطلع اصوات بصراااااحه تفشل اذا كان احد معي سياره 2009 وهذي الاصوات فيها

غريبة انا الحمدلله عندي اكورد 2006 وما اشتكيت من الاقمشة والهوبات والله لو انا مكانكم اصلحها بالضمان غصب :mad: